សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខេត្តចំនួន២ដែលស្ថិតនៅភាគខាងកើតរាជធានីភ្នំពេញ រួមមានខេត្តព្រៃវែង និងខេត្តស្វាយរៀង ត្រូវបានគេមើលឃើញថា បានចាប់ផ្ដើមមានការចាប់អារម្មណ៍ពីសំណាក់អ្នកវិនិយោគអចលនទ្រព្យក្នុងស្រុកឡើងវិញជាបណ្ដើរៗហើយក្រោយពីអាក់ខានអស់រយៈពេលជិត៣ឆ្នាំចាប់តាំងពីការចាកចេញរបស់ជនជាតិចិនដោយសារតែការបិទហ្គេមអនឡាញ ជាពិសេសវិបត្តិនៃជំងឺកូវីដ-១៩។
លោក សុខ សុធា ជាប្រតិបត្តិករ និងជាភ្នាក់ងារទិញ-លក់ អចលនទ្រព្យមួយរូបនៅក្នុងខេត្តស្វាយរៀងបានប្រាប់ AMS ឱ្យដឹងថា ក្នុងឆ្នាំ២០២២នេះ ខេត្តព្រៃវែង និងស្វាយរៀង ចាប់ផ្ដើមមានការវិនិយោគឡើងវិញ ដែលផ្តើមចេញពីសំណាក់វិនិយោគិនក្នុងស្រុក បន្ទាប់ពីស្ថានភាពកូវីដ១៩បានប្រសើរ ជាពិសេសផ្នែកដីធ្លីក្នុងទ្រង់ទ្រាយធំរាប់សិបហិកតា។
លោកបានបន្តថា ៖
“សម្រាប់តែក្រុងបាវិត កាលពីជនជាតិចិនចាកចេញពីកម្ពុជាក្នុងអំឡុងចុងឆ្នាំ២០១៩ ការវិនិយោគគម្រោងតូចធំ ត្រូវបានផ្អាក ហើយសកម្មភាពវិនិយោគថ្មីៗក៏មិនសូវមានដែរ ប៉ុន្តែមកដល់ពេលនេះ ពោលគឺចាប់តាំងពីដើមឆ្នាំ២០២២ តំបន់បាវិតបានចាប់ផ្ដើមមានសកម្មភាពវិនិយោគិនអចលនទ្រព្យឡើងវិញ ដែលក្នុងនោះរួមមានការទិញ-លក់ដី និងការសាងសង់សំណង់លំនៅឋានផងដែរ”
លោកបានបន្តថា គម្រោងដែលវិនិយោគនៅក្នុងក្រុងបាវិតនាពេលបច្ចុប្បន្ននេះ ភាគច្រើនជាលំនៅឋាន (ផ្ទះល្វែង) ហើយគម្រោងដែលផ្អាកកន្លងមកក៏ចាប់ផ្ដើមមានសកម្មភាពបន្តឡើងវិញផងដែរ ដោយរំពឹងថានៅចុងឆ្នាំ២០២២នេះនឹងមានការវិនិយោគបន្ថែមទៀតទាំងវិនិយោគិនក្នុងស្រុក និងមកពីបរទេស។ ដោយឡែកសម្រាប់ខេត្តព្រៃវែងវិញក៏ឃើញមានការចាប់អារម្មណ៍បន្តបន្ទាប់ផងដែរ ជាពិសេសនៅតាមតំបន់ព្រំដែនកម្ពុជា-វៀតណាម (ច្រកម៉ឺនជ័យ) ដែលជំរុញឱ្យតម្លៃដីធ្លីនៅតំបន់នោះមានសន្ទុះកើនឡើងខ្ពស់។
លោកបានបន្ថែមផងដែរថា អ្នកវិនិយោគនៅតំបន់ច្រកព្រំដែនកម្ពុជា-វៀតណាម (ម៉ឺនជ័យ) បានទិញដីត្រៀមទុកក្នុងការអភិវឌ្ឍនៅពេលខាងមុខ ហើយមួយចំនួនទៀតទិញ ហើយពុះជាឡូត៍សម្រាប់ប្រជាពលរដ្ឋក្នុងការសាងសង់ផ្ទះ និងគម្រោងសាងសង់ឃ្លាំងស្តុកទំនិញ។
តបទៅនឹងការលើកឡើងខាងលើនេះ លោកឧកញ៉ា បណ្ឌិត គីម ហ៊ាង ប្រធាន KW Cambodia បានឱ្យដឹងថា ពេលនេះជាដំណាក់កាលនៃការចាប់ផ្ដើមវិនិយោគដីធ្លី និងអចលនទ្រព្យឡើងវិញហើយ ដោយមិនគួររង់ចាំបន្តទៀតទេ ប៉ុន្តែសម្រាប់អ្នកវិនិយោគដែលមិនមានទុនគ្រប់គ្រាន់ និងគ្មានបទពិសោធន៍ទាល់តែសោះនោះ មិនគួរប្រថុយប្រថានឡើយ។
លោកឧកញ៉ាបញ្ជាក់ថា សម្រាប់អ្នកមានជំនាញ មានទុនគ្រប់គ្រាន់ និងមានបទពិសោធន៍ក្នុងការវិនិយោគក្នុងវិស័យនេះ មិនគួរបង្អង់ទៀតឡើយ ខណៈដែលបណ្ដាធនាគារឯកជនមួយចំនួននៅតែបន្តផ្ដល់ឥណទានដល់វិស័យសំណង់ ដែលសបញ្ជាក់ពីការមើលឃើញសញ្ញាល្អនៃវិស័យសំណង់ និងអចលនទ្រព្យឡើងវិញ ជាពិសេសនៅឆ្នាំ២០២៣ខាងមុខនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content