សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅក្នុងឆ្នាំ២០២៤ កំពង់ផែស្វយ័តក្រុងព្រះសីហនុ សម្រេចបានការដឹកជញ្ជូនទំនិញឆ្លងកាត់ផែ (នាំចូល និងនាំចេញ) មានចំនួន សរុប ៩,៦០លានតោន និងទទួលបានចំណូលសរុបប្រមាណ ១១០,៣៨ លានដុល្លារអាម៉េរិក កើនឡើង ២៤,១២% ធៀបនឹងឆ្នាំ២០២៣ ដែលមានចំនួន ៨៨,៩៤លានដុល្លារអាម៉េរិក។ នេះបើតាមរបាយការណ៍ ដែលបង្ហាញក្នុងសន្និបាតបូកសរុបការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងសាធារណការ និងដឹកជញ្ជូននៅថ្ងៃទី២២ ខែមករា ឆ្នាំ២០២៥។
ចំណែកកំពង់ផែស្វយ័តភ្នំពេញ សម្រេចបានការដឹកជញ្ជូនទំនិញឆ្លងកាត់ផែ (នាំចូល និងនាំចេញ) មានចំនួនសរុប ៤,៥១លានតោន និងទទួលបានចំណូលសរុបប្រមាណ ៤៣,៤៥លានដុល្លារអាម៉េរិក កើនឡើង ១៦,៦០% ធៀបនឹងឆ្នាំ២០២៣ ដែលមានចំនួន ៣៧,២៧ លានដុល្លារ អាម៉េរិក។
របាយការណ៍ដដែលនេះឱ្យដឹងផងដែរថា៖ ក្នុងឆ្នាំ២០២៤ ក្រសួងសាធារណការបានផ្តល់សេវាចុះបញ្ជី ១)នាវាផ្លូវទឹក ចំនួន ២៦គ្រឿង និង ២)នាវាផ្លូវសមុទ្រចំនួន ១០គ្រឿង ក្នុងនោះ ទទួលបានចំណូលសរុបពីការផ្តល់សេវាដឹកជញ្ជូនតាមផ្លូវទឹក ផ្លូវ សមុទ្រ និងកំពង់ផែ ចំនួន ២ ២៨១ លានរៀល កើនឡើង ៣,៨៧% ធៀបនឹងឆ្នាំ២០២៣ ដែលមានចំនួន ២ ១៩៦លានរៀល។
ឧកញ៉ា សុិន ចន្ធី អគ្គនាយកក្រុមហ៊ុន ឡាញហល អេចប្រេស ខេមបូឌា និងជាសមាជិកទីប្រឹក្សានៃសភាពាណិជ្ជកម្មកម្ពុជា បានប្រាប់ AMS Economy នារសៀលថ្ងៃទី២៣ ខែមករា ឆ្នាំ២០២៥ ថា ៖ ការដឹកជញ្ជូនទំនិញឆ្លងកាត់ផែទាំងពីរមានការកើនឡើងមិនតិចជា២០ភាគរយទេ ហើយចំណូលក៏មានការកើនឡើងផងដែរ ដែលនេះជាទឡ្ហីករណ៍មួយបង្ហាញពីការកើនឡើងវិស័យដឹកជញ្ជូន ភស្តុភារកម្ម ទាំងផ្លូវទឹក និងផ្លូវគោក។
លោកឧកញ៉ា បានបញ្ជាក់ថា៖
«ពិភពលោកមានបញ្ហាក៏ពិតមែន តែការនាំចេញផលិតផលជាច្រើនរបស់កម្ពុជា ដូចជា កសិកម្ម កាត់ដេរ វាយណភណ្ឌ កាបូប ស្បែកជើង គ្រឿងអេឡិចត្រូនិក គឺនៅតែមានការកើនឡើង»។
Account
Security
Favourite Content