សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Minning បានរាយការណ៍ថា តម្លៃមាសបានធ្លាក់ចុះបន្តិច ដោយសារការកើនឡើងនៃការលក់មាសចេញ និងការកើនឡើងតម្លៃប្រាក់ដុល្លារ។
នៅថ្ងៃសុក្រសប្ដាហ៍នេះ តម្លៃមាសបានធ្លាក់ចុះ ០,៥% ឬ មានតម្លៃ ៣ ២៩៧ ដុល្លារក្នុងមួយអោន (នៅទីផ្សារមាសកម្ពជា មានតម្លៃ ៣ ៩៧៦ ដុល្លារក្នុងមួយតម្លឹង និង ៣៩៧ ដុល្លារក្នុងមួយជី)។ ទន្ទឹមនឹងនេះ តម្លៃប្រាក់ដុល្លារឡើងថ្លៃ ០,៣% ធៀបនឹងរូបិយប័ណ្ណផ្សេងៗទៀត ដែលបានជំរុញឲ្យតម្លៃមាសធ្លាក់ចុះ។ ជាទូទៅ តម្លៃមាសមានភាពបញ្ច្រាស់គ្នាជាមួយប្រាក់ដុល្លារ ប្រសិនបើតម្លៃប្រាក់ដុល្លារឡើងថ្លៃ នោះតម្លៃមាសនឹងធ្លាក់ចុះ ដោយសារប្រាក់ដុល្លារឡើងថ្លៃធ្វើឱ្យទំនិញឡើងថ្លៃ។ មិនត្រឹមតែប៉ុណ្ណោះ ការលក់ចេញមាសបានកើនឡើងនាពេលថ្មីៗនេះ ដែលជាចំណែកនៃការធ្លាក់ចុះតម្លៃផងដែរ។ យ៉ាងណាមិញ ទស្សនវិស័យសម្រាប់មាសនៅតែមានភាពវិជ្ជមាន បើទោះបីជាភាពតានតឹងពាណិជ្ជកម្មរវាងសហរដ្ឋអាម៉េរិក-ចិនថយចុះក៏ដោយ។
លោក Rick Kanda នាយកគ្រប់គ្រងក្រុមហ៊ុន The Gold Bullion បានលើកឡើងថា ស្ថានភាពនេះអាចជាវិបត្តិសម្រាប់ទ្រព្យសកម្មជាច្រើន ប៉ុន្តែវាគ្មានផលប៉ះពាល់សម្រាប់មាសនោះទេ។ ជាមួយគ្នានេះ ស្របពេលដែលគេកំពុងព្រួយបារម្ភកាន់តែខ្លាំងអំពីស្ថិរភាពឥណទាន និងអតិផរណារបស់អាម៉េរិក អ្នកវិនិយោគកំពុងរត់រកមាសដែលជាទ្រព្យសម្បត្តិមានសុវត្ថិភាព។ ជាក់ស្តែង តម្លៃមាសធ្លាក់ចុះក៏ពិតមែន ប៉ុន្តែតម្លៃរបស់វាជិត ៣ ៣០០ ដុល្លារក្នុងមួយអោន។ នៅឆ្នាំ២០២៥ នេះ តម្លៃមាសឡើងថ្លៃជិត ២៥% ធៀបនឹងឆ្នាំមុន ដោយសារការកើនឡើងហានិភ័យភូមិសាស្ត្រនយោបាយ និងសេដ្ឋកិច្ច។
កាលពីថ្ងៃពុធសប្ដាហ៍នេះ តម្លៃមាសបានឡើងថ្លៃខ្ពស់បន្ទាប់ពីការដេញថ្លៃមូលបត្របំណុលរយៈពេល ២០ ឆ្នាំរបស់ក្រសួងរតនាគារសហរដ្ឋអាម៉េរិក។ លើសពីនេះ អ្នកចូលរួមទីផ្សារកំពុងព្រួយបារម្ភថា បំណុលរបស់រដ្ឋាភិបាលអាម៉េរិកនឹងកើនឡើងបន្ថែមទៀត ប្រសិនបើសភាអនុម័តច្បាប់កាត់បន្ថយពន្ធដែលបានស្នើឡើងដោយប្រធានាធិបតី Donald Trump។ គេកំពុងមានការព្រួយបារម្ភអំពីវិធីដែលសហរដ្ឋអាម៉េរិកគ្រប់គ្រងបញ្ហាបំណុលរបស់ខ្លួន ប៉ុន្តែគេរំពឹងថា មាសនឹងនៅតែរឹងមាំ ប្រសិនបើទីផ្សារមានភាពអវិជ្ជមាសនពីការកាត់បន្ថយពន្ធទាំងនោះ៕
Account
Security
Favourite Content