សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ដូចដែលគ្រប់គ្នាបានដឹងហើយមកថា សន្ទរកថារបស់ប្រធានាធិបតីអាមេរិក លោក Donald Trump តែងតែប្រើប្រាស់ឃ្លា “America First”។ វាគឺជាសារផ្ញើទៅកាន់សម្ព័ន្ធមិត្ត និងពិភពលោកថាសហរដ្ឋអាមេរិកនឹងយកចិត្តទុកដាក់តែចំពោះផលប្រយោជន៍របស់ខ្លួនប៉ុណ្ណោះ ហើយនឹងព្យាយាមធ្វើឲ្យសម្រេចកិច្ចការងារនេះឲ្យបានតាមរយៈសកម្មភាពផ្សេងៗជាបន្តបន្ទាប់។
ជាលទ្ធផល នៅក្នុងរយៈពេលប៉ុន្មានខែចុងក្រោយនេះ លោក Trump បានសម្រេចចិត្តដកសហរដ្ឋអាមេរិកចេញពីកិច្ចព្រមព្រៀងអាកាសធាតុទីក្រុងប៉ារីសផង និងអង្គការសុខភាពពិភពលោកផង។ វាបានបង្ហាញឱ្យឃើញថា រដ្ឋាភិបាលក្រុងវ៉ាស៊ីនតោននឹងលែងចាប់អារម្មណ៍លើការរក្សាតម្លៃសេរីភាព និងសណ្តាប់ធ្នាប់អន្តរជាតិដែលផ្អែកលើច្បាប់នោះទៀតហើយ ហើយក៏ជាអ្វីដែលអាមេរិកតែងតែប្រកាន់យ៉ាងខ្ជាប់ខ្ជួនតាំងតែពីពេលបញ្ចប់សង្គ្រាមលោកលើកទី២មកម្ល៉េះ ។
នៅសប្តាហ៍នេះ NBC News បានចេញផ្សាយនូវអត្ថបទមួយដោយមានចំណងជើងធំៗថា ខណៈដែល Trump កំពុងធ្វើឲ្យរង្គោះរង្គើរសណ្តាប់ធ្នាប់ពិភពលោក ប៉ុន្តែចិនបែរជាបន្តរក្សាជំហដើម្បីស្ថិរភាពពិភពលោក ( As Trump shakes the international order, China casts itself as a model of stability)។
សម័យប្រជុំរួមនៃសភាកាលពីសប្តាហ៍មុន ប្រធានាធិបតីអាមេរិក លោក Donald Trump បានបង្កើនកំដៅនយោបាយក្នុងប្រទេសតាមរយៈសន្ទរកថាដ៏ក្ដៅគគុក និងមើលទៅដូចជាមិនស្របគ្នាខ្លាំងរវាងសមាជិកសភាអាមេរិកដែលព្រឹត្តិការណ៍នយោបាយនេះអាចបង្ហាញថា ពិភពលោកកំពុងតែជាប់គាំង និងកាន់តែអាក្រក់ឡើង។
ក្រឡេកទៅមើលជ្រុងម្ខាងទៀតនៃពិភពលោកវិញ កិច្ចប្រជុំកំពូលប្រចាំឆ្នាំនៃបក្សកុម្មុយនីស្តចិន ដែលជាសភារបស់ប្រទេសចិន ត្រូវបានរៀបចំយ៉ាងតឹងរ៉ឹង ប៉ុន្តែជាមួយនឹងការសម្រេចចិត្តស្របគ្នាទាំងអស់រវាងសមាជិកគ្រប់គ្នា។ មានការភ្ញាក់ផ្អើលតិចតួចពាក់ព័ន្ធទៅនឹងកិច្ចការងាររក្សាសន្តិសុខក្នុងអំឡុងពេលនៃកិច្ចប្រជុំ ប៉ុន្តែយ៉ាងណាក្តី មិនមានការជជែកដេញដោលគ្នាដ៏តានតឹងឡើយ ហើយជំនួបកំពូលរយៈពេលមួយសប្តាហ៍នេះបានបង្ហាញលទ្ធផលថា រដ្ឋាភិបាលក្រុងប៉េកាំងនឹងផ្តោតការងារអាទិភាពរបស់ប្រទេសចិននៅក្នុងប្រទេសខ្លួនឯង និងទី២ គឺអំពីរបៀបដែលចិនខិតខំដើម្បីពិភពលោក។
