សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា
“សន្តិភាពមានតម្លៃខ្លាំងណាស់ កុំចាំដល់ពេលប្រទេសមានសង្គ្រាម ទើបស្រែករកសន្ដិភាព កុំចាំដល់ពេលមានសង្គ្រាមកើតឡើង ទើបគិតថា សន្តិភាពមានតម្លៃ”
ដូច្នេះ យើងទាំងអស់គ្នាត្រូវរួមគ្នាការពារសន្តិភាព។
មានប្រសាសន៍នៅក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីអភិសេករូបសំណាក “ព្រះថោងនាងនាគ” នៅខេត្តព្រះសីហនុ កាលពីថ្ងៃចុងសប្ដាហ៍កន្លងទៅ សម្ដេចតេជោ ហ៊ុន សែន បានមានលើកឡើងថា នៅក្នុងឱកាសដែលសម្ដេចមានលទ្ធភាពដឹកនាំប្រទេស សម្ដេចនឹងប្តូរផ្តាច់ដឹកនាំប្រទេសកម្ពុជាតាមផ្លូវសន្តិភាព ស្វែងរកសន្តិភាពជូនប្រជាជនឲ្យខាងតែបាន។
សម្ដេចតេជោ ហ៊ុន សែន បានមានប្រសាសន៍ថា ៖
“ខ្ញុំមិនចង់ឲ្យយុវជន និងកុមារ មានវាសនាអភ័ព្វដូចជារូបខ្ញុំដែលក្លាយខ្លួនទៅជាជនរងគ្រោះនៃសង្គ្រាម…យើងមិនចង់ឲ្យអ្នកណាមួយបំផ្លាញសន្ដិភាពសម្រាប់ប្រទេសនោះទេ។ ដោយសារតែសន្ដិភាពបានជាយើងអាចមានឱកាសធ្វើពិធីចូលឆ្នាំ ឬពិធីគ្រប់យ៉ាងដែលជាតម្រូវការនៃគ្រប់ជាតិសាសន៍ដែលរស់នៅក្នុងប្រទេសកម្ពុជារបស់យើង”
សម្ដេចបានបញ្ជាក់ថា ៖
“សន្តិភាពមានតម្លៃខ្លាំងណាស់ កុំចាំពេលមានសង្គ្រាមកើតឡើង ទើបស្រែរកសន្តិភាព កុំចាំដល់មានសង្គ្រាមកើតឡើង ទើបគិតថាសន្តិភាពមានតម្លៃ។ យើងត្រូវមើលឱ្យឃើញថា សន្តិភាពមានតម្លៃសម្រាប់យើងទាំងពេលកន្លងទៅ និងពេលនេះ ដូច្នេះយើងទាំងអស់គ្នាត្រូវរួមការពារ បើទោះបីជា អ្នកនោះនៅក្នុងគណបក្សណាក៏ដោយ សុទ្ធតែមានតម្រូវការនៃការរក្សាសន្តិភាពទាំងអស់គ្នា!”
