សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ របៀបវារៈទី៦ ក្នុងថ្ងៃទី២ នៃពិធីសន្និបាតបូកសរុបលទ្ធផលការងារពាណិជ្ជកម្មប្រចាំឆ្នាំ២០២៥ និងទិសដៅការងារពាណិជ្ជកម្ម ឆ្នាំ២០២៦ របស់ក្រសួងពាណិជ្ជកម្ម នៅព្រឹកថ្ងៃ៩ ខែមករា ឆ្នាំ២០២៦ បានដាក់សម្ពោធនូវសមិទ្ធផលការងារទំនើបកម្មចំនួន ៤ ក្នុងគោលដៅជំរុញ និងអភិវឌ្ឍន៍វិស័យពាណិជកម្មកម្ពុជាឱ្យកាន់តែរីកចម្រើន។
ទំនើបកម្មទាំង៤ ដែលទើបតែបានដាក់សម្ពោធក្រោមអធិបតីភាព លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម រួមមាន៖ ទី១.ការធ្វើសាមញ្ញកម្ម និងទំនើបកម្មការងារចុះបញ្ជីពាណិជ្ជកម្ម, ទី២. ការធ្វើទំនើបកម្មការទូទាត់កម្រៃសេវាសាធារណៈ , ទី៣. ការលើកលែងពិន័យខកខានតម្កល់ប្រតិវេទន៍ប្រចាំឆ្នាំ និង ទី៤. កម្មវិធី MOC Mobile App។
ប្រភពពីក្រសួងពាណិជ្ជកម្មបានឱ្យដឹងថា៖ ការធ្វើសាមញ្ញកម្មនៃការងារចុះបញ្ជីពាណិជ្ជកម្ម ជួយកាត់បន្ថយនីតិវិធី និងឯកសារតម្រូវដើម្បីសម្របសម្រួលដល់ការចុះបញ្ជីពាណិជ្ជកម្មឱ្យកាន់តែមានភាពងាយស្រួល ប្រសិទ្ធភាពខ្ពស់ លឿនរហ័ស និងចំណេញពេលវេលា។ ចំណែកការធ្វើទំនើបកម្មការទូទាត់កម្រៃសេវាសាធារណៈ ត្រូវបានបញ្ចូលការទូទាត់សេវាពាណិជ្ជកម្មតាមប្រព័ន្ធអនឡាញ ដូចជា ការតម្កល់ប្រតិវេទន៍ប្រចាំឆ្នាំ និងការដាក់ពាក្យស្នើសុំអនុវត្តដីការក្សាការពារ ទៅក្នុង ABA Mini App និង ACLEDA Mini App និងធនាគារផ្សេងៗទៀតក្នុងពេលឆាប់ៗខាងមុខ ។ រីឯ ការលើកលែងការផាកពិន័យខកខានតម្កល់ប្រតិវេទន៍ប្រចាំឆ្នាំ គឺអនុវត្តរាល់ការផាកពិន័យខកខានតម្កល់ប្រតិវេទន៍ប្រចាំឆ្នាំ គិតត្រឹមតែ១ឆ្នាំចុងក្រោយ ។ ដោយឡែក ចំពោះការសម្ពោធដាក់ឱ្យប្រើប្រាស់ជាផ្លូវការនូវកម្មវិធី MOC Mobile App គឺ ដើម្បីជំរុញការធ្វើបរិវត្តកម្មឌីជីថលក្នុងវិស័យពាណិជ្ជកម្ម ផ្តោតលើការជួយសម្រួលអនុវត្ត និងលើកកម្ពស់ប្រសិទ្ធការងាររបស់មន្ត្រីក្រសួងពាណិជ្ជកម្មឱ្យកាន់តែមានភាពប្រសើរជាងមុន។
សន្និបាតក្រសួងពាណិជ្ជកម្ម ក៏បានរៀបចំវេទិកាពិភាក្សា និងបទអន្តរាគមន៍គន្លឹះជាច្រើនស្ដីពី៖ កំណែទម្រង់រដ្ឋបាលសាធារណៈ និងការធ្វើឌីជីថលូបនីយកម្មក្នុងវិស័យពាណិជ្ជកម្ម,កំណែទម្រង់រដ្ឋបាលសាធារណៈក្នុងវិស័យពាណិជ្ជកម្ម, សមាហរណកម្ម និងពិពិធកម្មទីផ្សារអន្តរជាតិ, យុទ្ធសាស្ត្រពង្រឹង និងពង្រីកពាណិជ្ជកម្មក្នុងប្រទេស៕
Account
Security
Favourite Content