សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មុនការបោះឆ្នោតជ្រើសរើសប្រធានាធិបតីអាមេរិកថ្មីជាផ្លូវការប៉ុន្មានថ្ងៃប៉ុណ្ណោះ ប្រទេសកូរ៉េខាងត្បូងបានទទួលភ្លើងខៀវជាផ្លូវការហើយដើម្បីអាចបញ្ជាទិញយន្តហោះជំនាញខាងឃ្លាំមើល និងផ្តល់សញ្ញាជាមុនប្រភេទ E-7 aribone ចំនួនដល់ទៅ៤គ្រឿង។ យន្តហោះដែលត្រូវបានគេហៅឈ្មោះថា Wedgetail ទាំង៤គ្រឿងនេះមានតម្លៃជិត៥ពាន់លានដុល្លារ ហើយនៅក្នុងកញ្ចប់នោះមានទាំងម៉ាស៊ីនយន្តហោះម៉ាក CMF56 ចំនួន១០គ្រឿងផ្សេងទៀតផងដែរ។
E-7 មានសមត្ថភាពពិសេសដែលអាចផ្តល់នូវការគ្រប់គ្រងសមរភូមិ និងការស៊ើបការណ៍សម្ងាត់ ការឃ្លាំមើល និងការឈ្លបយកការណ៍ដែលអនុញ្ញាតឱ្យប្រតិបត្តិករអាចស្កែនទីតាំងសមរភូមិ និងតាមដានចលនារបស់សត្រូវ ព្រមទាំងសកម្មភាពជនស៊ីវិលនៅទីតាំងផ្ទាល់ដីផងដែរ។
បច្ចុប្បន្ន កងកម្លាំងទ័ពអាកាសអូស្ត្រាលីបានប្រតិបត្តិការយន្តហោះប្រភេទនេះជាច្រើនគ្រឿងរួចមកហើយ ខណៈដែលទ័ពអាកាសអាមេរិកខ្លួនឯងក៏បានបញ្ជាទិញ Wedgetail បន្ថែមប្រមាណជា ២៦គ្រឿងទៀតផងដែរ ដើម្បីយកទៅជំនួសយន្តហោះស៊េរីចាស់ E-3 Sentry AWACS Fleet ។
រដ្ឋាភិបាលអាមេរិកបានលើកឡើងថា ការលក់យន្តហោះ Wedgetails ទៅកូរ៉េខាងត្បូងនឹងធ្វើឱ្យសន្តិសុខរបស់សម្ព័ន្ធមិត្តកាន់តែប្រសើរឡើង ហើយគាំទ្រដល់គោលដៅគោលនយោបាយការបរទេស និងគោលដៅសន្តិសុខជាតិរបស់សហរដ្ឋអាមេរិកផងដែរ។
យន្តហោះ Wedgetails នេះផងដែរនឹងធ្វើឱ្យប្រសើរឡើងនូវការស៊ើបការណ៍សម្ងាត់ ការឃ្លាំមើល និងការឈ្លបយកការណ៍របស់កូរ៉េខាងត្បូង និងការព្រមានជាមុនជាមួយនឹងសមត្ថភាពគ្រប់គ្រងលើអាកាស ព្រមទាំងធ្វើឱ្យប្រសើរឡើងពីរបៀបដែលកងទ័ពអាកាសកូរ៉េខាងត្បូងធ្វើអន្តរកម្មជាមួយយោធាសហរដ្ឋអាមេរិក។
គួរឲ្យដឹងដែរថា ក្រុមមន្ត្រីបាននិយាយថា កូរ៉េខាងត្បូង នឹងមិនពិបាកទេក្នុងការដាក់បញ្ចូលយន្តហោះ Wedgetails ទៅក្នុងកងកម្លាំងបស់ខ្លួន ហើយកញ្ចប់តម្លៃ៤,៩២ ពាន់លានដុល្លារ នេះនឹងមិនផ្លាស់ប្តូរសមតុល្យយោធាជាមូលដ្ឋាននៅក្នុងតំបន់នោះឡើយ៕
Account
Security
Favourite Content