សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មួយសប្ដាហ៍ថ្ងៃក្រោយការដាក់ឲ្យមានដំណើរការផ្សាររដ្ឋទាំងអស់នៅក្នុងរាជធានីភ្នំពេញឡើងវិញ អាជីវករលក់ដូរទាំងនៅក្នុងផ្សារមានរបៀបរៀបរយ (ផ្សាររដ្ឋ) និងផ្សារមិនមានរបៀបរៀបរយ (ការលក់តាមដងផ្លូវ) នៅតែបង្ហាញការព្រួយបារម្ភចំពោះការប្រកបរបររកស៊ីរបស់ខ្លួន ថ្វីបើស្ថានភាពនៃជំងឺកូវីដ-19 នៅក្នុងទីក្រុងភ្នំពេញនៅមិនទាន់ស្ងប់ស្ងាត់នៅឡើយ។ ដោយឡែក ប្រាក់ចំណូលនៅតែជារឿង សំខាន់ដែលជាកត្តាជំរុញឲ្យពួកគាត់ដំណើរការលក់ដូរឡើងវិញជាមួយនឹងការប្រុងប្រយ័ត្ន។
អ្នកស្រី ឡេង លាងមាន ដែលជាអ្នកលក់សាច់ជ្រូកនៅផ្សារទួលទំពូងដែលកំពុងតែមមាញឹកនឹងការលក់បណ្ដើរបានមានប្រសាសន៍បណ្ដើរថា៖
«ព្រឹកឡើងញុំាអីឲ្យហើយ បិទម៉ាស់ជាប់រហូត រហូតដល់ម៉ោងហូបបាយទើបបើកវិញ ហើយបន្តបិទទៀតរហូតដល់ល្ងាច។ ពេលយើងទទួល លុយពីភ្ញៀវក៏លាងដៃ និយាយទៅមួយថ្ងៃប្រើអាល់កុលអស់កន្លះលីត្រ»
អ្នកស្រីមានប្រសាសន៍បញ្ជាក់ឲ្យដឹងថា ការធ្វើបែបនេះ ក៏ព្រោះតែការលក់របស់អ្នកស្រីហាក់មានការកើនឡើងវិញ ទោះបីជាផ្សារនៅមានភាពស្ងាត់ក៏ដោយ អ្នកស្រីនៅតែមានការកម្មង់តាមទូរស័ព្ទពីម៉ូយរបស់ខ្លួន ស្ទើរតែពេញមួយថ្ងៃ។
ទន្ទឹមនឹងនេះ លោក កែប ឥស្សរា អនុប្រធានផ្សារទួលទំពូងបានមានប្រសាសន៍ថា៖
«ខាងគណៈកម្មការផ្សារបានចុះអប់រំ ផ្សព្វផ្សាយជាប្រចាំដល់អតិថិជន និងអាជីវករ ជាការដាស់តឿនឲ្យពួកគេប្រកាន់ខ្ជាប់នូវវិធានការពារ ពាក់ម៉ាស់ និងលាងសម្អាតដៃជាមួយអាល់កុលជាប្រចាំ ព្រមទាំងរក្សា គម្លាតរវាងអ្នកទិញ និងអ្នកលក់ឲ្យបានល្អ»
ដោយឡែក កញ្ញា ម៉ី ដែលជាអាជីវករលក់បន្លែនៅតំបន់ផ្សារមិនរៀបរយ(លក់តាមផ្លូវ)នៅក្នុងសង្កាត់បឹងព្រលឹតនៃរាជធានីភ្នំពេញបានថ្លែងប្រាប់ AMSថា៖
កញ្ញាបន្តថា ដោយសារតែបញ្ហាបាត់បង់ប្រាក់ចំណូលទាំងស្រុងរបស់កញ្ញាមួយរយៈពេលនៃការបិទខ្ទប់មកនេះ ទើបកញ្ញាត្រូវចេញទៅលក់ដូរទាំងប្រថុយប្រថាន។
«ការលក់ដូរគឺត្រូវប្រឈមនឹងបញ្ហាឆ្លងផង និងពេលខ្លះត្រូវសន្ដិសុខ និងអាជ្ញាធរដេញម្ដងម្កាលដែរ ព្រោះអាជ្ញាធរមិនទាន់អនុញ្ញាតឲ្យបើក លក់ឡើងវិញនៅឡើយ»
គួរបញ្ជាក់ថា កាលពីថ្ងៃទី20 ខែឧសភា ឆ្នាំ2021កន្លងទៅលោក ឃួង ស្រេង អភិបាលរាជធានីភ្នំពេញ បានចេញសេចក្ដីសម្រេចមួយ ដោយអនុញ្ញាតឲ្យផ្សាររដ្ឋទាំងអស់នៅទូទាំងរាជធានីភ្នំពេញបើកដំណើរការឡើងវិញចាប់ពីថ្ងៃទី24 ខែឧសភាកន្លងទៅនេះ ប៉ុន្តែនឹងលើកលែងចំពោះផ្សារមិនរៀបរយមួយចំនួនដែលលក់នៅតាមដងផ្លូវ ផ្សារនៅតាមរោងចក្រ ផ្សារសហគមន៍ជាដើម ដោយហេតុផ្សារ ទាំងនេះមិនមានការគ្រប់គ្រងច្បាស់លាស់ ដែលអាចនឹងពិបាកក្នុងការទប់ស្កាត់ការឆ្លងរាលដាល នៃជំងឺកូវីដ-19៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content