សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តាកែវ ៖ បើមិនមានអ្វីប្រែប្រួលនោះទេ វត្តមាននៃគម្រោងវិនិយោគលើវិស័យទេសចរណ៍ សណ្ឋាគារលំដាប់ផ្កាយ៤ រួមជាមួយនឹងមជ្ឈមណ្ឌលកម្សាន្ត គម្រោងរីសត «រីវើរគោកធ្លក» ដែលមានតម្លៃសរុបជិត ៥លានដុល្លារអាម៉េរិក នឹងលេចរូបរាងឡើងនៅក្រុងដូនកែវ ដែលមានទីតាំងនៅត្រើយម្ខាង ប៉ែកខាងលិចបឹងតាកែវ ខេត្តតាកែវ។
ឯកឧត្តម វុី សំណាង អភិបាលខេត្ត និងជាប្រធានអនុគណៈកម្មាធិការវិនិយោគខេត្តតាកែវ បានសម្ដែងការគាំទ្រចំពោះវត្តមាននៃសណ្ឋាគារ និងមជ្ឈមណ្ឌលកម្សាន្ត “រីវើរគោកធ្លក” នេះ ដែលវានឹងក្លាយជាសមិទ្ធផលថ្មីមួយទៀត ក្នុងការលើកស្ទួយវិស័យទេសចរណ៍នៅក្នុងខេត្តតាកែវ ឱ្យកាន់តែរីកចម្រើន និងមានភាពទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្ត ស្នាក់នៅកាន់តែច្រើនឡើង ជាពិសេសជួយបង្កើតការងារ និងចំណូលដល់ប្រជាពលរដ្ឋក្នុងមូលដ្ឋានផងដែរ។
ឯកឧត្តម វុី សំណាង ក៏បានគូសបញ្ជាក់ផងដែរថា ៖
«នៅថ្ងៃទី០៧ ខែកុម្ភៈ ឆ្នាំ២០២៦ គម្រោងអភិវឌ្ឍន៍សំខាន់ៗរបស់រដ្ឋបាលខេត្ត ដូចជា ការកសាងប្រាសាទសិរិវិជ័យ បឹងតាកែវ ផ្លូវក្រវ៉ាត់បឹងតាកែវ វេទិកាអ៊ុទូក និងសណ្ធាគារផ្កាយ៤ នឹងត្រូវបានធ្វើពិធីក្រុងពាលីបើកការដ្ឋានជាផ្លូវការ»។
លោកស្រី នូវ គន្ធា ប្រធានក្រុមហ៊ុន វែលខម ស្ដាយ រីវើរ (ខេមបូឌា) បានថ្លែងឲ្យដឹងថា ស្ថាបត្យកម្មនៃគម្រោងវិនិយោគសណ្ឋាគារលំដាប់ផ្កាយ៤ខាងលើនេះ ត្រូវបានរចនាឡើងដោយដកស្រង់លំនាំតាម «ប្រាសាទភ្នំដា» ដែលជាមរតកវប្បធម៌ដ៏ល្បីល្បាញរបស់ខេត្តតាកែវ។
លោកស្រីបានបញ្ជាក់ថា ៖
«សំណង់ខាងក្រៅនៃសណ្ឋាគារ គឺជារចនាបថខ្មែរ ១០០ភាគរយ ដើម្បីបង្ហាញពីអត្តសញ្ញាណជាតិ ប៉ុន្តែផ្នែកខាងក្នុង ត្រូវបានរៀបចំជាបែបកូនកាត់អឺរ៉ុប (Hybrid Europe) ដើម្បីធានាបាននូវភាពស៊ីវិល័យ ផាសុកភាព និងតម្រូវចិត្តភ្ញៀវគ្រប់ស្រទាប់វណ្ណៈ ទាំងភ្ញៀវជាតិ និងអន្តរជាតិ»។
គួបញ្ជាក់ថា គម្រោងវិនិយោគដ៏ធំនេះ មានទំហំទឹកប្រាក់រហូតដល់ ៤ ៩៧០ ០០០ ដុល្លារអាម៉េរិក ដែលនឹងត្រូវសាងសង់ឡើងនៅក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ ។ គម្រោងនេះរួមមាន៖ សណ្ឋាគារចំនួន ១០២ បន្ទប់ និងកន្លែងកម្សាន្តលើទឹកដ៏សម្បូរបែប ដូចជា ការជិះម៉ូតូទឹក និងការជិះទូកកម្សាន្តជាដើម៕
Account
Security
Favourite Content