សម្ដេចតេជោបានបន្តឱ្យដឹងទៀតថា បើទោះជាឆ្នាំនេះ ឥទ្ធិពលនៃកូវីដ-១៩ ក៏ដូចជាឥទ្ធិពលពីសង្គ្រាមរវាងប្រទេសរុស្ស៊ី និងអ៊ុយក្រែន ដែលធ្វើឱ្យសាំងឡើងថ្លៃ ក៏ប្រជាពលរដ្ឋកម្ពុជានៅតែមានលទ្ធភាពដើរលេងកម្សាន្ត ហើយពិនិត្យមើលទៅលើចំនួននៃប្រជាជនចេញលេងកម្សាន្តនៅក្នុងឱកាសបុណ្យចូលឆ្នាំខ្មែរនេះ មានចំនួនច្រើនកើនលើសបើប្រៀបធៀបទៅនឹងបុណ្យចូលឆ្នាំមុនពេលមានជំងឺកូវីដទៅទៀត ហើយមានប្រជាពលរដ្ឋខ្លះមានលទ្ធភាពចេញកម្សាន្ត និងសម្រាកនៅសណ្ឋាគារលំដាប់ផ្កាយ៤ ឬផ្កាយ៥ ដែលបង្ហាញពីគុណតម្លៃនៃសន្តិភាព និងការអភិវឌ្ឍរបស់ប្រទេសក្នុងរយៈពេលកន្លងទៅ។
សូមបញ្ជាក់ផងដែរថា នៅក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរកន្លងទៅនេះ តាមរយៈក្រសួងទេសចរណ៍បានបង្ហាញថា ចំនួននៃអ្នកចេញដើរលេងកម្សាន្តទាំងជាតិ និងអន្តរជាតិ នៅទូទាំងប្រទេសមានចំនួនរហូតដល់ជាង ៥លាន ១៧ម៉ឺននាក់ ដែលចំនួននេះ មានកើនឡើងគួរឱ្យកត់សម្គាល់បើប្រៀបធៀបទៅនឹងពិធីបុណ្យចូលឆ្នាំខ្មែរមុនពេលកើតមានវិបត្តិកូវីដទៅទៀត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
ការបោះឆ្នោតពាក់កណ្តាលអាណត្តិនៅអាម៉េរិក ស្របពេលបញ្ហាផ្ទៃក្នុង និងភូមិសាស្ត្រនយោបាយកំពុងឡើងកំដៅខ្លាំង
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
បរទេស ៖ ការបោះឆ្នោតពាក់កណ្តាលអាណត្តិក្នុងទឹកដីសហរដ្ឋអាម៉េរិកនឹងប្រព្រឹត្តិទៅនៅអង្គារ ទី៣ ខែវិច្ឆិកា នេះ ពោល គឺចំពេលដែលស្ថានភាពពិភពលោកកំពុងជួបបញ្ហាយ៉ាងក្ដៅគគុកផ្នែកភូមិសាស្ត្រនយោបាយដ៏អាក្រក់ផង និងបញ្ហាផ្ទៃក្នុងជាច្រើននៅក្នុងប្រទេសខ្លួនឯងផង ដែលមនុស្សជាច្រើន រួមមានទាំងអ្នកនយោបាយ ទាំងអ្នកជំនួញ ក៏ដូចជាប្រជាពលរដ្ឋទូទៅផងដែរ កំពុងតាមដានយ៉ាងយកចិត្តទុកដាក់បំផុត។ កាសែត RT បានចេញផ្សាយថា មានប្រជាជនអាម៉េរិកជាង ៥១ លាននាក់ហើយបានចូលរួមការបោះឆ្នោតមុនកាលកំណត់ផ្លូវការគិតត្រឹមថ្ងៃអាទិត្យម្សិលមិញនេះ
Binance ផ្អាកការដកប្រាក់ ក្រោយរកឃើញការផ្ទេរគ្រីបតូសង្ស័យរាប់ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
Binance ដែលជាទីផ្សារជួញដូររូបិយប័ណ្ណគ្រីបតូធំបំផុតរបស់ពិភពលោក បានបើកការស៊ើបអង្កេតផ្នែកសន្តិសុខជាបន្ទាន់ បន្ទាប់ពីមានរបាយការណ៍អំពីការផ្ទេរទ្រព្យសកម្មឌីជីថលដ៏ធំមួយ ខណៈក្រុមហ៊ុនបានផ្អាកជាបណ្តោះអាសន្ននូវការដកប្រាក់ និងបង្កកទ្រព្យសកម្មឌីជីថលដែលពាក់ព័ន្ធ
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ
ព្រឹត្តិការណ៍, អាជីវកម្មថ្មី និងនវានុវត្ត
• 31/10/2026
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ ក្នុងគោលបំណងបង្កើនគម្របបៃតង ស្តារ និងអភិរក្ស ធនធានធម្មជាតិ ខេត្តកំពង់ស្ពឺ ៖ ក្នុងស្មារតីទទួលខុសត្រូវខ្ពស់ចំពោះសង្គម និងការអភិរក្សធនធានធម្មជាតិ នៅថ្ងៃទី៣១ ខែតុលា ឆ្នាំ២០២៦ អិលអូអិលស៊ី (ខេមបូឌា)
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content