សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ទាយមានជ័យ ៖ ការចិញ្ចឹមសត្វពពែដើម្បីសាច់នាពេលបច្ចុប្បន្នត្រូវបានគេមើលឃើញថា ហាក់មានភាពទូលំទូលាយមិនចាញ់ការចិញ្ចឹកសត្វគោ ក្របី នោះទេ ប៉ុន្តែសម្រាប់តម្រូវការទីផ្សារនៅតែមាន ហើយទទួលបានតម្លៃថ្លៃគួរសម ជាពិសេសតម្រូវការនៅតាមបណ្តាហាង ភោជនីយដ្ឋាននានា ទាំងនៅក្នុងរាជធានីភ្នំពេញ ក៏ដូចជានៅតាមបណ្តាខេត្តទូទាំងប្រទេស។
លោក កាំង លីហៃ វ័យ ៤១ឆ្នាំ ជាម្ចាស់កសិដ្ឋានចិញ្ចឹមសត្វពពែយកសាច់មួយកន្លែងនៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានមានប្រសាសន៍ឱ្យដឹងថា ថ្វីត្បិតថា ទីផ្សាររបស់សាច់ពពែមិនមានភាពទូលំទូលាយដូចតម្រូវការសាច់គោ សាច់ជ្រូក និងសាច់មាន់ក៏ដោយ ប៉ុន្តែវានៅតែទីផ្សារ ជាពិសេសមានតម្លៃថ្លៃគួរសម ដែលអាចផ្តល់ផលចំណេញដល់អ្នកចិញ្ចឹម ក៏ដូចជាអាជីវករដែលទទួលយកទៅលក់បន្តដែរ។
លោកបន្តថា ៖
“បច្ចុប្បន្នកសិដ្ឋានរបស់យើងមានពពែចំនួន ៤៥ក្បាល ហើយយើងមានដាំស្មៅប្រភេទឃីងក្រាស់ និងរុក្ខជាតិពណ៌បៃតងដទៃទៀតផងដែរ ហើយចំពោះតម្លៃនៅលើទីផ្សារយើងអាចទទួលបានតម្លៃ ៣៦ ០០០រៀលក្នុងមួយគីឡូក្រាម។”
លោកបន្តថា ៖
“សម្រាប់ការចិញ្ចឹមពពែ យើងចិញ្ចឹមពាក់កណ្តាលកសិដ្ឋាន ដោយព្រលែងឱ្យវាស៊ីស្មៅក្នុងរបង និងកាត់ស្មៅឲ្យស៊ីបន្ថែម។ ការចិញ្ចឹមនេះទៀតសោត យើងត្រូវផ្តោតលើកត្តាពូជ ចំណី និងទ្រុង ដែលមេពពែអាចផ្តល់កូន១ឆ្នាំ ២ដង ហើយម្ដង អាចបានកូនមួយ ឬ ពីរក្បាល ពេលខ្លះក៏អាចបាន ៣ក្បាលផងដែរ។”
គួរបញ្ជាក់ដែរថា លោក កាំង លីហៃ បានចាប់ផ្តើមចិញ្ចឹមពពែក្នុងឆ្នាំ២០២១ បន្ទាប់ពីបានដួលរលំ និងខាតទុនជាច្រើនពីការចិញ្ចឹមមាន់ ទា និងសត្វក្រួច ហើយមូលហេតុចម្បង ដែលលោកសម្រេចចិត្តចិញ្ចឹមពពែដោយសារ សត្វពពែស៊ីស្មៅ និងរុក្ខជាតិជុំវិញផ្ទះជាអាហារ ដោយមិនចំណាយថ្លៃដើមទិញចំណីច្រើននោះទេ។ ចំណែកការចាប់ផ្ដើមនេះ ម្ចាស់កសិដ្ឋានខាងលើបានចំណាយដើមទុនប្រមាណ ៦០០ដុល្លារ សម្រាប់ទិញមេ និងបាពពែ ចំនួន៦ក្បាល (បា១ មេ៥) ដាក់ចិញ្ចឹមក្នុងទ្រុងដែលកែច្នៃចេញពីទ្រុងមាន់។
ចុងក្រោយ លោក លីហៃ ក៏សូមថ្លែងអំណរគុណដល់អតិថិជនដែលតែងតែគាំទ្រសាច់ពពែក្នុងស្រុកមិនថាអតិថិជនអនឡាញ ឬតាមហាងនោះទេ ហើយលោកក៏មានគម្រោងចង់ពង្រីកការចិញ្ចឹមពពែឱ្យបាន ២០០ក្បាល ដើម្បីផ្គត់ផ្គង់ទីផ្សារឱ្យកាន់តែទូលំទូលាយ៕
Account
Security
Favourite Content