សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា អាម៉េរិក បានព្រមានសហភាពអឺរ៉ុបចំពោះការផាកពិន័យលើក្រុមហ៊ុន Apple និង Meta Platforms សរុបជិត ៨០០ លានដុល្លារ ហើយខ្លួននឹងមិនអត់ឱនជាដាច់ខាត។
កាលពីថ្ងៃពុធ សប្ដាហ៍នេះ សហភាពអឺរ៉ុបបានពិន័យក្រុមហ៊ុន Apple ជាទឺកប្រាក់ចំនួន ៥០០ លានអឺរ៉ូ (៥៧០ លានដុល្លារ) និង Meta ២០០ លានអឺរ៉ូ (២២៦ លានដុល្លារ) ពាក់ព័ន្ធនឹងករណីរំលោភលើកាតព្វកិច្ចក្រោមច្បាប់ទីផ្សារឌីជីថលរបស់សហភាពអឺរ៉ុប (DMA)។ Apple ត្រូវបានផាកពិន័យបន្ទាប់ពីគណៈកម្មការសហភាពអឺរ៉ុបសន្និដ្ឋានថា ក្រុមហ៊ុននេះបានរារាំងអ្នកអភិវឌ្ឍន៍កម្មវិធីពីការលក់កម្មវិធីរបស់ពួកគេក្រៅពី App Store ។
លើសពីនេះ សហភាពអឺរ៉ុបបានផាកពិន័យលើ Meta ពាក់ព៍ន្ធនឹងករណីដែលវេទិកាមួយនេះតម្រូវឲ្យអ្នកប្រើប្រាស់បង់សម្រាប់ភាពឯកជន ដែលមានន័យថា អ្នកប្រើប្រាស់ត្រូវបង់ប្រាក់ ដើម្បីចៀសវាងការប្រមូលទិន្នន័យ ឬការយល់ព្រមចែករំលែកទិន្នន័យរបស់ពួកគេជាមួយវេទិកាដែលគ្រប់គ្រងដោយ Meta មានដូចជា Facebook និង Instagram ជាដើម។ គណៈកម្មការសហភាពអឺរ៉ុប សន្និដ្ឋានថា Meta មិនបានផ្តល់ឱ្យអ្នកប្រើប្រាស់ Facebook និង Instagram នូវការបញ្ចេញលក្ខណៈឯកជនភាពក្នុងបរិមាណតិចនោះទេ។ ការផាកពិន័យនេះបានធ្វើឡើងបន្ទាប់ពីមានការស៊ើបអង្កេតរយៈពេលមួយឆ្នាំដោយគណៈកម្មការអឺរ៉ុប ដើម្បីវាយតម្លៃថា តើក្រុមហ៊ុនទាំងនោះគោរពតាមច្បាប់ DMA ដែលអនុញ្ញាតឱ្យគូប្រជែងតូចៗចូលទៅក្នុងទីផ្សារដែលគ្រប់គ្រងដោយក្រុមហ៊ុនធំៗបាន ដែរឬទេ?
ទន្ទឹមនឹងនេះ ការផាកពិន័យនេះត្រូវបានគេមើលឃើញថាជាសកម្មភាពដែលអាចបង្កភាពតានតឹងរវាងសហភាពអឺរ៉ុប និងប្រធានាធិបតីអាម៉េរិក លោក Donald Trump ដែលគំរាមយកពន្ធលើប្រទេសដែលដាក់ទណ្ឌកម្មលើក្រុមហ៊ុនអាម៉េរិក។ កាលពីថ្ងៃពុធ សេតវិមានអាម៉េរិកបានឆ្លើយតបមកវិញ និងហៅច្បាប់ទីផ្សារឌីជីថល (DMA) នេះថា ជាការរើសអើង។ អ្នកនាំពាក្យសេតវិមានបានលើកឡើងថា សកម្មភាពនេះ គឺជាទម្រង់នៃការជំរិតគំរាមផ្នែកសេដ្ឋកិច្ច ហើយអាម៉េរិកនឹងមិនអត់ឱននោះទេ។ បទបញ្ញត្តិក្រៅទឹកដីដែលកំណត់គោលដៅជាពិសេស, ការរធ្វើឱ្យក្រុមហ៊ុនអាម៉េរិកខូចខាត, ការរារាំងការបង្កើតថ្មី និងការអនុញ្ញាតឱ្យមានការចាប់ពិរុទ្ធត្រូវបានទទួលស្គាល់ថាជារនាំងឧបសគ្គពាណិជ្ជកម្ម និងការគំរាមកំហែងដោយផ្ទាល់ដល់សង្គមស៊ីវិលសេរី៕
Account
Security
Favourite Content