សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ចំណូលពីការលក់សំបុត្រចូលទស្សនារមណីយដ្ឋានអង្គរក្នុងរយៈពេល២ខែដើមឆ្នាំ២០២៤ សរុបមានចំនួនជាង១១លានដុល្លារអាម៉េរិក ។ ចំនួននេះកើនឡើងជាង៥២ភាគរយធៀបនឹងរយៈពេលដូចគ្នាឆ្នាំ២០២៣។ នេះបើតាមសេចក្ដីប្រកាសព័ត៌មានរបស់គ្រឹះស្ថានអង្គរចេញផ្សាយនៅដើមខែមីនា។
សេចក្ដីប្រកាសព័ត៌មានរបស់គ្រឹះស្ថានអង្គរបានបង្ហាញថា ក្នុងខែកុម្ភៈ ទេសចរបរទេសសរុប ១២០,៣១៨នាក់ បានទិញសំបុត្រចូលទស្សនារមណីយដ្ឋានអង្គរ ដោយគិតជាទឹកប្រាក់ស្មើនឹង ៥,៧៣៦, ៦២១ ដុល្លារ។ តួលេខសរុប២ខែដើមឆ្នាំ ការលក់សំបុត្រដល់ទេសចរនេះមានចំនួន ២៣៥,៨៥០នាក់ គិតជាទឹកប្រាក់ស្មើនឹង ១១,២៣៤,៦៧៥ដុល្លារ។
យោងតាមគ្រឹះស្ថានអង្គរ ការលក់សំបុត្រនៅកំពង់ផែចុងឃ្នៀស បឹងទន្លេសាប ក្នុង២ខែដើមឆ្នាំនេះ មានចំនួនជាង២០ម៉ឺនដុល្លារអាមេរិក។ចំណែកចំណូលពីការលក់បណ្ណនៅប្រាសាទកោះកែររយៈពេល២ខែទទួលបាន៨៦៩៤០ដុល្លារពីទេសចរ៥៧៩៦នាក់។
គួររំលឹកថា៖ក្នុងរយៈពេល១២ខែ ឆ្នាំ២០២៣ មានភ្ញៀវទេសចរបរទេសចំនួន ៧៩៨ ០៦៩នាក់ បានទិញបណ្ណ ចូលទស្សនារមណីយដ្ឋានអង្គរ ដោយទទួលបានចំណូលចំនួន ៣៧ ១៩៨ ៩៨៨ដុល្លារ ៕
Account
Security
Favourite Content