សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពី២សប្តាហ៍មុន លោក To Lam ត្រូវបានប្រកាសតែងតាំងជាអគ្គលេខាបក្សកម្មុយនីស និងជាប្រធានាធិបតីវៀតណាមថ្មី ដែលជាតំណែងកំពូលរបស់ប្រទេសបន្ទាប់ពីអតីតមេដឹកនាំ លោក Nguyen Phu Trong ដែលកាន់តំណែងនេះអស់រយៈពេល១៣ឆ្នាំមកហើយនោះបានបាត់បង់ជិវិតកាលពីខែមុន។
កាលពីថ្ងៃអាទិត្យម្សិលមិញនេះ មេដឹកនាំវៀតណាមថ្មីរូបនេះបានសម្រេចចិត្តធ្វើដំណើរបំពេញទស្សនកិច្ចទៅក្រៅប្រទេសជាលើកដំបូង ប៉ុន្តែមិនមែនជាសម្ព័ន្ធមិត្តអាមេរិក ឬជប៉ុន ឬរុស្ស៊ីនោះឡើយ ខណៈដែលតាមផែនការ លោក Lo Tam នឹងធ្វើទស្សនកិច្ចផ្លូវរដ្ឋចំនួន៣ថ្ងៃនៅក្នុងប្រទេសចិនដែលជាប្រទេសជិតខាង ហើយក៏ជាប្រទេសដៃគូជម្លោះបញ្ហាសមុទ្រចិនខាងត្បូងផងដែរ។
លោក Lam បានធ្វើដំណើរតាមជើងហោះហើររបស់ក្រុមហ៊ុនអាកាសចរវៀតណាមអ៊ែរឡាញ Vietnam Airlines កាលពីព្រឹកថ្ងៃអាទិត្យម្សិលមិញទៅដល់ទីក្រុង Guangzhou មុនពេលដែលត្រូវហោះហើរបន្ទាប់ទៅដល់ទីក្រុងប៉េកាំងដើម្បីជួបជាមួយនឹងប្រធានាធិបតិចិន លោក Xi Jinping។
ក្រោមក្រសែភ្នែករបស់អ្នកជំនាញចំពោះទំនាក់ទំនងរវាងវៀតណាមជាមួយនឹងចិនផង និងអាមេរិកផងនោះ គេមើលឃើញថា វៀតណាមនៅតែរក្សាគោលជំហមិនប្រួលប្រែ ឬលំអៀងខ្លាំងឡើយចំពោះភាគីសម្ព័ន្ធមិត្តទាំងអស់។
លោក Yu Xiangdon ប្រធានវិទ្យាស្ថានស្រាវជ្រាវវៀតណាមនៃសកលវិទ្យាល័យ Zhengzhou University បានលើកឡើងកាលពីថ្ងៃអាទិត្យដដែលនេះថា ៖ មេដឹកនាំថ្មីវៀតណាមនឹងនៅតែបន្តយុទ្ធសាស្ត្រថែរក្សាតុល្យភាពរវាងទំនាក់ទំនងមហាមិត្តទាំង ៣ នេះតាមយុទ្ធសាស្ត្រនាពេលកន្លងមក។ ការពិតដែលលោក Lam បានសម្រេចចិត្តជ្រើសយកចិនជាជាងអាមេរិកសម្រាប់ដំណើរទស្សនកិច្ចក្រៅប្រទេសជាលើកដំបូងនោះគឺមានន័យថា វៀតណាមបានចាត់ទុកចិនជាប្រទេសដែលមានទំនាក់ទំនងយ៉ាងសំខាន់ជាមួយនឹងខ្លួន ប៉ុន្តែយ៉ាងណាក្តី វៀតណាម នឹងមិនទុកឲ្យអាមេរិកស្ថិតនៅក្នុងអារម្មណ៍អាក់អន់ចិត្តនោះដែរ។ ជាក់ស្តែងកាលពីឆ្នាំកន្លងទៅ វៀតណាមបានលើកតម្កើងទំនាក៉ទំនងជាមួយនឹងអាមេរិក , ជប៉ុន ទៅដល់កម្រិតភាពជាដៃគូគ្រប់ជ្រុងជ្រោយរួចទៅហើយ ពោលគឺនៅសេសសល់តែ ចិន និងឥណ្ឌា ប៉ុណ្ណោះ ដែលនឹងក្លាយទៅជាគោលដៅបន្ទាប់ ។
គួររំលឹកដែរថា កាលពីពេលកន្លងទៅ លោក Xi ធ្លាប់បានបំពេញទស្សនកិច្ចនៅវៀតណាមកាលពីអំឡុងខែធ្នូ ឆ្នាំ២០២៣ ដោយសន្យាថានឹងបង្កើនកិច្ចសហប្រតិបត្តិការឲ្យបានកាន់តែមានប្រសិទ្ធភាពបន្ថែមទៀត ខណៈដែលលោក Vladimir Putin ក៏ទើបតែបានធ្វើដំណើរទស្សនកិច្ចទៅដល់វៀតណាមដែរកាលពីខែមិថុនាបន្ទាប់ពីទស្សនកិច្ចនៅកូរ៉េខាងជើង។ ទោះជាយ៉ាងណា គេក៏នៅតែមិនភ្លេចទេថា វៀតណាម និងចិន គឺជាដៃគូជម្លោះរវាងគ្នានៅក្នុងបញ្ហាសមុទ្រចិនខាងត្បូងអស់រយៈពេលជាយូរមកហើយក្នុងនាមជារដ្ឋាភិបាលដែលស្ថិតនៅក្រោមបក្សតែមួយអស់រយៈពេលជាច្រើនទសវត្សរ៍ ខណៈដែលចិនក៏ធ្លាប់លុកលុយវៀតណាមបានម្តងកាលពីឆ្នាំ១៩៧៩ នៅក្នុងសង្គ្រាមរវាងវៀតណាមទាំងពីរកាលពីគ្រានោះ៕
Account
Security
Favourite Content