ក្រសួង​ដែនដី ផ្ដល់ស្នាមញញឹម​ដល់ជនជាតិភាគតិច​ក្នុង​ខេត្តក្រចេះ តាមរយៈការផ្ដល់​បណ្ណ​កម្មសិទ្ធិការពារទ្រព្យសម្បត្តិរបស់ខ្លួន

ក្រចេះ ៖ ជនជាតិ​ភាគតិច​​នៅក្នុងស្រុក​អូរគ្រៀង​សែនជ័យ​ ខេត្ត​ក្រចេះ ទទួលបាន​ស្នាម​ញញឹម​ និង​ភាពកក់​ក្ដៅដែលមិនធ្លាប់​មាន ដោយក្រសួ​ងរៀបចំដែនដី​ នគរូបនីយកម្ម និងសំណង់ បានប្រគល់​វិញ្ញា​បនបត្រ​សម្គាល់​កម្មសិទ្ធិ​សមូហភាព​ជូនក្រោមអធិបតីពីសំណាក់​ឯកឧត្តម ​សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួង​រៀបចំដែនដី នគរូបនីយកម្ម និងសំណង់​ កាលពីព្រឹកថ្ងៃទី ២០ ខែមករា ឆ្នាំ ២០២៦ ។

នៅក្នុងពិធី​ប្រគល់​វិញ្ញា​បន​បត្រ​សម្គាល់កម្មសិទ្ធិសមូហភាព​ ឯកឧត្តមឧបនាយករដ្ឋមន្ត្រី​ សាយ សំអាល់ រដ្ឋមន្ត្រីក្រសួង​រៀបចំដែនដី​ នគរូបនីយកម្ម​ និងសំណង់ បានមានប្រសាសន៍ថា​ កន្លងមក​ បងប្អូន​ប្រជាពលរដ្ឋ គ្រឹះស្ថានធនាគារ និងហិរញ្ញវត្ថុ​ តែងតែមានភាពមន្ទិល​សង្ស័យ ទៅលើ​អចលនទ្រព្យដោយមិនទាន់មានភាពច្បាស់​លាស់ថា​ ជារបស់អ្នកណាពិត​ប្រាកដ ។ ការ​ចុះមកចែក​បណ្ណកម្មសិទ្ធិ​ទាំង​សមូហភាព និង​បណ្ណកម្មសិទ្ធិ​សម្គាល់​អចលនវត្ថុ​ឯកជន គឺជាការ​បញ្ចប់​មន្ទិល​សង្ស័យទាំងអស់​នោះ ។ ដូច្នេះ ពីថ្ងៃនេះទៅមុខ​ គ្រប់ធនាគារ​ទាំងអស់​ អា​ចចូលឆែកមើល​ប្រព័ន្ធរបស់​ក្រសួងរៀបចំដែនដី នគរូបនីយកម្ម និងសំណង់​ ដើម្បីដឹង​ថា អចលនទ្រព្យ​នោះជាកម្មសិទ្ធិរបស់​អ្នកណា និងអាចដឹងថា​ ដីរបស់ឯកជន​ ឬដីសមហភាពក្នុងសហគមន៍ ។​

ឯកឧត្តម​បានមានប្រសាសន៍ថា​ ៖

«អនាគត​ឆាប់ៗនេះ​ នៅពេល​បងប្អូនប្រជាពលរដ្ឋ​ត្រូវ​យក​កម្ចីឥណទាន​ពីគ្រឹះស្ថានធនាគារ ហិរញ្ញវត្ថុ ដោយប្រើប្រាស់​ប្លង់​ដី គឺមិនចាំបាច់​ត្រូវ​ការ​ចុះហត្ថលេខាបញ្ជាក់ពី​មេភូមិ មេឃុំទៀត​ឡើយ ដោយធនាគារ​គ្រាន់តែឆែក​មើល​ទៅលើបណ្ណ​នោះអាច​ដឹងថា​ជា​របស់អ្នកណា​ ជាអ្នក​សមូហភាព ឬឯកជន »។

