សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រទេសជប៉ុន ទើបតែបានប្រកាសពីភាពជោគជ័យដ៏ធំធឹងរបស់ខ្លួន និងបើកឲ្យដំណើរការរោងចក្រផលិតថាមពលស្អាត(ថាមពលកកើតឡើងវិញ)ដ៏អស្ចា្យ និងបំផុតលើកដំបូងនៅក្នុងទីក្រុង Fukuoka ។ វាគឺជារោងចក្រដ៏ទំនើបបំផុតដែលអាចផលិតអគ្គិសនីដោយការច្របាច់បញ្ចូលគ្នានៃថាមពលដែលមាននៅក្នុងទឹកសាប ជាមួយនឹងថាមពលដែលមាននៅក្នុងទឹកប្រៃ(សមុទ្រ)។
ថ្វីត្បិតតែវាមិនមែនជាបច្ចេកវិទ្យាដំបូងបំផុតរបស់ពិភពលោកក៏ពិតមែន ប៉ុន្តែជារោងចក្រផលិតថាមពលចេញពីទឹកសមុទ្រលើកដំបូងនៅក្នុងតំបន់អាស៊ី។ សូមបញ្ជាក់ថា ចំពោះរោងចក្រផលិតថាមពលបែបនេះត្រូវបានបង្កើតឡើងលើកដំបូងបំផុតនៅលើពិភពលោក និងកំពុងដំណើរការរហូតមកដល់ពេលបច្ចុប្បន្នស្ថិតនៅក្នុងប្រទេសដាណឺម៉ាក់។ តាមសមត្ថភាពជាក់ស្ដែងនាពេបច្ចុប្បន្ន រោងចក្រដែលបង្ហាញខ្លួនលើកដំបូងនៅក្នុងប្រទេសជប៉ុនមួយនេះ អាចផលិតបានថាមពលដល់ទៅ៨៨ម៉ឺនគីឡូវ៉ាត់ម៉ោងជារៀងរាល់ឆ្នាំនៅក្នុងដំណាក់កាលដំបូង ឬអាចផ្គត់ផ្គង់ដល់គេហដ្ឋានរបស់ពលរដ្ឋជប៉ុនប្រមាណជា២២០ខ្នង ក៏ដូចជាផ្គត់ផ្គង់ទឹកស្អាតបានមួយភាគធំទៅដល់ពលរដ្ឋនៅទូទាំងទីក្រុង Fukuoka ផងដែរ។
ជប៉ុន គឺជាប្រទេសដែលមានបច្ចេកវិទ្យាទំនើបបំផុតខាងអភិវឌ្ឍបែបវិទ្យាសាស្ត្រ ជាពិសេសការផ្លាស់ប្ដូរទៅរកការពឹងផ្អែកលើប្រភពថាមពលកកើតឡើងវិញដែលមាននិរន្តភាព ដូចជាការទាញយកថាមពលពីធម្មជាតិ រួមានរំហូរទឹក រំហូរខ្យល់ និងពន្លឺព្រះអាទិត្យជាដើម។
ក្នុងចំណោមបច្ចេកវិទ្យាថ្មីៗ និងប្លែកៗទាំងអស់នោះ ការបង្កើតថាមពលចេញពីទឹកសមុទ្រនេះត្រូវបានគេមើលឃើញថា គឺជាបច្ចេកវិទ្យាដែលមានសក្តានុពល និងភាពទាក់ទាញបំផុត ពីព្រោះភូមិសាស្ត្រ និងទីតាំងរបស់ប្រទេសជប៉ុនត្រូវបានហ៊ុមព័ទ្ធទៅដោយដែនសមុទ្រ ហើយតាមរយៈបច្ចេកវិទ្យានេះនឹងអាចជួយដោះស្រាយការផ្គត់ផ្គង់ថាមពលអគ្គិសនីបានយ៉ាងមានប្រសិទ្ធភាព និងមាននិរន្តភាពបំផុតសម្រាប់ពលរដ្ឋជប៉ុននាពេលអនាគត៕
Account
Security
Favourite Content