សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅទីបំផុត ក្រោមផែនការអភិវឌ្ឍយ៉ាងសម្ងាត់បំផុតរបស់មន្ទីរប៉ង់តាហ្គោនអស់រយៈពេលជាច្រើនឆ្នាំកន្លងមកនេះ យន្តហោះទម្លាក់គ្រាប់បែកជំនាន់ទី៦របស់សហរដ្ឋអាមេរិកដែលមានឈ្មោះថា B-21 Raider អាចបង្ហាញខ្លួនជាសាធារណៈហើយដោយក្នុងដំណាក់កាលដំបូងនេះ B-21 Raider នឹងត្រូវបានផលិតឡើងចំនួនតែ៦គ្រឿងប៉ុណ្ណោះ ខណៈដែលតម្លៃរបស់វាថ្លៃកប់ពពក។
សារព័ត៌មានបរទេសដែលបានអះអាងថាយន្តហោះទម្លាក់គ្រាប់បែកជំនាន់ថ្មីនេះត្រូវបានអភិវឌ្ឍឡើងក្នុងគោលបំណងសំខាន់ ហើយក៏ជាផ្នែកមួយនៃការព្រួយបារម្ភរបស់រដ្ឋាភិបាលទីក្រុងវ៉ាស៊ិនតោនចំពោះអនាគតជម្លោះដែលអាចកើតមានឡើងជាមួយនឹងរដ្ឋាភិបាលទីក្រុងប៉េកាំង ខណៈដែលមន្ទីរប៉ង់តាហ្គោនកាលពីដើមខែធ្នូកន្លងមកបានចេញនូវរបាយការណ៍ចុងក្រោយមួយដែលបង្ហាញថានាឆ្នាំ២០៣៥ខាងមុខ ប្រទេសចិននឹងអាចមានក្បាលគ្រាប់នុយក្លេអ៊ែរសរុបទៅដល់១៥០០ ព្រមទាំងសព្វាវុធទំនើបផ្សេងទៀតស្ទើររាប់មិនអស់ដែលវាគឺជាកត្តាប្រឈមដ៏គ្រោះថ្នាក់បំផុតសម្រាប់សន្តិសុខជាតិអាមេរិក និងបញ្ហាប្រព័ន្ធដំណើរការដោយសេរីរបស់អន្តរជាតិផងដែរ។
B-21 Raider យន្តហោះទម្លាក់គ្រាប់បែកជំនាន់ថ្មីរបស់ B-21 បានបង្ហាញខ្លួននៅឯរោងចក្រផលិតរបស់ក្រុមហ៊ុន Northorp Grumman តាំងតែពីថ្ងៃទី២ធ្នូមកម្ល៉េះ។ អ្វីដែលគួរឲ្យទាក់ចិត្តបំផុតចំពោះមុខងារថ្មីៗរបស់វានោះគឺជាមុខងារបំបាំងខ្លួន ឬភាសាបច្ចេកទេសហៅថា Stealth ដែលអាចលាក់ខ្លួនចេញពីរ៉ាដារបស់សត្រូវគ្រប់ប្រភេទ ជាពិសេសគឺអាចហោះបានចម្ងាយឆ្ងាយព្រមទាំងបំពាក់បានទាំងគ្រាប់បែកគ្រោះថ្នាក់ជាច្រើនប្រភេទបូករួមទាំងក្បាលគ្រាប់នុយក្លេអ៊ែរផងដែរ។
ការរចនារបស់ B-21 Raider ជាមួយនឹងបច្ចេកវិទ្យាមួយដែលគេហៅថា Open System Architecture ដែលវាអាចធ្វើការ upgrades ប្រព័ន្ធទំនើបថ្មីៗបានយ៉ាងងាយ និងឆាប់រហ័សបំផុត អាចផ្លាស់ប្តូរសមត្ថភាពបានលឿនស្របទៅនឹងបច្ចេកវិទ្យារបស់គ្រាប់បែកម៉ូដេលថ្មីៗ និងជំនាន់ក្រោយៗដែលមូលហេតុទាំងនេះហើយទើបធ្វើឲ្យ B-21 Raider មានតម្លៃថ្លៃខ្លាំង ពោលគឺប្រហែលជា ៦៩២លានដុល្លារក្នុងមួយគ្រឿង។ នេះបើយោងតាមការអះអាងដោយ The Space ។
