សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សារព័ត៌មានអន្តរជាតិជាច្រើននៅសប្តាហ៍នេះបានធ្វើការចេញផ្សាយថា រដ្ឋាភិបាលរបស់ប្រទេសជប៉ុន និងសហរដ្ឋអាមេរិក កំពុងរៀបចំផែនការក្នុងការបង្កើតជាអង្គភាពរួមដែលអាចប្រតិបត្តិការប្រព័ន្ធបាញ់មីស៊ីលចំងាយឆ្ងាយថ្មីមួយក្នុងគោលបំណងធំដើម្បីអាចគាំទ្រដល់កោះតៃវ៉ាន់ក្នុងករណីវាយប្រហារបន្ទាន់ណាមួយ។
ទាំងកាសែតក្នុងស្រុករបស់ជប៉ុន ដូចជា Japan Times និង Kyodo news ក៏បានចុះផ្សាយដូចគ្នានេះដែរថា ផែនការនេះអាចនឹងបញ្ចប់រួចរាល់នៅត្រឹមដំណាច់ខែធ្នូខាងមុខ ដោយក្នុងនោះរដ្ឋាភិបាលក្រុងវ៉ាស៊ិនតោន នឹងដាក់ពង្រាយមីស៊ីល និងអង្គភាពរបស់ខ្លួនជាច្រើនកន្លែងនៅលើដែនកោះ Nasei Island ហើយទីតាំងមួយចំនួនទៀតនៅលើទឹកដីនៃប្រទេសហ្វីលីពីនផងដែរ។
ប្រភពដែលសុំមិនបញ្ចេញឈ្មោះទាំងភាគីខាងយោធាអាមេរិក អាមេរិក និងជប៉ុនបានអះអាងថា ក្រៅតែពីអាវុធជាច្រើនប្រភេទនោះ គេក៏អាចមើលឃើញប្រព័ន្ធបាញ់មីស៊ីលចំងាយឆ្ងាយទំនើបបំផុតរបស់អាមេរិក គឺ HIMARS ផងដែរ ដែលត្រូវដាក់ពង្រាយលើទីតាំងទាំងនោះ។
ដោយឡែក សម្រាប់អង្គភាពជំនាញរបស់សហរដ្ឋអាមេរិកលើកិច្ចការងារទីអវកាសការវាយប្រហារទីអវកាស និងរលករំខានផងនោះ នឹងត្រូវរៀបចំនៅលើទឹកដីនៃប្រទេសហ្វីលីពីន។
ទោះបីជាយ៉ាងណាក្តី មកទល់ពេលនេះអស់រយៈពេលជាច្រើនថ្ងៃមកហើយដែលទាំងខាងភាគីក្រសួងការពារជាតិជប៉ុន-អាមេរិក និងហ្វីលីពីន ព្រមទាំងទូតរបស់ពួកគេផងដែរ មិនមានអ្នកណាម្នាក់ហ៊ានធ្វើការអះអាង ឬសូម្បីតែឆ្លើយតបទៅនឹងព័ត៌មានទាំងនេះនោះទេ។
គួរឲ្យដឹងដែរថា ក្នុងឆ្នាំ២០២៤នេះ រដ្ឋាភិបាលក្រុងប៉េកាំងដែលតែងតែទាមទារថា កោះតៃវ៉ាន់គឺស្ថិតនៅក្នុងដែនអធិបតេយ្យភាព ហើយអំពាវនាវឲ្យអន្តរជាតិគោរពនូវគោលការណ៍ចិនតែមួយចំពោះរដ្ឋាភិបាលកោះតៃវ៉ាន់នោះ បានរៀបចំធ្វើសមយុទ្ធយោធាធំៗចំនួន២លើករួចមកហើយដែលជាសកម្មភាពយោធាក្នុងទម្រង់លុកលុយយកកោះតៃវ៉ាន់។
សូមជម្រាបដែរថា មកទល់នឹងពេលនេះ មានប្រទេសមិនច្រើននោះទេដែលហ៊ានធ្វើទំនាក់ទំនងផ្លុវការជាមួយនឹងកោះតៃវ៉ាន់ ពោលគឺមានតែរដ្ឋាភិបាលទីក្រុងវ៉ាស៊ិនតោនប៉ុណ្ណោះ ហើយជារឿយៗអាមេរិកតែងតែបានបញ្ចេញសកម្មភាពប្រឆាំងទៅនឹងបំណងរបស់ចិនដោយមានការបំពេញទស្សនកិច្ចផ្លូវរដ្ឋដោយមន្ត្រីជាន់ខ្ពស់ ជាពិសេសការចុះហត្ថលេខាលើកុងត្រាផ្គត់ផ្គង់អាវុធឲ្យកោះតៃវ៉ាន់ដ៏សន្ធឹកសន្ធាប់ទៀតផង៕
Account
Security
Favourite Content