សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រធានប្រតិបត្តិក្រុមហ៊ុន Nvidia លោក Jensen Huang ក្នុងគ្រាដែលលោកកំពុងត្រៀមខ្លួនបំពេញទស្សនកិច្ចសាជាថ្មីទៅកាន់ប្រទេសចិន និងកំពុងប្រឈមមុខទៅនឹងសំពាធនយោបាយ និងពាណិជ្ជកម្មយ៉ាងខ្លាំងពីសំណាក់មហាអំណាចទាំងពីរគឺអាម៉េរិក និងចិនផងដែរនោះ បានចេញមុខបញ្ជាក់យ៉ាងច្បាស់ថា រដ្ឋាភិបាលចិន នឹងមិនប្រើបច្ចេកវិទ្យា AI ទាំងឡាយណាដែលជាផលិតផលរបស់ក្រុមហ៊ុន Nvidia នៅក្នុងវិស័យយោធារបស់ខ្លួននោះទេ។
លោក Jensen Huang បានពន្យល់ក្រុមអ្នករាយការណ៍របស់ទូរទស្សន៍ CNN ថា ៖ «យើងមិនចាំបាច់បារម្ភអំពីបញ្ហានេះឡើយ។ ចិនដាច់ខាតមិនពឹងផ្អែកទៅលើបច្ចេកវិទ្យារបស់ Nvidia ទេ។ ជារឿយៗកងកម្លាំងយោធារបស់ចិនតែងតែគេចវេសនូវការបំពាក់ឧបករណ៍សំខាន់នៃបច្ចេកវិទ្យាដែលផលិតដោយអាមេរិកទៅលើសព្វាវុធរបស់ពួកគេ។ ចិនបារម្ភថា សង្វាក់នៃការផ្គត់ផ្គង់អាចនឹងមានការរំខានតាមរយៈការប្រើប្រាស់ទណ្ឌកម្មដោយភាគីអាម៉េរិក ហើយក៏អាចឈានទៅដល់កាត់ផ្តាច់ការផ្គត់ផ្គង់ទាំងស្រុងផងដែរ។
ការរៀបរាប់របស់ស្ថាបនិក Nvidia ជនជាតិអាម៉េរិករូបនេះបានធ្វើឡើងនៅចំពេលដែលមានព័ត៌មានថា សមាជិកសភាអាម៉េរិកជាច្រើនរូបបានផ្ញើលិខិតជាផ្លូវការមួយទៅកាន់លោក Huang នៅមុនពេលដែលលោកត្រូវធ្វើដំណើរទៅកាន់ទីក្រុងប៉េកាំងដើម្បីចូលរួមពិព័រណ៍ពាណិជ្ជកម្មអន្តរជាតិដែលរៀបចំដោយប្រទេសចិន (China International Supply Chain Expo)។ ពួកគេបានស្នើសុំឲ្យលោក Huang ជៀសឲ្យឆ្ងាយ និងកុំពាក់ព័ន្ធនឹងបច្ចេកវិទ្យាយោធារបស់ចិនតាមរយៈការផ្គត់ផ្គង់ផលិតផលរបស់ Nvidia ជាពិសេសគឺបន្ទះឈីប AI ។
គួរឲ្យដឹងដែរថា កំពូលមហាសេដ្ឋីដែលមានទ្រព្យសម្បត្តិ ១៤០ពាន់លានដុល្លារ លោក Jensen Huang ត្រូវធ្វើដំណើរទៅដល់ប្រទេសចិននៅថ្ងៃទី១៦ ខែកក្កដា ឆ្នាំ២០២៥ ហើយក៏មានផែនការជួបជាមួយនឹងក្រុមមន្ត្រីជាន់ខ្ពស់របស់ក្រសួងពាណិជ្ជកម្មចិនផងដែរ៕
Account
Security
Favourite Content