បរទេស៖ អ្នកជំនាញសេដ្ឋកិច្ចជាច្រើនបានធ្វើការលើកឡើងថាផលិតផលក្នុងស្រុកសរុប(GDP) របស់សិង្ហបុរីនឹងនៅតែមានលទ្ធភាពក្នុងការទទួលបានកំណើនរហូតទៅដល់ 6 ភាគរយ ឬច្រើនជាងនេះបើទោះបីជាមានការវាយប្រហារសាជាថ្មីដោយសារកូវីដ-19ក៏ដោយ។
ស្រដៀងគ្នាទៅនឹងការលើកឡើងរបស់អ្នកសេដ្ឋកិច្ចខាងលើនេះ អជ្ញាធរជាតិនៃប្រទេសសិង្ហបុរីកាលពីថ្ងៃអង្គារម្សិលមិញនេះបានប្រកាសដែរថា សិង្ហបុរីនឹងប្រឹងប្រែងដើម្បីអាចរក្សាកំណើនសេដ្ឋកិច្ចឲ្យបានដូចការព្យាករណ៍លើកមុនប្រមាណជា 4 ភាគរយទៅ 6 ភាគរយសម្រាប់ឆ្នាំ2021នេះ ។
ក្រសួងពាណិជ្ជកម្ម និងឧស្សាហកម្ម (MTI)របស់សិង្ហបុរី កាលពីថ្ងៃអង្គារម្សិលមិញនេះដែរបានព្រមានថា ភាពមិនច្បាស់លាស់ដែលបណ្តាលមកពីបញ្ហារាតត្បាតកូវីដនៅក្នុងប្រទេសក៏ដូចជាសកលផងនោះកំពុងតែទាញឲ្យដំណើរសេដ្ឋកិច្ចរបស់ខ្លួនឲ្យដើរថយក្រោយ ជាងការរំពឹងទុក។
លោក Brian Tan អ្នកជំនាញសេដ្ឋកិច្ចរបស់ធនាគារ Barclays Bank បានបង្ហាញការគាំទ្រចំពោះការព្រមានរបស់ក្រសួង ដែលប្រឈមនឹងបញ្ហានៃការរាតត្បាតក្នុងសហគមន៍នៅពេលបច្ចុប្បន្ននេះ ប៉ុន្តែលោកនៅតែមានជំនឿថារហូតដល់ចុងឆ្នាំ2021 សិង្ហបុរីនឹងនៅតែអាចធ្វើបានកំណើនរហូតទៅដល់ 7 ភាគរយដោយសារ កំណើន GDP នៅត្រីមាសដំបូងនេះគឺបានជួយឲ្យកំណើនសេដ្ឋកិច្ចជាតិកើនប្រមាណ 6.7 ភាគរយរួចទៅហើយសម្រាប់ឆ្នាំនេះ។
គួរឲ្យដឹងដែរថា GDP របស់សិង្ហបុរីសម្រាប់ត្រីមាសដំបូងបានកើនឡើងខ្លាំងរហូតដល់ទៅ 1.3 ភាគរយធៀបទៅនឹងឆ្នាំចាស់ ហើយក្នុងនោះវិស័យផលិតកម្មដែលជាវិស័យធំបំផុតមួយក្នុងចំណោម 5 នោះគឺបានលោតឡើងខ្លាំងជាងគេ ពោលគឺកើនឡើងបាន 10.7 ភាគរយលើសពីត្រីមាសចាស់កាលពីចុងឆ្នាំ2020 ដែលទទួលបានត្រឹមតែ 10.3 ភាគរយតែប៉ុណ្ណោះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