សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កម្មវិធីស្មុំកូនអន្តរប្រទេសរបស់រដ្ឋាភិបាលចិន (international adoption program) ធ្លាប់បានប្រកាសបិទចោលម្តងហើយកាលពីអំឡុងពេលវិបត្តិកូវីដ-១៩ នាឆ្នាំ២០២០ ប៉ុន្តែក្រោយមកនៅឆ្នាំ២០២២ និងឆ្នាំ២០២៣ កម្មវិធីនេះបានដាក់ឲ្យដំណើរការឡើងវិញជាមួយនឹងលក្ខខណ្ឌកំណត់មួយចំនួន ហើយជាលទ្ធផលករណីស្មុំកូនជាជនជាតិចិននៅឆ្នាំ២០២៣ សម្រេចបានតែ១៦នាក់ប៉ុណ្ណោះ។ ទោះបីជាយ៉ាងណាក្តី គិតមកដល់ខែកញ្ញានេះ រដ្ឋាភិបាលចិនបានប្រកាសជាផ្លូវការក្នុងការលុបចោលកម្មវិធីស្មុំកូនអន្តរប្រទេសនេះទៅវិញក្នុងគ្រាដែលក្រុមគ្រួសារជនជាតិអាមេរិករាប់រយនាក់កំពុងដាក់ពាក្យស្នើសុំយកកូនជាជនជាតិចិន ខណៈដែលអជ្ញាធរចិននៅមិនទាន់បានត្រួតពិនិត្យ និងឆ្លើយតបនៅឡើយ។
អ្នកនាំពាក្យក្រសួងការបរទេសចិន លោកស្រី Mao Ning បានថ្លែងថា ៖ ទោះជាយ៉ាងណាក្តី សម្រាប់ករណីស្មុំកូនពីក្រុមគ្រួសារជនជាតិដូចគ្នាដែលកំពុងរស់នៅក្រៅប្រទេសគឺជាករណីលើកលែង ហើយនេះវាគឺជានិតិវិធីដែលអនុឡោមទៅនឹងច្បាប់ស្មុំកូនរបស់អន្តរជាតិ។
យោងតាមការឆ្លើយឆ្លងគ្នារវាងក្រុមមន្ត្រីទូតអាមេរិកដែលប្រចាំការនៅក្នុងប្រទេសចិនបានបញ្ជាក់ថា ចិន នៅតែបង្ហាញពីការប្តេជ្ញាចិត្តថា នឹងបន្តធ្វើការទៅលើករណីស្មុំកូនទាំងអស់ ប៉ុន្តែការពិចារណា និងសម្រេចចិត្តនឹងធ្វើទៅតាមលក្ខខណ្ឌពិសេស និងស្ថានភាពចាំបាច់ជាក់ស្តែង។
គួរឲ្យដឹងដែរថា អស់រយៈពេលជាច្រើនទសវត្សរ៍កន្លងមកនេះ សហរដ្ឋអាមេរិក គឺជាប្រទេសគោលដៅដែលបានធ្វើការស្នើសុំកូនជនជាតិចិនទៅចញ្ចឹមច្រើនជាងគេបំផុតធៀបទៅនឹងបណ្តាប្រទេសផ្សេងទៀត។
នៅក្នុងរូបភាពបែបនេះ គេបានមើលឃើញថា ការសម្រេចចិត្តរបស់ចិនក្នុងការបញ្ចប់កម្មវិធីស្មុំកូនអន្តរប្រទេសនេះ គឺមិនមែនធ្វើឡើងតែម្នាក់ឯងនោះទេ ពោលគឺមានបណ្តាប្រទេសជាច្រើនទៀតធ្លាប់បានបញ្ចប់កម្មវិធីនេះរួចមកហើយ ជាពិសេសនៅក្នុងរយៈពេលប៉ុន្មានឆ្នាំចុងក្រោយនេះ។ ជាក់ស្តែង កាលពីខែមិថុនាកន្លងទៅនេះ ប្រទេស ណ័រវេស ទើបតែបានប្រកាសពីការរឹតបន្តឹងច្បាប់ក្នុងការស្នើសុំកូនយកទៅចិញ្ចឹម ហើយបច្ចុប្បន្នកំពុងបើកការស៊ើបអង្កេតឡើងវិញទៅលើករណីសុំកូន ថាតើវាបានអនុវត្តត្រឹមត្រូវទៅតាមច្បាប់ និងក្រមសីលធម៍ដែរឬយ់ាងណា៕
Account
Security
Favourite Content