ឯកឧត្តម​បញ្ជាក់ថា​ ការ​ប្រគល់​បណ្ណកម្មសិទ្ធិ​ជូន​បងប្អូន​ប្រជាពលរដ្ឋ​ មិនថា​បណ្ណ​សមូហភាព ឬបណ្ណឯកជន គឺស្មើនឹង​កា​រផ្ដល់កិច្ចការពារ​សុវត្ថិភាព ការពារទ្រព្យសម្បត្តិជូន​បងប្អូនប្រជាពលរដ្ឋ​ ហើយបងប្អូនដែលទទួល​បានបណ្ណនេះដែរ ក៏ជា​ការ​ទទួល​យ័ន្តការពារទ្រព្យ​របស់ខ្លួន​ដោយមិនមានអ្នកណាមក​ដណ្ដើម​យក​បានឡើយ ។

ឯកឧត្តម​ឧបនាយករដ្ឋមន្ត្រី​ក៏ស្នើ​សុំ​ឱ្យ​បងប្អូន​ប្រជាពលរដ្ឋ​ដែលទទួលបាន​បណ្ណកម្មសិទ្ធិ​ទាំងអស់​ រក្សា​ទុក​ឱ្យ​បានត្រឹមត្រូវ និង​ទុក​សម្រាប់​តកូនចៅ ដោយអាច​យក​ប្រើប្រាស់​សម្រាប់លើក​ស្ទួ​យសេដ្ឋកិច្ច​គ្រួសារបានកាន់តែប្រសើរផងដែរ ។

ឯកឧត្តម​ វ៉ា ថន អភិបាលនៃគណៈអភិបាលខេត្តក្រចេះ​បានមានប្រសាសន៍ថា ​ក្នុង​ឆ្នាំ២០២៥​កន្លងទៅនេះ រដ្ឋបាល​ខេត្ត​សម្រេច​បានការ​ចុះបញ្ជីដីធ្លីមានលក្ខណៈជា​ប្រព័ន្ធ​រហូតដល់​បានប្រកាស​តំបន់វិនិច្ឆ័យ​ចំនួន ៣១២​ភូមិ ស្មើនឹង​ ៤៥ឃុំ-សង្កាត់ នៃក្រុង ស្រុក​ចំនួន​៧​ និងបានចេញ​បណ្ណកម្មសិទ្ធិ​រួច​ចំនួន ៩៨ ០៦៤​ក្បាលដី ។

ឯកឧត្តម​បន្តថា ៖

«សម្រាប់ការ​ចុះ​វាស់វែង​និង​ចុះបញ្ជីដីធ្លី រដ្ឋបាលខេត្តក្រចេះ បានដាក់​ចេញនូវផែនការ​បញ្ចប់ការ​វាស់វែង​ចេញបណ្ណកម្មសិទ្ធិ​ជូនប្រជាពលរដ្ឋ​ក្នុងដំណាច់ឆ្នាំ២០២៥ លើក្បាលដី​ប៉ាន់​ស្មាន​ប្រមាណ ១៦ម៉ឺនក្បាលដី​ ។ ក្នុងឆ្នាំ២០២៥កន្លងទៅ រដ្ឋបាលខេត្ត​បាន​ចុះបញ្ជី​ដីជូន​សហគមន៍ជនជាតិ​ភាគតិច​ក្នុង​ខេត្ត​ក្រចេះទាំងមូល ​១១សហគមន៍ ដោយបានចេញ​បណ្ណ​កម្មសិទ្ធិ​សមូហភាព​ជូន​សហគមន៍ជនជាតិដើម​ភាគតិច​ចំនួន ៧​សហគមន៍​ ដែលមាន​២៤៥​បណ្ណ​ ស្មើនឹង ៩៩៣គ្រួសារ ដែលមាន​ទំហំ​ ៦ ៥៣៨,៣៧ហិកតា»។

លោក ​សារ៉ាយ ពឿន ក្រុមប្រឹក្សា​ឃុំ​ស្រែជិះ ស្រុក​អូរគ្រៀង​សែនជ័យ ខេត្ត​ក្រចេះ បានមានប្រសាសន៍ថា មុនពេលដែល​ដីសហគមន៍បានចុះបញ្ជី​ និងចេញបណ្ណជូនពលរដ្ឋ​ ឃើញថាភាពចម្រូ​ងចម្រាស់​កើតឡើងជា​ហូរ​ហែរ ជាពិសេស​អ្នកដែលមានព្រំដីជាប់គ្នា ប៉ុន្តែនៅពេល​ដែលក្រសួ​ងរៀបចំដែនដី បានវាស់វែង ចុះបញ្ជី និងចេញបណ្ណ​ ភាពចម្រូង​ចម្រាស់​ក៏បាន​កាត់បន្ថយ ហើយនិងអាច​បញ្ចប់ទាំងស្រុង​នៅពេលដែល​ពលរដ្ឋ​ក្នុងសហគមន៍​ទទួលបានបណ្ណកម្មសិទ្ធិទាំងអស់គ្នា ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

