សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អជ្ញាធរជាតិទទួលបន្ទុកកិច្ចការងាររដ្ឋបាលព្រៃឈើ និងវាលស្មៅរបស់រដ្ឋចិន (The National Forestry and Grassland Administration) បានប្រកាសកាលពីដើមខែកុម្ភៈកន្លងទៅនេះថា ក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនបានបន្តពង្រឹងកិច្ចការពារប្រព័ន្ធអេកូឡូស៊ី និងស្ដារឡើងវិញនូវតំបន់ដីសើមរបស់ខ្លួនជាច្រើនទីតាំង។
យោងតាមការចេញផ្សាយដោយសារព័ត៌មាន ប៊ុលហ្ការី Novinata បានសរសេរថា ផ្ទៃដីសរុបនៃតំបន់ដីសើមក្នុងប្រទេសចិនបានបន្តជាប់ចំណាត់ថ្នាក់ធំបំផុតជាងគេទី ១នៅអាស៊ី និងទី៤នៅលើពិភពលោក។ ជាមួយគ្នានេះ ចិន បានបង្កើតជាប្រព័ន្ធអេកូឡូស៊ីថ្មីមួយទៀតដែលមានសមត្ថភាពខ្ពស់សម្រាប់ការពារតំបន់អេកូឡូស៊ីដោយក្នុងនោះរួមមានបញ្ចូលគ្នាទាំងការគ្រប់គ្រង និងការអភិរក្សប្រកបដោយប្រសិទ្ធភាព។
មកដល់ពេលនេះ ប្រទេសចិនបានបន្តបង្កើត និងកែលម្អប្រព័ន្ធគ្រប់គ្រងតំបន់ដីសើមរបស់ខ្លួននៅគ្រប់កម្រិតទាំងអស់ ហើយជាលទ្ធផល ទីតាំងចំនួន ៨២កន្លែង ត្រូវបានកំណត់ចូលជាជាតំបន់ដីសើមដែលមានសារៈសំខាន់ជាអន្តរជាតិ (wetlands of international importance) និង៨០កន្លែងផ្សេងទៀត ជាតំបន់មានសារៈសំខាន់សម្រាប់ថ្នាក់ជាតិ (wetlands of national importance)។
ប្រភពដដែលបានសរសេរទៀតថា នៅក្នុងប្រទេសចិន មានទីក្រុងតំបន់ដីសើមចំនួន ២២ ដែលត្រូវបានទទួលស្គាល់ជាអន្តរជាតិ ដែលវាគឺជាចំនួនទីក្រុងមានតំបន់ដីសើមច្រើនជាងគេនៅលើពិភពលោក ខណៈដែលឧទ្យានជាតិសម្រាប់តំបន់ដីសើមមានសរុបរហូតដល់ជាង ៩០០ កន្លែងឯណោះ។
សូមជម្រាបដែរថា តំបន់ដីសើម គឺជាប្រព័ន្ធអេកូឡូស៊ី ១ ក្នុងចំណោមប្រព័ន្ធអេកូសំខាន់ៗទាំង ៣ នៅលើផែនដី និងមានតម្លៃបំផុតសម្រាប់ប្រព័ន្ធអេកូឡូស៊ី សង្គម សេដ្ឋកិច្ច និងវប្បធម៌ ដែលមិនអាចជំនួសបាន។ មិនត្រឹមតែប៉ុណ្ណោះ វាបានផ្តល់អត្ថប្រយោជន៍ដ៏សំខាន់តាមរយៈការដើរតួជាហេដ្ឋារចនាសម្ព័ន្ធធម្មជាតិសម្រាប់កាត់បន្ថយគ្រោះទឹកជំនន់ ការបន្សុតទឹក និងការពារតំបន់ឆ្នេរសមុទ្រ ដែលកាត់បន្ថយការចំណាយលើការស្តារឡើងវិញពីគ្រោះមហន្តរាយ។ បន្ថែមពីនេះ តំបន់ដីសើម ក៏នឹងអាចជំរុញកំណើនសេដ្ឋកិច្ច តាមរយៈវិស័យទេសចរណ៍ ការនេសាទ និងកសិកម្ម ព្រមទាំងកាត់បន្ថយការប្រែប្រួលអាកាសធាតុ ជាពិសេស លើកជួយកម្ពស់ដល់ជីវចម្រុះ និងការផ្គត់ផ្គង់ទឹកផងដែរ៕
Account
Security
Favourite Content