សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការបញ្ជាក់ដោយក្រសួងការពារជាតិរបស់ប្រទេសរុស្ស៊ីកាលពីចុងសប្តាហ៍កន្លងមកនេះបានឲ្យដឹងថា កងកម្លាំងទ័ពអាកាសរបស់បេឡារូស បានបញ្ចប់វគ្គបណ្តុះបណ្តាលនៃការប្រើប្រាស់អាវុធនុយក្លេអ៊ែរប្រភេទតាក់ទិក (Tatical Nuclear) នោះរួចរាល់ហើយ។
កិច្ចការងារដែលត្រូវបានគេមើលឃើញថា គឺជាផ្នែកមួយនៃផែនការដាក់ពង្រាយក្បាលគ្រាប់នុយក្លេអ៊ែរនៅក្នុងប្រទេសបេឡារូសដោយប្រទេសរុស្ស៊ី ហើយវគ្គបណ្តុះបណ្តាលនេះទៀតសោតគឺជាវគ្គបណ្តុះបណ្តាលដែលរៀបចំឡើងដោយផ្ទាល់ និងនៅក្នុងប្រទេសរុស្ស៊ីផងដែរ ពោលគឺធ្វើយ៉ាងណាដើម្បីធានាឲ្យបានថាការរៀបចំគ្រាប់នុយក្លេអ៊ែរ និងការប្រើប្រាស់ដំណើរការបានរលូនក្នុងពេលដែលត្រូវការ។
នៅក្នុងវិដេអូមួយដែលត្រូវបានបង្ហោះដោយក្រសួងការពារជាតិរុស្ស៊ីបានបង្ហាញអំពីពីឡុតជនជាតិបេឡារូសម្នាក់កំពុងផ្តល់បទសម្ភាសន៍ជាមួយនឹងក្រុមអ្នករាយការណ៍។ ពីឡុតជនជាតិប៉េឡារូសបានរៀបរាប់ថាការបណ្តុះបណ្តាលនៅក្នុងទឹកដីរុស្ស៊ីបានធ្វើឲ្យកងកម្លាំងទ័ពអាកាសបេឡារូសមានសមត្ថភាពគ្រប់គ្រាន់ក្នុងការប្រើប្រាស់គ្រាប់នុយក្លេអ៊ែរជាមួយនឹងយន្តហោះ Su-25 បានត្រឹមត្រូវ។
រំលឹកដែរថា កាលពីខែមុនប្រធានាធិបតីរុស្ស៊ីបានប្រកាសថា រដ្ឋាភិបាលទីក្រុងមូស្គូបានរៀបចំផែនការរួចរាល់ហើយក្នុងការដាក់ពង្រាយគ្រាប់ក្បាលនុយក្លេអ៊ែរមួយចំនួននៅក្នុងប្រទេសបេឡារូសដែលវាគឺជាការខិតខំមួយរបស់ទីក្រុងមូស្គូដើម្បីគំរាមកំហែងដល់បណ្តាប្រទេសលោកខាងលិចដែលតែងតែនាំគ្នាបន្តធ្វើការគាំទ្រយ៉ាងខ្លាំងក្លាទៅដល់ប្រទេសអ៊ុយក្រែនទាំងអាវុធ និងហិរញ្ញវត្ថុ។ កន្លងមករុស្ស៊ី និងបេឡារូស បានបង្កើតជាកិច្ចព្រមព្រៀងទំនាក់ទំនងជាច្រើនរួចមកហើយបូករួមទាំងនយោបាយ សេដ្ឋកិច្ច និងវិស័យយោធាផងដែរ ហើយកងទ័ពរុស្ស៊ីក៏បានប្រើប្រាស់ទឹកដីបេឡារូសដើម្បីរំកិលចូលទៅក្នុងអ៊ុយក្រែនពីភាគខាងជើងកាលពីក្នុងខែកុម្ភៈ ឆ្នាំ២០២២ហើយបានរក្សាវត្តមាននៅក្នុងប្រទេសបេឡារូសរហូតមកដល់ពេលបច្ចុប្បន្នផងដែរ៕
Account
Security
Favourite Content