កងកម្លាំងយោធារបស់សហរដ្ឋអាមេរិកធ្លាប់បានប្រកាសរួចមកហើយថា តាមផែនការយន្តហោះ B-21 Raider នឹងមានចំនួនសរុបប្រមាណជា១០០គ្រឿងដែលអាមេរិកត្រូវការចាំបាច់ដើម្បីយកដាក់ពង្រាយតាមគោលដៅដែលបានកំណត់ទុក ប៉ុន្តែរហូតមកដល់ពេលនេះគេជឿជាក់ថាប្រតិបត្តិការហោះហើរជាលើកដំបូងរបស់វានឹងមិនអាចធ្វើឡើងបាននៅឡើយរហូតដល់ឆ្នាំ២០២៣។ គួរឲ្យដឹងដែរថា គិតត្រឹមឆ្នាំ២០២២នេះ យន្តហោះដែលកងកម្លាំងកងទ័ពជើងអាកាសអាមេរិកមានសរុបដល់ទៅ ៥ ២០៩គ្រឿង ជាតួលេខចុងក្រោយបង្ហាញដោយ WDMMA ដែលក្នុងនោះយន្តហោះចម្បាំងមានចំនួនច្រើនជាងគេប្រមាណជា ១ ៥១១គ្រឿង យន្តហោះទម្លាក់គ្រាប់បែកឈរនៅលេខរៀងទី២ មានចំនួន១៥២គ្រឿង និងយន្តហោះស៊ើបការណ៍ រួមជាមួយយន្តហោះផ្សេងៗទៀត ព្រមទាំងឧទ្ធម្ភាគចក្រផងដែរ ដែលត្រូវបានរាប់បញ្ចូល៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ជាង ២៣០ លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 29/05/2026
ហភាពអឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ ២០០ លានអឺរ៉ូ (២៣២ លានដុល្លារអាម៉េរិក) ដោយសារបំពាននឹងច្បាប់ហាមឃាត់លក់ផលិតផលខុសច្បាប់
ឯកឧត្តមឧបនាយករដ្ឋមន្ត្រី សាយ សំអាល់ ៖ ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី
Top News, ព្រឹត្តិការណ៍, អចលនទ្រព្យ
• 29/05/2026
ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី
លំនៅឋានតម្លៃមធ្យមនៅតែមានតម្រូវការពីសំណាក់ប្រជាពលរដ្ឋ ជាពិសេស អ្នកទើបរៀបការរួចថ្មីថ្មោង
Top News, ព្រឹត្តិការណ៍, អចលនទ្រព្យ
• 29/05/2026
បើទោះបីស្ថានភាពអចលនទ្រព្យនៅក្នុងប្រទេសកម្ពុជា នៅមិនទាន់មានភាពល្អប្រសើរឡើងដូចមុនក៏ពិតមែន តែការអភិវឌ្ឍនៅតែបន្ត ខណៈតម្រូវការទីផ្សារនៅតែមាន ជាក់ស្ដែងលំនៅឋានតម្លៃមធ្យម ( តម្លៃ៥ម៉ឺន ដល់ ៧ម៉ឺនដុល្លារ ) នៅតែមានតម្រូវ
អ្នកជំនាញហិរញ្ញវត្ថុព្រមានពីវិបត្តិសេដ្ឋកិច្ចដ៏ធ្ងន់ធ្ងរ ប៉ុន្តែក៏ជាឱកាសវិនិយោគដើម្បីក្លាយជាអ្នកមានជំនាន់ថ្មី
ព្រឹត្តិការណ៍, អាជីវកម្មថ្មី និងនវានុវត្ត
• 29/05/2026
អ្នកជំនាញសេដ្ឋកិច្ចបានលើកឡើងថា សេដ្ឋកិច្ចពិភពលោកកំពុងឈានចូលដល់ដំណាក់កាលដួលរលំផ្នែកហិរញ្ញវត្ថុ ដែលនឹងមានសភាពកាន់តែធ្ងន់ធ្ងរជាងវិបត្តិសេដ្ឋកិច្ចកាលពីឆ្នាំ១៩២៩ (Great Depression)នោះ ទៅទៀត
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content