សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីសប្តាហ៍កន្លងទៅនេះ កងកម្លាំងយោធាជើងទឹករបស់សហរដ្ឋអាម៉េរិកបានប្រកាសផ្តល់កុងត្រាក្នុងតម្លៃដល់ទៅ ២ ៩០០លានដុល្លារ ទៅឲ្យក្រុមហ៊ុន Pratt & Whitney ដើម្បីអាចចាប់ផ្តើមការផលិតម៉ាស៊ីនយន្តហោះចម្បាំងទំនើបបំផុតរបស់អាម៉េរិក F-35។
ក្រុមហ៊ុនអ្នកផលិត Pratt & Whitney គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន RTX ដែលនឹងត្រូវមានទំនួលខុសត្រូវក្នុងការអភិវឌ្ឍ និងផលិតម៉ាស៊ីនយន្តហោះម៉ូដេល F-35 ប្រមាណជា១៤១គ្រឿងដើម្បីយកទៅប្រើប្រាស់សម្រាប់ការផលិតយន្តហោះចម្បាំង F-35 ហើយតាមផែនការយន្តហោះចម្បាំងទាំងនោះនឹងត្រូវប្រគល់ឲ្យទាំងកងទ័ពអាកាស និងកងទ័ពជើងទឹកអាម៉េរិក ព្រមទាំងអតិថិជនជាប្រទេសដៃគូដែលស្ថិតនៅក្នុងកម្មវិធីសហប្រតិបត្តិការជាមួយនឹង F-35 ផងដែរ។
នៅក្នុងកិច្ចកុងត្រា បើមិនមានអ្វីប្រែប្រួលនោះទេ កងទ័ពជើងទឹកអាម៉េរិករំពឹងថា ក្រុមហ៊ុន Pratt នឹងអាចបញ្ចប់ការផលិតម៉ាស៊ីនយន្តហោះទាំងនោះនៅត្រឹមខែកុម្ភៈ ឆ្នាំ២០២៨។ ក្រោយការប្រកាសកុងត្រានេះភ្លាម បណ្តាទីតាំងផលិតទាំងអស់របស់ក្រុមហ៊ុនដែលស្ថិតនៅរដ្ឋ Connecticut, Indiana, Washington, Maine និងទីតាំងជាច្រើនផ្សេងទៀតនឹងចាប់ផ្តើមការងារផលិតភ្លាម។
គួរឲ្យដឹងដែរថា ក្នុងចំណោមថវិកាជិត៣ពាន់លានដុល្លារនេះ ក្នុងនោះកងម្លាំងទ័ពជើងទឹកអាម៉េរិកនឹងផ្តល់លទ្ធកម្មប្រមាណជា ៦៥៦លានដុល្លារ ខណៈដែលកងទ័ពអាកាសផ្តល់ប្រមាណជា ៦១៤លានដុល្លារ។បន្ថែមពីនោះ អតិថិជនដែលជាប្រទេសដទៃផ្សេងទៀត នឹងផ្តល់សរុប ៥១៣លានដុល្លារ ព្រមទាំងប្រទេសជាដៃគូចូលរួមកម្មវិធីនានាសរុបប្រមាណជា ២២៨លានដុល្លារ៕
Account
Security
Favourite Content