សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទោះបីជាស្ថិតនៅក្នុងបរិបទនៃវិបត្តិសេដ្ឋកិច្ច និងវិបត្តិសកលផ្សេងទៀតយ៉ាងណាក្តី ប៉ុន្តែគេសង្កេតឃើញថាវ័ស័យការពារជាតិរបស់មហាអំណាចគឺមិនមានភាពថមថយឡើយ ជាពិសេសទៅលើខ្ទង់ចំណាយប្រចាំឆ្នាំរបស់ពួកគេ។
ក្នុងចំណោមបណ្តាប្រទេសមហាអំណាចទាំងនោះ អាមេរិក ដែលត្រូវបានគេស្គាល់ថាជាអ្នកផលិតអាវុធ និងលក់អាវុធដ៏មានទីផ្សារបំផុតរបស់ពិភពលោកនោះក៏កំពុងតែបន្តធ្វើការអភិវឌ្ឍ និងផលិតផលិតផលរបស់ខ្លួនជាធម្មតា ប៉ុន្តែមានអាវុធថ្មីៗខ្លះត្រូវបានប្រកាសជាសាធារណៈ ខ្លះមិនមានព័ត៌មានលំអិតច្បាស់លាស់ និងខ្លះទៀតគឺជាអាវុធដែលកំពុងស្ថិតនៅក្នុងការផលិតយ៉ាងសម្ងាត់ផងដែរ។
ជាក់ស្តែងយោងតាមការស្រាវជ្រាវមួយដោយគេហទំព័រ The Popular Mechanics កាលពីពេលថ្មីៗកន្លងមកនេះបានអះអាងថា កងកម្លាំងទ័ពអាកាសអាមេរិកកំពុងសំងំអភិវឌ្ឍនូវយន្តហោះចម្បាំងជំនាន់ថ្មីមួយទៀតរបស់ខ្លួនដែលមានឈ្មោះថា NGAD ឬ Next Generation Air Dominance។
ប្រភពដដែលបានសរសេរថា វាគឺជាយន្តហោះចម្បាំងជំនាន់ចុងក្រោយមានសមត្ថភាពបំផុត នឹងក្លាយទៅជាយន្តហោះចម្បាំងដែលមានតម្លៃបំផុតក្នុងប្រវត្តិសាស្ត្ររបស់អាមេរិកផងដែរ ហើយក្នុងនោះគេជឿជាក់ថាគោលបំណងនៃការផលិត NGAD ជាយន្តហោះជំនាន់ទី៦នេះគឺធ្វើឡើងដើម្បីត្រៀមសម្រាប់ធ្វើសង្គ្រាមជាមួយនឹងចិននៅសមុទ្រប៉ាស៊ីហ្វិកប្រសិនបើនៅពេលខាងមុខមហាយក្សទាំងពីរត្រូវប៉ះទង្គិចគ្នាមែននោះ។
តាមការស្រាវជ្រាវដដែលបានបន្តថា NGAD គឺជាយន្តហោះចម្បាំងដែលនឹងត្រូវយកមកជំនួសយន្តហោះចម្បាំងប្រភេទ F-22 Raptor ឲ្យបាននៅក្នុងឆ្នាំ២០៣០ ជាមួយនឹងតម្លៃដល់ទៅរាប់រយលានដុល្លារ ឬអាចស្មើទៅនឹង៣ទៅ៥ដងនៃតម្លៃរបស់យន្តហោះជួរមុខរបស់អាមេរិកមួយទៀតគឺ F-35 ។
NGAD នឹងបំពាក់បច្ចេកវិទ្យាទំនើបបំផុត ជាពិសេសអាវុធឡាស៊ែរ ហើយមានទាំងប្រភេទយន្តហោះសម្រាប់បើកបរដោយពីឡុត crewed NGAD និងបើកបរដោយស្វ័យប្រវត្តិ uncrewed NGAD ដែលវាមានតម្លៃខុសគ្នាពាក់កណ្តាល ឬប្រមាណជា៣០០លានដុល្លារសម្រាប់យន្តហោះបើកបរដោយពីឡុត crewed NGAD ខណៈដែលយន្តហោះចម្បាំងសំខាន់ៗផ្សេងទៀតដែលមានដូចជា F-35A មានតម្លៃត្រឹមតែ ៧៧លានដុល្លារ និង F-15EX Super Eagle មានតម្លៃ៨០លានដុល្លារ។ យ៉ាងណាក៏ដោយ បើទោះបីជាមិនអាចរកបានព័ត៌មានលំអិតច្រើនផ្សេងទៀតក្តីអំពីកម្មវិធីផលិត NGAD ប៉ុន្តែ Popular Mechanics បានសរសេរថា ទំហំរបស់វាអាចមានទំហំធំប្រហាក់ប្រហែលទៅនឹងយន្តហោះ F-111 ដែលជាយន្តហោះអាចធ្វើដំណើរបានរយៈចំងាយឆ្ងាយ ហើយ NGAD មានលក្ខណៈខុសពីយន្តហោះជំនាន់មុននៅត្រង់ថាវាអាចហោះបានយូរជាង និងឆ្ងាយជាងដោយសារតែអាវុធ និងកាប៊ីនស្តុកសាំងត្រូវបានរចនាឡើងបង្កប់នៅពីខាងក្នុងតួយន្តហោះជំនួសវិញ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content