សន្ទុះនៃការទិញលក់ និងតម្លៃដីធ្លីនៅបណ្ដា​ខេត្ត​ជាប់​មាត់សមុទ្រ​ហាក់មិនទាន់មានកា​រប្រែប្រួលទេក្នុ​ង​ឆមាស​ទី​​១ឆ្នាំនេះ

ភ្នំពេញ ៖ នៅក្នុ​ងឆមាសទី១​ឆ្នាំ២០២៤​នេះ ក្រឡេកទៅមើលការទិញលក់​ និងតម្លៃ​ដីធ្លី​នៅតាមបណ្ដា​ខេត្ត​ជាប់​មាត់​សមុទ្រ​​នៃព្រះរាជាណាចក្រកម្ពុជា​​ ​ដែលជា​តំបន់​មានសក្ដានុពល​ទាក់ទាញ​ការ​វិនិយោគ​មួយ​ក្នុង​ប្រទេសកម្ពុជា​ហាក់មិនទាន់មាន​ការ​ប្រែប្រួលនៅឡើយទេ ដោយសកម្មភាពទិញលក់​ និ​ងតម្លៃដីធ្លី​ហាក់​នៅ​ទ្រឹងទោះបីជា​គម្រោងព្រែក​ជីកហ្វូណន​តេជោ​ពីភ្នំពេញ​ទៅកាន់​សមុទ្រ​នឹង​បើក​ការដ្ឋានសាងសង់នៅរយៈ​ពេល​២ខែខាងមុខ​​នេះក្ដី ។​

លោក ហ៊ុម តូ អ្នកជំនាញអចលនទ្រព្យ​មួយរូប​ប្រចាំ​ខេត្ត​ព្រះសីហនុ បានមានប្រសាសន៍ថា រហូតមកដល់​ពាក់​​កណ្ដាល​ឆ្នាំ២០២៤​នេះ ការទិញលក់​ដីធ្លីក៏ដូចជា​តម្លៃដី​នៅក្នុ​ងខេត្ត​ព្រះសី​ហ​នុ​នៅមិនទាន់មានកា​រ​ប្រែ​ប្រួលនៅឡើយ ដោយមិនទាន់មានវិនិយោគិនថ្មីៗណា​ចូលមក​រក​ដី​សម្រាប់អភិវឌ្ឍន៍​នៅឡើយ ប៉ុន្តែនៅឆ្នាំ២០២៤នេះ​ ឃើញថា​មានអ្នកវិនិយោគ​មួយ​ចំនួន​​ចូលមក​បន្តការ​វិនិយោគលើ​អគារ​ចាស់ៗ​ដែល​ជាប់គាំងនា​ពេល​កន្លងមកធ្វើឱ្យសកម្មភាពនៃការសាងសង់​នៅក្នុង​ខេត្តព្រះសីហនុ​មានកំណើន​ឡើង​ជាងឆ្នាំមុនៗ ។​

លោក​បន្តថា​ តាមរយៈ​គម្រោង​មួយចំនួនដែល​បានដាក់​ដំណើរការ និងគម្រោង​មួយចំនួនទៀត​កំពុង​សាង​សង់​ និង​គ្រោងអភិវឌ្ឍន៍​​នៅក្នុង​ខេត្តព្រះសីហនុ​នឹង​ធ្វើឱ្យខេត្ត​នៃតំបន់ឆ្នេរ​មួយ​នេះ កាន់តែមានសក្ដានុពល​ និង​ទាក់ទាញ​អ្នកវិនិយោគ​ទាំង​ក្នុងនិងក្រៅ​ប្រទេសចូល​មកក្នុ​ងខេត្ត​ព្រះសីហនុ​បន្ថែមទៀត ​។

លោ​កបន្ថែមថា បច្ចុប្បន្ន​នេះ​ដីនៅក្នុង​ខេត្តព្រះសីហនុ​ដែលមានតម្លៃខ្ពស់បំផុត​​គឺនៅតាមបណ្ដោយផ្លូវ​ឯ​ក​រាជ្យ​​​ ពីព្រោះ​ទីនោះ​ជា​តំបន់ដែល​មាន​ការអភិវឌ្ឍខ្លាំង និង​ជា​តំបន់ ពាណិ​ជ្ជ​កម្ម​ចម្រុះ ដែល​អ្នកវិនិយោ​គអាច​ទិញ​ ហើយសាងសង់អគារ​ខ្ពស់ៗ​បាន ។

លោក​ ជិន ណារិន​ ភ្នាក់ងារអចលនទ្រព្យប្រចាំខេត្តកំពត ក៏បានឱ្យដឹងដែរថា សម្រាប់​រយៈ​ពេលប្រ​មាណ​ ៦ខែ ឆ្នាំ ២០២៤​នេះ នៅខេត្តកំពត​ ក៏មិនទាន់មានកា​រប្រែប្រួល​ឬ​ស​កម្ម​ភា​ព​ទិញលក់​ដីធ្លី​ខ្លាំង​ដែរ ហេតុ​នេះ​​ហើយ​ទើបធ្វើឱ្យតម្លៃដីធ្លីក្នុង​ខេត្ត​កំពតនៅ​ទ្រឹង តែសម្រាប់អ្នកដែលចង់លក់​ដី​បន្ទាន់​ ក៏បានទម្លាក់​ថ្លៃក្រោ​មទី​ផ្សារ​ ដើម្បីយកលុយ​មកដោះស្រាយបញ្ហា​ចំ​ពោះមុខ​ ។

លោក​បន្តថា នៅពេលឆាប់ៗខាងមុខនេះ ខេត្ត​កំពត​នឹ​ងទាក់ទាញកាន់តែខ្លាំង ព្រោះកំពង់ផែ​ទឹកជ្រៅមួយបានដាក់ដំណើរកា​រ គម្រោង​អភិវឌ្ឍន៍របស់​រដ្ឋបាល​ខេត្ត​កំពត​មួយ​ចំនួន​ក៏​បាន​ដាក់​ដំណើរ​ និងមួយចំនួនទៀត​ក៏កំពុង​អភិវឌ្ឍន៍​ និងគ្រោង​ដាក់ដំណើរការ​នៅពេលឆាប់ៗនេះដែរ ។

លោក​ លឹម រដ្ឋា ភ្នាក់ងារ​ប្រចាំខេត្តកែប ក៏បានបញ្ជាក់ថា​ ការទិញលក់ដីធ្លីនៅក្នុងខេត្តកែប គឺមានតែដីទំហំតូច​ៗ និងមានតម្លៃ​តិច​តួច​ប៉ុណ្ណោះ សម្រាប់ដីធំៗ​នៅមិនទាន់​មានការ​ទិញ​លក់​ច្រើន​នោះ​ទេ ហើយតម្លៃដីវិញ​​ក៏​មិន​ទាន់​​មានកំណើនខ្ពស់ជាង​ឆ្នាំមុនៗដែរ  ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច