សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សមាគមដឹកជញ្ជូនតាមអាកាសអន្តរជាតិ ឬហៅកាត់ថា IATA ធ្លាប់បានបង្ហាញរបាយការណ៍កាលពីពេលកន្លងមកហើយថា ការហោះហើរតាមអាកាសនាពេលបច្ចុប្បន្នដោយប្រើប្រាស់ថាមពលឥន្ធនៈបានធ្វើឲ្យកកើតឡើងនូវឧស្ម័នបំពុលបរិយាកាស C02 ដល់ទៅ២ទៅ៣ភាគរយនៃការបំពុលអាកាសសរុបដែលមាននៅលើសកលលោក។
បញ្ហានេះបានក្លាយទៅជាចំណោទសម្រាប់ក្រុមអ្នកវិទ្យាសាស្ត្រជាច្រើនក្នុងការនាំគ្នាធ្វើការដោះស្រាយរួមគ្នា ហើយក្នុងនោះជាលទ្ធភាពគួរឲ្យចាប់អារម្មណ៍មួយពីសំណាក់ក្រុមអ្នកវិទ្យាសាស្ត្រជនជាតិស្វីសដោយពួកគេអាចធ្វើការកែច្នៃផលិតប្រេងសាំងថ្មីម្យ៉ាងតាមរយៈការធ្វើប្រតិកម្មរវាងគ្នានៃថាមពលព្រះអាទិត្យជាមួយនឹងខ្យល់ដែលស្ថិតនៅក្នុងបរិយាកាស។
ប្រេងសាំងថ្មីនេះអាចប្រើប្រាស់ជាមួយនឹងយន្តហោះបានយ៉ាងមានប្រសិទ្ធភាព ហើយក៏ជាផលិតផលដែលបានមកពីការធ្វើប្រតិកម្មរវាងកំដៅព្រះអាទិត្យជាមួយនឹងខ្យល់បរិយាកាសដែលមានទាំងឧស្ម័នកាបូនិកផង។ ដំណាក់កាលផលិតធ្វើឡើងដំបូងតាមរយៈការចាប់យកឧស្ម័នកាបូនិកព្រមទាំងសារជាតិទឹកដែលមាននៅក្នុងខ្យល់ទៅធ្វើប្រតិកម្មជាមួយនឹងឧបករណ៍មួយទៀតដែលមានជំនាញខាងទាញយកថាមពលព្រះអាទិត្យ។ ប្រតិកម្មរវាងអ៊ីដ្រូសែនជាមួយនឹងកាបូនម៉ូណូអុកស៊ីតអាចបង្កើតបានទៅជាឧស្ម័នម្យ៉ាងហៅថា syngas ដែលឧស្ម័ននេះបន្ទាប់មកវានឹង ត្រូវបានគេទាញយកចេញបានជាប្រភេទប្រេងកាតដ៏មានថាមពលម្យ៉ាងជាវត្ថុធាតុដើមដ៏ចាំបាច់ក្នុងការយកទៅផលិតបានជាប្រេងសាំងសម្រាប់ចាក់ឲ្យយន្តហោះបាន។
បច្ចេកវិទ្យាដែលត្រូវបានរកឃើញនិងកំពុងអភិវឌ្ឍដោយក្រុមអ្នកវិទ្យាសាស្ត្រនៃទីក្រុង Zurich ដែលមានឈ្មោះថា ETH។កន្លងមកការសាកល្បងបានធ្វើឡើងតាមរយៈការរៀបចំឧបករណ៍ទាញយកថាមពលព្រះអាទិត្យដែលមាននៅតាមទីតាំងដំបូលនៃសកលវិទ្យាល័យមួយចំនួន ហើយពេលនេះបណ្តាក្រុមហ៊ុនស្ថិតនៅក្នុងឧស្សាហកម្មផលិតនិងធ្វើដំណើរដោយយន្តហោះគឺអាចធ្វើការដាក់ពាក្យស្នើសុំក្នុងការទិញយកបច្ចេកវិទ្យានេះបានហើយ។ គេជឿជាក់ថានាពេលខាងមុខទីតាំងតាមវាលខ្សាច់ធំៗនឹងក្លាយទៅជាទីកន្លែងសម្រាប់ផលិតកម្មផលិតប្រេងសាំងសម្រាប់យន្តហោះប្រភេទនេះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
វីដេអូបោកប្រាស់ AI Deepfake កំពុងប្រើរូបភាពមហាសេដ្ឋី Jack Ma ដើម្បីឱ្យសាធារណៈជនយល់ច្រឡំពីសិង្ហបុរី
ព្រឹត្តិការណ៍, អាជីវកម្មថ្មី និងនវានុវត្ត
• 03/08/2026
នៅលើបណ្តាញ YouTube មានក្រុមបោកប្រាស់បានប្រើបច្ចេកវិទ្យាបញ្ញាសិប្បនិម្មិត(AI) បង្កើតវីដេអូមិនពិត (Deepfake) យ៉ាងស្ទាត់ជំនាញដោយប្រើរូបភាព និងសំឡេងរបស់លោក Jack Ma ដែលជាស្ថាបនិកក្រុមហ៊ុន Alibaba ដើម្បីឱ្យសាធារជនយល់ច្រឡំចំពោះសិង្ហបុរី
អាមេរិក ចាយលុយជិត ៦០ពាន់លានដុល្លារ ពន្លឿនការផលិតមីស៊ីល Patriot ចំពេលមានព័ត៌មានថាកំពុងខ្វះគ្រាប់នៅអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 31/07/2026
កងទ័ពជើងគោកអាមេរិក បានសម្រេចចុះកិច្ចព្រមព្រៀងដ៏ធំសម្បើមមួយដែលមានតម្លៃរហូតដល់ ៥៨,៦ ពាន់លានដុល្លារ ជាមួយក្រុមហ៊ុន Lockheed Martin ដើម្បីពង្រីក និងពន្លឿនការផលិតមីស៊ីលស្ទាក់ចាប់ (Patriot)
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content