យ៉ាងណាក៏ដោយ ទោះបីជាប្រទេសចិននៅតែបន្តជួបប្រទះបញ្ហារាំងស្ទះដោយសារកំណើនសេដ្ឋកិច្ចយឺតយ៉ាវក្តី ប៉ុន្តែរដ្ឋាភិបាលមហាយក្សអាស៊ីមួយនេះ នៅតែបានបង្ហាញ និងប្រាប់អន្តរជាតិអំពីការសម្រេចចិត្តដ៏ច្បាស់លាស់ ដែលជាយុទ្ធសាស្ត្រទាំងដែលរដ្ឋបាលលោក Trump កំពុងព្យាយាមបង្កើតជម្លោះពាណិជ្ជកម្មជាមួយនឹងប្រទេសជាច្រើនបូករួមទាំងសម្ព័ន្ធមិត្ត និងមិត្តជិតខាងរបស់ខ្លួន ដូចជា កាណាដាអឺរ៉ុប និងចិនផងដែរ។ គេអាចមើលឃើញដែរថា វានឹងក្លាយទៅជាឱកាសសម្រាប់ចិនក្នុងការបំពេញកាតព្វកិច្ច និងកិច្ចការងារមួយចំនួនជំនួសឲ្យសហរដ្ឋអាមេរិកទៅវិញ។
កាន់តែច្បាស់អំពីគោលជំហរបស់ចិន គឺនៅក្នុងពេលដែលរដ្ឋមន្ត្រីការបរទេសចិន លោក Wang Yi បានធ្វើការថ្លែងទៅកាន់សន្និសីទកាសែតកាលពីថ្ងៃសុក្រសប្ដាហ៍កន្លងទៅ គេបានឮសម្ដីរបស់លោកជាមួយនឹងពាក្យថា ស្ថិរភាព ( stability ) រហូតទៅដល់១៤ដង។
ដោយឡែក ជុំវិញបញ្ហាតម្លើងពន្ធលើទំនិញចិនដោយអាមេរិកវិញ លោក Wagn Yi ក៏បានលើកឡើងអំពីការយល់ឃើញរបស់ខ្លួនផងដែរថា ការតម្លើងពន្ធដល់ទៅ ២០ភាគរយ នឹងអាចបន្តកើនឡើងបន្ថែមទៀត ប៉ុន្តែលោកបញ្ជាក់ថា ចិនមិនគួរមានដៃគូពិភាក្សាដែលមានមុខ២នោះទេ ដោយដៃម្ខាងចាប់ដៃ ហើយដៃម្ខាងទៀតបែរជាបង្កបញ្ហានោះទេ។
អ្នកចូលរួមកិច្ចប្រជុំកំពូលសមាជរបស់បក្សកុម្មុយនីស្តចិនទាំងអស់ដែលមានទាំងមេដឹកនាំរដ្ឋាភិបាល និងអ្នកតាក់តែងច្បាប់ ព្រមទាំងម្ចាស់ក្រុមហ៊ុនធំៗមិនមានអ្នកណាបង្ហាញអារម្មណ៍ព្រួយបារម្ភចំពោះការតម្លើងពន្ធរបស់ Trump នោះទេ ដោយពួកគេនិយាយដូចគ្នាថា ៖ ពួកយើងផ្តោតយកចិត្តទុកដាក់តែចំពោះខ្លួនឯងនៅពេលនេះ ថាតើអាចធ្វើអ្វីដែលល្អប្រសើរជាងនេះ តែយើងមិនខ្វាយខ្វល់អំពីអ្នកដទៃនោះទេ។
យ៉ាងណាក្តី រដ្ឋមន្ត្រីការបរទេសចិនក៏បានបញ្ជាក់ដែរថា៖ ចិននឹងប្រើប្រាស់យុទ្ធសាស្ត្រ Tit for Tat ដែលមានន័យថា បើអាមេរិកបង្កជម្លោះ នោះចិននឹងធ្វើតាម ហើយឆ្លើយតបមកវិញជាមួយវិធានការចាំបាច់មួយចំនួន ប៉ុន្តែ ប្រសិនបើអាមេរិកត្រឡប់មកសហការគ្នា នោះចិនក៏នឹងស្វាគមន៍ ហើយឆ្លើយតបទៅវិញក្នុងកិច្ចសហការ៕
Account
Security
Favourite Content