សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី TECHi បានរាយការណ៍ថា ក្រុមហ៊ុន OpenAI នឹងបើកសាខាអន្តរជាតិដំបូងរបស់ខ្លួននៅទីក្រុងសេអ៊ូល ខណៈដែលតម្រូវការសម្រាប់សេវាកម្ម ChatGPT បានកើនឡើងខ្ពស់នៅក្នុងប្រទេសកូរ៉េខាងត្បូង។ ទន្ទឹមនឹងនេះ កូរ៉េខាងត្បូងមានចំនួនអតិថិជនដែលបង់ប្រាក់សម្រាប់ ChatGPT ច្រើនជាងគេទី២ បន្ទាប់ពីសហរដ្ឋអាម៉េរិក។ លើសពីនេះ OpenAI ក៏បានបង្កើតសាជីវកម្មក្នុងស្រុកជាផ្លូវការនៅក្នុងកូរ៉េខាងត្បូង និងកំពុងរើសបុគ្គលិកដើម្បីគាំទ្រភាពជាដៃគូជាមួយប្រទេសនេះផងដែរ។
លោក Jason Kwon ប្រធានផ្នែកយុទ្ធសាស្ត្រ AI របស់ OpenAI បាននិយាយនៅក្នុងសេចក្តីថ្លែងការណ៍មួយថា ប្រព័ន្ធអេកូឡូស៊ី AI របស់កូរ៉េមានភាពពេញលេញ ដោយសារតែវាមានអ្វីគ្រប់យ៉ាងចាប់តាំងពី Hardware រហូតដល់ Software និងត្រូវបានប្រើប្រាស់ពីសំណាក់មនុស្សគ្រប់វ័យចាប់តាំងពីសិស្សរហូតដល់មនុស្សចាស់ ដែលធ្វើឱ្យវាក្លាយជាទីផ្សារ AI ដ៏មានឥទ្ធិពល។
កាលពីដើមឆ្នាំ២០២៥នេះ ក្រុមហ៊ុន OpenAI បានប្រកាសពីមហិច្ឆតារបស់ខ្លួនក្នុងការធ្វើកិច្ចការជាមួយ Kakao ដែលជាក្រុមហ៊ុនបច្ចេកវិទ្យាដំណើរការ KakaoTalk ជាកម្មវិធីជជែកដ៏ពេញនិយមបំផុតនៅក្នុងប្រទេសកូរ៉េខាងត្បូង ។ ភាពជាដៃគូនេះមានគោលបំណងជំរុញផលិតភាពនៅកន្លែងធ្វើការដោយការរួមបញ្ចូលមុខងារ AI កម្រិតខ្ពស់ទៅក្នុងសេវាកម្មរបស់ Kakao ខណៈដែលកាលពីខែកុម្ភៈកន្លងទៅនេះ ក្រុមហ៊ុនទាំង២ បានប្រកាសនូវកិច្ចសហការជាយុទ្ធសាស្ត្ររបស់ពួកគេជាលើកដំបូង។
បច្ចុប្បន្ននេះ លោក Jason Kwon កំពុងបំពេញទស្សនកិច្ចនៅទីក្រុងសេអ៊ូល ហើយគ្រោងនឹងជួបប្រជុំជាមួយអ្នកតំណាងមកពីគណបក្សកំពុងកាន់អំណាច និងគណបក្សប្រជាធិបតេយ្យ ដើម្បីពិភាក្សាអំពីការកើនឡើងនៃឥទ្ធិពលរបស់ OpenAI នៅក្នុងទិដ្ឋភាព AI របស់ប្រទេសកូរ៉េខាងត្បូង។ លើសពីនេះ ក្រុមហ៊ុនក៏រក្សាភាពជាដៃគូជាមួយក្រុមហ៊ុនសំខាន់ៗផ្សេងទៀតរួមមានដូចជា ធនាគារអភិវឌ្ឍន៍កូរ៉េ, ក្រុមហ៊ុន SK Telecom, និងក្រុមហ៊ុនផលិតវីដេអូហ្គេម Krafton ។
គួរឲ្យបញ្ជាក់ដែរថា ទីស្នាក់ការកណ្តាលរបស់ OpenAI មានទីតាំងនៅសាន់ហ្វ្រាន់ស៊ីស្កូ រដ្ឋកាលីហ្វ័រញ៉ា សហរដ្ឋអាម៉េរិក ហើយវាគឺជាការិយាល័យសំខាន់របស់ក្រុមហ៊ុនសម្រាប់ការស្រាវជ្រាវ ការអភិវឌ្ឍន៍ និងប្រតិបត្តិការមូលដ្ឋាន ហើយការបើកការិយាល័យនៅកូរ៉េខាងត្បូង គឺជាការបើកសាខាអន្តរជាតិលើកដំបូងរបស់ក្រុមហ៊ុនមួយនេះ៕
Account
Security
Favourite Content