សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី China Daily បានរាយការណ៍ថា ការកើនឡើងចំនួនប្រជាជនវ័យចំណាស់នៅប្រទេសចិន មិនត្រឹមតែនាំមកនូវបញ្ហាប្រឈមប៉ុណ្ណោះទេ ប៉ុន្តែវាអាចរារាំងដល់ការអភិវឌ្ឍន៍ និងកំណើនសេដ្ឋកិច្ចផងដែរ។
កាលពីថ្ងៃដើមសប្ដាហ៍កន្លងទៅនេះ នាយករដ្ឋមន្ត្រីចិន លោក Li Qiang បានសង្កត់ធ្ងន់ថា កិច្ចខិតខំប្រឹងប្រែងក្នុងការដោះស្រាយបញ្ហាប្រឈមដែលបណ្តាលមកពីចំនួនប្រជាជនវ័យចំណាស់គួរតែត្រូវបានពិចារណានៅក្នុងបរិបទទូលំទូលាយសម្រាប់ការអភិវឌ្ឍន៍សេដ្ឋកិច្ច និងសង្គម។ លោកបានជំរុញឱ្យមន្ត្រីរដ្ឋាភិបាលផ្តល់សេវាកាន់តែល្អប្រសើរ និងការគាំទ្រផ្នែកហិរញ្ញវត្ថុ ដើម្បីធានាបានថាមនុស្សចាស់ទទួលបានការថែទាំឲ្យកាន់តែប្រសើរឡើង។ ដើម្បីដោះស្រាយបញ្ហាទាំងនេះ តម្រូវការថែទាំមនុស្សចាស់ពិការ ចិន ចាំបាច់ត្រូវបង្កើតសេវាថែទាំរយៈពេលវែង បណ្តុះបណ្តាលជំនាញទ្រង់ទ្រាយធំ និងធ្វើឱ្យវិជ្ជាជីវៈទាក់ទងនឹងការថែទាំមនុស្សចាស់កាន់តែមានភាពទាក់ទាញ។ បន្ថែមពីនេះ ដើម្បីពង្រឹងការគាំទ្រផ្នែកហិរញ្ញវត្ថុសម្រាប់មនុស្សចាស់ ប្រព័ន្ធមូលនិធិសោធននិវត្តន៍នៅទូទាំងប្រទេសគួរតែត្រូវបានកែលម្អ។
ចំពោះការផ្តល់ជំនួយសម្រាប់មនុស្សចាស់ដែលកំពុងបន្តការងារ លោកនាយករដ្ឋមន្ត្រីអំពាវនាវឲ្យមានការងារចម្រុះដែលសមរម្យសម្រាប់មនុស្សចាស់ចាំបាច់ត្រូវបង្កើតឡើងថែម និងឱ្យមានការខិតខំប្រឹងប្រែងបន្ថែមទៀតដើម្បីពង្រីកសកម្មភាពសេដ្ឋកិច្ចដែលផ្តល់សេវាកម្មដល់មនុស្សវ័យចំណាស់។ ទិន្នន័យផ្លូវការបានបង្ហាញថា ប្រជាជនចិនដែលមានអាយុចាប់ពី ៦០ ឆ្នាំឡើងទៅបានកើនឡើងដល់ ២៩៧ លាននាក់នៅត្រឹមចុងឆ្នាំ២០២៣ ដែលស្មើនឹង ២១,១ ភាគរយនៃចំនួនប្រជាជនសរុបរបស់ប្រទេស។
យោងតាមការស្រាវជ្រាវរបស់ CFR បានឲ្យដឹងថា កំណើនប្រជាជនវ័យចំណាស់នៅអាស៊ី អឺរ៉ុប និងអាមេរិកខាងជើងបានរារាំងដល់កំណើនសេដ្ឋកិច្ច ដោយសារភាពវ៏យចំណាស់បានកាត់បន្ថយអត្រាចូលរួមនៃកម្លាំងពលកម្ម ដែលជាហេតុធ្វើឱ្យកំណើន GDP ធ្លាក់ចុះ។ ផ្អែកលើការសិក្សាថ្មីៗដែលប្រៀបធៀបពីអត្រាវ័យចំណាស់របស់សហរដ្ឋអាមេរិក និងចិន CFR លើកឡើងថា ភាពវ៏យចំណាស់នឹងមិនគ្រាន់តែកាត់បន្ថយកំណើនសម្រាប់ប្រជាជាតិទាំងពីរនេះទាំងមូលនោះទេ ប៉ុន្តែមូលដ្ឋានគិតសម្រាប់មនុស្សម្នាក់ៗក៏ធ្លាក់ចុះផងដែរ។ មិនត្រឹមតែប៉ុណ្ណោះ អត្រាប្រជាជនវ័យចំណាស់នឹងប៉ះពាល់ដល់ចិនខ្លាំងជាងសហរដ្ឋអាមេរិកទៅទៀត ដោយសារភាពវ័យចំណាស់នឹងកាត់បន្ថយកំណើនផលិតផលក្នុងស្រុកសរុបសម្រាប់មនុស្សម្នាក់នៅសហរដ្ឋអាមេរិក ៦ ភាគរយ ខណៈដែលចិនអាចកាត់បន្ថយច្រើនជាង ១០ ភាគរយ។
លើសពីនេះ ចិនប្រឈមមុខនឹងឧបសគ្គច្រើនជាងសហរដ្ឋអាមេរិកក្នុងការព្យាយាមទប់ស្កាត់ការធ្លាក់ចុះយ៉ាងខ្លាំងនៃកំណើន GDP ដោយសារការជំរុញឱ្យមានកូនតាមរយៈការលើកទឹកចិត្តផ្នែកហិរញ្ញវត្ថុមានតម្លៃថ្លៃ និងពិបាក។ មិនត្រឹមតែប៉ុណ្ណោះ ចិនបានបង្កើនអាយុចូលនិវត្តន៍សម្រាប់ស្ត្រី ៥៥ ឆ្នាំ និងបុរស ៦០ ឆ្នាំ អាចនឹងក្លាយជាបញ្ហាប្រឈមផ្នែកនយោបាយ៕
Account
Security
Favourite Content