សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទីភ្នាក់ងារប្រសិទ្ធភាព DOGE របស់អាម៉េរិកបានបង្ករការភ្ញាក់ផ្អើលជាច្រើននៅក្នុងប្រព័ន្ធរដ្ឋបាលដឹកនាំដោយលោក Donald Trump ក្នុងនោះក៏មានទាំងបញ្ហានៅទីភ្នាក់ងារជំនួយអាម៉េរិកសម្រាប់ការអភិវឌ្ឍអន្តរជាតិហៅកាត់ថា USAID ផងដែរ។ ទីភ្នាក់ងារនេះជាធម្មតាត្រូវការលុយសម្រាប់ចំណាយរាប់សិបពាន់លានដុល្លារជារៀងរាល់ឆ្នាំ។
នៅដើមខែឧសភាកន្លងទៅនេះ កំពូលមហាសេដ្ឋី លោក Bill Gates បានចេញមកធ្វើការរិះគន់យ៉ាងខ្លាំងចំពោះការសម្រេចចិត្តដោយ DOGE ដឹកនាំដោយមហាសេដ្ឋីលោក Elon Musk ក្នុងការកាត់បន្ថយខ្ទង់ចំណាយយ៉ាងច្រើនរបស់រដ្ឋាភិបាលអាម៉េរិកជាមួយទីភ្នាក់ងារ USAID។
សហស្ថាបនិកក្រុមហ៊ុន Microsoft រូបនេះបានធ្វើការចំអកខ្លាំងៗ និងចំៗ ទៅកាន់លោក Elon Musk ថា ការកាត់បន្ថយចំណាយរបស់ USAID បាន និងកំពុងបណ្តាលឲ្យមនុស្សរាប់លាននាក់បាត់បង់ជីវិតហើយវាគឺជាកំហុសដ៏ធ្ងន់ធ្ងរបំផុតរបស់រដ្ឋាភិបាលអាម៉េរិក។
ការប៉ះទង្គិចបានចាប់ផ្តើមនៅក្នុងអំឡុងពេលនៃកិច្ចប្រជុំកំពូលវេទិកាសេដ្ឋកិច្ចនៅក្នុងប្រទេសកាតា (Qatar Economic Forum) កាលពីថ្ងៃអង្គារ ហើយមហាសេដ្ឋី លោក Elon Musk ក៏បានចេញមកឆ្លើយតបនឹងរិះគន់របស់លោក Bill Gates ចំពោះអ្វីដែលក្រុមការងារ DOGE បានអនុវត្តទៅលើទីភ្នាក់ងារ USAID។
Elon Musk បានប្រាប់ទៅកាន់ក្រុមអ្នកកាសែត រួមទាំង Bloomberg ផងដែរនោះថា វាគឺជាព័ត៌មានមិនពិត ហើយប្រសិនបើជាមានរឿងនេះកើតឡើងមែនដែលធ្វើឱ្យមនុស្សស្លាប់ដ៏ច្រើនបែបនេះ DOGE សុំស្នើឲ្យលោក Bill Gates គួរតែបង្ហាញភស្តុតាងឲ្យបានច្បាស់លាស់ជាងនេះបន្ថែមទៀត។
លោក Musk បានបញ្ជាក់ថា ៖
«ខ្ញុំសុំឲ្យគាត់ (Bill Gates) បង្ហាញយើងនូវភស្តុតាងបន្ថែមទៀតប្រសិនបើវាជាទិន្នន័យពិតប្រាកដ ប៉ុន្តែជាក់ស្តែងខ្ញុំជឿជាក់ថាវាគ្រាន់តែជាព័ត៌មានក្លែងក្លាយប៉ុណ្ណោះ»។
កន្លងមកមហាសេដ្ឋីបច្ចេកវិទ្យា និងជាស្ថាបនិកក្រុមហ៊ុន Tesla រូបនេះធ្លាប់បានបរិហារអង្គភាព USAID ដែរថា ជាអង្គភាពបង្កឧក្រិដ្ឋកម្មទៅវិញនោះទេ ( Criminal Organization ) ដោយសារតែអង្គភាពរដ្ឋមួយនេះមិនអាចបង្ហាញទិន្នន័យឲ្យបានត្រឹមត្រូវថាបានជួយសង្គ្រោះ និងគាំទ្រកុមារអន្តរជាតិបានកម្រិតណានោះឡើយ។
គួរឲ្យដឹងដែរថា ក្រោយឡើងមកកាន់តំណែងជាប្រធាន DOGE លោក Musk បានសម្រេចចិត្តកាត់បន្ថយចំណាយរបស់ USAID ព្រមទាំងកាត់ចោលបុគ្គលិកដល់ទៅ៨០ភាគរយចោល។
យ៉ាងណាក៏ដោយ គេនៅចាំបានថា កាលពីពេលកន្លងទៅនេះ លោក Bill Gates ធ្លាប់បានសន្យាថា មូលនិធិ Gates Foundation របស់លោកនឹងបរិច្ចាគប្រាក់រហូតដល់ទៅ១០០ពាន់លានដុល្លារសម្រាប់អង្គការសុខភាពពិភពលោកដើម្បីធ្វើកិច្ចការងារមនុស្សធម៌ក្នុងរយៈពេល២០ឆ្នាំខាងមុខ៕
Account
Security
Favourite Content