ព្រះមហាក្សត្រខ្មែរ រំលេចពីតម្លៃសន្តិភាព និង «ស្នាមញញឹមខ្មែរ» នៅចំពោះមុខថ្នាក់ដឹកនាំ ៨២ ប្រទេស ក្នុងកិច្ចប្រជុំកំពូលហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលគូសបញ្ជាក់ពីតម្លៃមិនអាចកាត់ថ្លៃបាននៃសន្តិភាព ការងើបឡើងវិញនៃវប្បធម៌ និងអត្ថន័យនៃស្នាមញញឹមខ្មែរដែលកើតចេញពីការបង្រួបបង្រួមជាតិ នៅក្នុងពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ នារាជធានីភ្នំពេញ ថ្ងៃទី១៥ ខែវិច្ឆិកា ឆ្នាំ២០២៦ ក្រោមវត្តមានប្រមុខរដ្ឋ ប្រមុខរដ្ឋាភិបាល និងគណៈប្រតិភូមកពី

រដ្ឋមន្ត្រីទេសចរណ៍ ៖ កិច្ចប្រជុំកំពូលហ្វ្រង់កូហ្វូនី លើកទី២០ ជាការពង្រឹងកិច្ចសហប្រតិបត្តិការទាំងវប្បធម៌ ទេសចរណ៍ និងសេដ្ឋកិច្ចជាតិ

Top News, ព្រឹត្តិការណ៍, សេដ្ឋកិច្ច

• 14/11/2026

ភ្នំពេញ៖ ក្នុងកិច្ចប្រជុំកំពូលហ្វ្រង់កូហ្វូនីលើកទី២០ ជាមួយឆន្ទៈរួមគ្នាពង្រឹងមិត្តភាព និងកិច្ចសហប្រតិបត្តិការល្អរវាងប្រជាជាតិទាំងមូល ដើម្បីជំរុញវិស័យវប្បធម៌ចម្រុះ វិស័យទេសចរណ៍ សេដ្ឋកិច្ច ដែលជាចលករដ៏ខ្លាំងក្លាសម្រាប់កិច្ចអភិវឌ្ឍប្រកបដោយចីរភាព។ ថ្លែងក្នុងវេទិកាសន្ទនាស្តីពី “សន្តិភាព និងការអភិវឌ្ឍន៍ទេសចរណ៍ក្នុងក្របខណ្ឌហ្វ្រង់កូហ្វូនី”ដែលរៀបចំឡើងនាព្រឹកថ្ងៃទី ១៤ ខែ វិច្ឆិកា ឆ្នាំ២០២៦ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍បានឱ្យដឹងថា កម្ពុជាបានរៀបចំកិច្ចប្រជុំកំពូលហ្វ្រង់កូហ្វូនីលើកទី២០

វៀតណាម​រៀបចំ​វេទិកា​ត​ភ្ជាប់​ពាណិជ្ជកម្ម​ជាមួយ​កម្ពុជា​​ និង​ដាក់​គោលដៅ​ ​២០ ​ពាន់​លាន​ដុល្លារ​នៅ​ឆ្នាំ​ ២០៣០​

ព្រឹត្តិការណ៍, សេដ្ឋកិច្ច

• 13/11/2026

ក្រសួង​ឧស្សាហកម្ម ​និង​ពាណិជ្ជកម្ម​វៀតណាម​ ​(​MO​IT​)​ ​សហការ​ជាមួយ​មន្ទីរ​ឧស្សាហកម្ម ​និង​ពាណិជ្ជកម្ម​ខេត្ត​ ​An ​Giang ​បាន​រៀបចំ​សន្និសីទ​ស្តីពី​ការ​លើកកម្ពស់​ការ​តភ្ជាប់​ពាណិជ្ជកម្ម​រវាង​វៀតណាម ​និង​កម្ពុជា​ ​នៅ​ថ្ងៃ​ទី​១៣​ ​ខែ​វិច្ឆិកា ​ដើម្បី​ជំរុញ​កិច្ច​សហប្រតិបត្តិការ​ធុរកិច្ច​ ​និង​ពង្រីក​ឱកាស​ពាណិជ្ជកម្ម​ឆ្លង​ដែន​រវាង​ប្រទេស​ទាំង​ពីរ

