សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ថិតក្រោមស្តង់ពិព័រណ៌ភូមិមួយផលិតផលមួយ អាជីវករទាំង ១០០ស្តង់កំពុងត្រៀមខ្លួនរួចជាស្រេចដើម្បីដាក់តាំងបង្ហាញផលិតផលរបស់ខ្លួននៅផ្សារទំនើបម៉ាក្រូ ផ្លូវជាតិលេខ៦ នៅថ្ងៃទី ១៧-១៩ ខែវិច្ឆិកា ឆ្នាំ២០២៣ ដើម្បីចូលរួមអបអរសាទរក្នុងឱកាសពិធីបុណ្យអុំទូក អកអំបុក បណ្ដែតប្រទីប និងសំពះព្រះខែនាពេលខាងមុខនេះ។
លោក ឈរ រិទ្ធី ជានាយកប្រតិបត្តិរបស់កសិដ្ឋានផលិតផលទឹកដោះ គិរីសួគ៌ ដែលនឹងចូលរួមក្នុងកម្មវិធីតាំងពិព័ណ៌ខាងលើនេះ បានប្រាប់ AMS ឱ្យដឹងថា៖
« សម្រាប់កម្មវិធីនេះ យើងបានរៀបចំខ្លួនរួចរាល់ហើយមិនថា ធនធានមនុស្ស ស្តុកផលិតផល និងសម្ភារផ្សេងៗដើម្បីត្រៀមណែនាំផលិតផលរបស់យើងក៏ដូចជាផ្ដល់ព័ត៌មានដល់អតិថិជនដែលនឹងចូលរួម។ បង្ហាញនេះ មានសារសំខាន់ណាស់ ព្រោះយើងដឹងហើយថាផលិតផលមួយចំនួនដែលលក់នៅតាមទីផ្សារ អតិថិជនបានត្រឹមតែឃើញ បានត្រឹមតែឮ មិនស្មើនឹងការភ្លក្សទេ ដូច្នេះដើម្បីកសាងទំនុកចិត្ត បង្ហាញភាពស្មោះត្រង់ដល់អតិថិជន យើងឱ្យគាត់បានភ្លក្ស បានប៉ះនូវផលិតផលរបស់យើង។»។
លោកបានបញ្ជាក់ទៀតថា ៖
«សម្រាប់ផលិតផលដែលយើងនឹងដាក់តាំងផលិតផលទាំងអស់ប្រមាណ ១៥មុខ រួមមានទឹកដោះគោ និងយ៉ាអួដែលមានរសជាតិ និងចំណុះផ្សេងៗគ្នាដើម្បីឱ្យបងប្អូនយើងបានឃើញ និងតេស្តដោយផ្ទាល់នូវទឹកដោះផលិតក្នុងស្រុក ហើយមានគុណភាព ស្តង់ដារ មិនចាញ់ផលិតផលនាំចូលនោះទេ។ តាមរយៈកម្មវិធីនេះ ខ្ញុំមានក្ដីរំពឹងទុកថា ផលិតផរបស់យើងនឹងទទួលបាននូវការទទួលស្គាល់ ក៏ដូចជាការទុកចិត្តបន្ថែមទៀតពីសំណាក់អ្នកចូលចិត្តទទួលទានទឹកដោះគោទាំងឡាយ ដែលគាត់អាចសាកសួរនូវរាល់ចម្ងល់មកកាន់ក្រុមយើងបាន»។
ស្រដៀងគ្នានេះដែរ លោក សន ស៊ីនិត ជាម្ចាស់អាជីវកម្មស្រាលម៉ើ SDF ក៏បានរៀបរាប់ពីការត្រៀមខ្លួនដែរថា ៖
«សម្រាប់កម្មវិធីថ្ងៃ១៧-១៩ នេះយើងបានរៀបចំខ្លួនរួចរាល់ហើយក្នុងការនាំយកនូវផលិតផលស្រាលម៉ើរបស់យើងទៅដាក់បង្ហាញឱ្យបងប្អូនយើងបានឃើញ បានភ្លក្ស និងមានការរៀបចំវេចខ្ចប់ឱ្យបានប្រសើរ និងកាន់តែទាក់ទាញជាងមុន»។
ចុងក្រោយ ម្ចាស់អាជីវកម្មខាងលើតំណាងឱ្យម្ចាស់អាជីវកម្មក្នុងស្រុកផ្សេងទៀតក៏រំពឹងទុកថា តាមរយៈការតាំពិព័ណ៌ផលិតផលខ្មែរទាំងអស់នេះនឹងទទួលបានការគាំទ្រច្រើន ហើយអតិថិជនទូទៅនឹងបានដឹង និងបានស្គាល់ថាខ្មែរមានផលិតផលអ្វីខ្លះ និងបន្តការគាំទ្រលើផលិតផលជាតិដើម្បីលើកទឹកចិត្តដល់ផលិតករ សិប្បករក្នុងស្រុក ក៏ដូចជាលើកកម្ពស់សេដ្ឋកិច្ចជាតិទាំងមូល៕
Account
Security
Favourite Content