សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី CNBC បានរាយការណ៍ថា តម្លៃប្រេងឆៅបានឡើងថ្លៃកាលពីថ្ងៃពុធ បន្ទាប់ពីមានការព្យាករណ៍ថាការផ្គត់ផ្គង់នឹងបន្តមានភាពតឹងតែងនៅត្រីមាសទី ៣ ក្នុងឆ្នាំនេះ។
ទន្ទឹមនឹងនេះ តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល។ នាយកដ្ឋានថាមពលព្យាករណ៍ថា តម្រូវការប្រេងសកលនឹងកើនឡើង ១,១ លានបារ៉ែលក្នុងមួយថ្ងៃនៅក្នុងឆ្នាំនេះ ដែលកើនឡើងពីការព្យាករណ៍ពីមុន ៩០០ ០០០ សែនបារ៉ែលក្នុងមួយថ្ងៃ ។ ការកើនឡើងនៃតម្រូវការកាន់តែខ្ពស់បង្ហាញពីកង្វះការផ្គត់ផ្គង់។
តម្លៃប្រេងបានកើនឡើងជិត ២ ភាគរយកាលពីប៉ុន្មានថ្ងៃមុន ប៉ុន្តែបានធ្លាក់ចុះវិញ បន្ទាប់ពីសហរដ្ឋអាមេរិកបានរាយការណ៍ពីការកើនឡើងនៃស្តុកប្រេងឆៅចំនួន ៣,៧ លានបារ៉ែល ហើយស្តុកប្រេងសាំងបានកើនឡើង ២,៦ លានបារ៉ែល។ យ៉ាងណាមិញ តម្រូវការប្រេងឥន្ធនៈប្រចាំថ្ងៃជាមធ្យមមានកម្រិតទាបជាងរយៈពេលដូចគ្នាកាលពីឆ្នាំមុន បើទោះបីជាមានការចាប់ផ្តើមនៃរដូវក្តៅក៏ដោយ។ បន្ទាប់ពីមានការព្យារណ៍ថា ធនាគារកណ្តាលអាម៉េរិក Federal Reserve អាចនឹងកាត់បន្ថយអត្រាការប្រាក់នៅឆ្នាំនេះ គេសង្ឃឹមថា តម្លៃប្រេងអាចធ្លាក់ចុះកាន់តែច្រើន។
Martijn Rats អ្នកយុទ្ធសាស្រ្តមកពី Morgan Stanley លើកឡើងថា ទីផ្សារប្រេងទំនងនឹងត្រូវបានរឹតបន្តឹងក្នុងរយៈពេលខ្លី ដែលអាចបណ្តាលឲ្យមានឱនភាពប្រេង ១,២ លានបារ៉ែលក្នុងមួយថ្ងៃក្នុងត្រីមាសទីបី និងអាចជំរុញឱ្យតម្លៃ Brent ឡើងថ្លៃ ៨៦ ដុល្លារក្នុងមួយបារ៉ែល។ ឱនភាពនៃការផ្គត់ផ្គង់ទីផ្សារប្រេងពិភពលោកទំនងជានឹងកើតឡើងនៅឆ្នាំ ២០២៤ ហើយបន្តដល់ឆ្នាំ ២០២៥ ទោះបីជាមានការកើនឡើងផលិតកម្មដែលអាចធ្វើទៅបានពីប្រទេស OPEC+ ក៏ដោយ។ ទន្ទឹមនឹងនេះ OPEC បានរក្សាការព្យាករណ៍កំណើនតម្រូវការប្រេងចំនួន ២,២ លានបារ៉ែលក្នុងមួយថ្ងៃ ដោយសារកំណើនសេដ្ឋកិច្ចពិភពលោកកើនឡើង ២,៨ ភាគរយនៅឆ្នាំនេះ។ យ៉ាងណាមិញ ការព្យាករណ៍ទាំងនេះខុសស្រឡះពីទស្សនៈទុទិដ្ឋិនិយមរបស់ទីភ្នាក់ងារថាមពលអន្តរជាតិ IEA ដែលកត់សម្គាល់ពីការកើនឡើងនៃការផ្គត់ផ្គង់ និងការធ្លាក់ចុះនៃតម្រូវការ។ IEA ព្យាករណ៍ថា កំណើនតម្រូវការប្រេងរបស់ពិភពលោកអាចនឹងថយចុះនៅក្នុងប៉ុន្មានឆ្នាំខាងមុខនេះ ដោយសារមានការផ្លាស់ប្តូរថាមពល។ ទន្ទឹមនឹងនោះ ផលិតកម្មប្រេងពិភពលោកអាចនឹងកើនឡើង ដើម្បីបន្ធូរបន្ថយភាពតានតឹងទីផ្សារ និងជំរុញសមត្ថភាព៕
Account
Security
Favourite Content