កិច្ចប្រជុំកំពូលហ្វ្រង់កូហ្វូនី លើកទី២០៖ រាជធានីភ្នំពេញស្វាគមន៍យ៉ាងកក់ក្តៅចំពោះថ្នាក់ដឹកនាំពិភពលោកនៃហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 13/11/2026

រាជធានីភ្នំពេញ បេះដូងនៃព្រះរាជាណាចក្រកម្ពុជា កំពុងទទួលស្វាគមន៍យ៉ាងកក់ក្តៅ ប្រមុខរដ្ឋ ប្រមុខរាជរដ្ឋាភិបាល ថ្នាក់ដឹកនាំអន្តរជាតិជាច្រើន។ នៅថ្ងៃទី១៣ ខែវិច្ឆិកា ឆ្នាំ២០២៦ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះអង្គសព្វព្រះរាជហឬទ័យ យាងជាព្រះរាជាធិបតី ព្រះរាជពិធីទទួលស្វាគមន៍នូវដំណើរបំពេញទស្សនកិច្ចផ្លូវរដ្ឋ របស់ ឯកឧត្តម

កម្ពុជា​ ​ស្នើរូម៉ានី​គាំទ្រ​ការ​ទទួល​បាន​ប្រព័ន្ធ​អនុគ្រោះ​ពន្ធ​GSP+​ ​ក្រោយ​ចាកចេញ​ពី​ឋានៈ​ប្រទេស​ LD​C

ព្រឹត្តិការណ៍, សេដ្ឋកិច្ច

• 13/11/2026

មប្រឹក្សា​អភិវឌ្ឍន៍​កម្ពុជា​ ​(​CDC​)​ ​បាន​ស្នើសុំ​ការ​គាំទ្រ​ពី​ប្រទេស​រូម៉ានី ​ក្នុងការ​ទទួល​បាន​ប្រព័ន្ធ​អនុគ្រោះ​ពន្ធទូទៅ​បន្ថែម​ ​(​GSP+​)​ ​របស់​សហ​ភាព​អឺរ៉ុប ​ដើម្បី​បន្ត​រក្សា​ឱកាស​អនុគ្រោះ​ពាណិជ្ជកម្ម​របស់​កម្ពុជា​ ​នៅពេល​ប្រទេស​នេះ​ចាកចេញ​ពី​ឋានៈ​ជា​ប្រទេស​មាន​ការ​អភិវឌ្ឍ​តិចតួច​ ​(​LD​C​)​ ​នា​ពេល​ខាង​មុខ​

ក្ដី​បារម្ភ​រឿង​ស៊ុតមាន់ចាល់លើ​ទីផ្សារ សមាគមអ្នកចិញ្ចឹមសត្វកម្ពុជា បាន​ជួបពិភាក្សា​ជាមួយ CDC រួចហើយ!

ជំនួញ, ព្រឹត្តិការណ៍, សេដ្ឋកិច្ច

• 13/11/2026

សមាគមអ្នកចិញ្ចឹមសត្វកម្ពុជា បាន​ជួបពិភាក្សា​ជាមួយ CDC ចំពោះក្ដីបារម្ភរឿងស៊ុតចាស់ ហើយ!

ហ្វីលីពីន ឥណ្ឌូណេស៊ី និងថៃ ត្រៀមបង្កើតស្តុកប្រេងរួមគ្នា ក្រោមការជ្រោមជ្រែងពីជប៉ុន

ព្រឹត្តិការណ៍, សេដ្ឋកិច្ច

• 13/11/2026

សមាជិកអាស៊ានចំនួន ៣ ប្រទេសនឹងចាប់ផ្តើមអនុវត្តនូវគម្រោងស្តុកផលិតផលប្រេងរួមគ្នាមួយឱ្យបានឆាប់បំផុតត្រឹមឆ្នាំ ២០២៧ ក្រោមការគាំទ្រពីជប៉ុន ក្នុងគោលបំណងអាចចែករំលែកការផ្គត់ផ្គង់គ្នាទៅវិញទៅមកក្នុងអំឡុងគ្រាអាសន្ន


Leave a Reply

Your email address will not be published.Required fields are marked *