សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ មជ្ឈមណ្ឌលបណ្តុះធុរកិច្ចថ្មី “តេជោ” (ម.ធ.ត.) នាថ្ងៃទី២៦ ខែវិច្ឆិកា ឆ្នាំ២០២៤, បានរៀបចំ «ថ្ងៃបទបង្ហាញសាធារណៈ» នៃកម្មវិធីនវានុវត្តន៍បញ្ច្រាសរដូវកាលទី ៤ ក្រោមអធិបតីភាព ឯកឧត្តមបណ្ឌិត តាំង ចួនលី នាយកប្រតិបត្តិនៃមជ្ឈមណ្ឌលបណ្តុះធុរកិច្ចថ្មី “តេជោ” និងមានការចូលរួមពីសំណាក់ លោក Pell Remisisophon ដែលជាសមាជិកក្រុមប្រឹក្សានៃសមាគមធនាគារនៅកម្ពុជា, កញ្ញា ហ៊ុន ស្រីណាង ដែលជាអ្នកជំនាញប្រព័ន្ធអេកូឡូស៊ីសហគ្រិនភាពនៃសហគ្រិនខ្មែរ, លោក ទ្រី ខេងលេង ដែលជានាយកគ្រប់គ្រងបង្កើតថ្មីនៃធនាគារ វីង និងតំណាងដៃគូពាក់ព័ន្ធ ព្រមទាំងភ្ញៀវកិត្តិយស ជាច្រើនរូបទៀតផងដែរ។
ក្រោយពីការសម្រាំងជាច្រើនដំណាក់កាល មានតែធុរកិច្ចថ្មីចំនួន ៧ ក្រុមប៉ុណ្ណោះដែលបានឈានចូលដល់ «ថ្ងៃបទបង្ហាញសាធារណៈ» ជាវគ្គផ្តាច់ព្រ័ត្រនៃកម្មវិធីនវានុវត្តន៍បញ្ច្រាសរដូវកាលទី ៤ និងបានធ្វើបទបង្ហាញអំពីគំនិតអាជីវកម្មខ្លួនទៅកាន់គណៈកម្មការដើម្បីដណ្តើមយកជ័យលាភី ដោយក្នុងនោះរួមមាន ៖ Snaprec, Krubkrong, MyLekha, JayTech, Quanta, PlantItAll, និង Cassandra ។
ទុនវិនិយោគដែលមិនយកភាគហ៊ុន (Equity-free Investments) សរុបចំនួន ១២៨ លានរៀល ត្រូវបានប្រើប្រាស់ដើម្បីផ្តល់ជូនដល់ធុរកិច្ចថ្មីឆ្នើមទាំង ៥ ក្រុម ហើយនាមជា Top performance ជាមួយនឹងទឹកប្រាក់ចំនួន ៤០ លានរៀលទៅកាន់ Mylekha, នាមជា Special mention ជាមួយនឹងទឹកប្រាក់ចំនួន ២៨ លានរៀលទៅកាន់ Krubkrong និង នាមជាTop finalists ជាមួយនឹងទឹកប្រាក់ចំនួន ២០ លានរៀលក្នុងមួយក្រុមទៅកាន់ Snaprec, Jaytech និង Quanta។
ឯកឧត្តមបណ្ឌិត តាំង ចួនលី នាយកប្រតិបត្តិនៃមជ្ឈមណ្ឌលបណ្តុះធុរកិច្ចថ្មី “តេជោ” បានថ្លែងថា៖
«កម្មវិធីនវានុវត្តន៍បញ្ច្រាសរដូវកាលទី ៤ គឺជាកម្មវិធីពន្លឿនអាជីវកម្មមួយដែលរៀចំឡើងដោយផ្តោតលើប្រធានបទបច្ចេកវិទ្យាហិរញ្ញវត្ថុជាចំបង ដោយក្នុងនោះស្ថាប័នធំៗ ឬអ្នកដឹកនាំនៃឧស្សាហកម្មបានធ្វើការចែករំលែកអំពីបញ្ហាប្រឈមរបស់ខ្លួនដើម្បីឱ្យធុរកិច្ចថ្មីស្វែងរក និងអភិវឌ្ឍនូវសេវាកម្ម ឬផលិតផលណាមួយដែលអាចក្លាយជាដំណោះស្រាយសម្រាប់បញ្ហាប្រឈមទាំងនោះ»។
គួរបញ្ជាក់ផងដែរថា កម្មវិធីនវានុវត្តន៍បញ្ច្រាសរដូវកាលទី ៤ ត្រូវបានរៀបចំដោយ ក្រសួងសេដ្ឋកិច្ច និងហិរញ្ញវត្ថុ រួមជាមួយមជ្ឈមណ្ឌលបណ្តុះធុរកិច្ចថ្មី “តេជោ”, ដោយមានកិច្ចសហការរៀបចំកម្មវិធីដោយ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងសហគ្រិនខ្មែរផងដែរ ៕
Account
Security
Favourite Content