សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យខុនដូនៅកម្ពុជានៅតែទទួលរងផលប៉ះពាល់ដោយសារវិបត្តិកូវីដ១៩ ខណៈគម្រោងខុនដូមួយចំនួនបានប្រកាសពន្យាពេលការសាងសង់ ដោយបញ្ចប់យឺតជាងការគ្រោងទុករបស់ខ្លួន ដោយសារការអូសបន្លាយពេលនៃវិបត្តិជំងឺរាតត្បាយក៏កាចសាហាវមួយនេះ។
យោងតាមរបាយការណ៍របស់ក្រុមហ៊ុន CBRE Cambodia បានបញ្ជាក់ថា អំឡុងត្រីមាសទី ៣ ឆ្នាំ២០២១ គម្រោងចំនួន ៤ ក្នុងចំណោមគម្រោងចំនួន ៦ ត្រូវពន្យាពេលបញ្ចប់ការសាងសង់រហូតដល់ឆ្នាំក្រោយ ដែលបង្ហាញថាមានការយឺតជាងការរំពឹងទុក។
របាយការណ៍បានឱ្យដឹងទៀតថា គម្រោងខុនដូធំៗចំនួន ២ ដែលបានបញ្ចប់ការសាងសង់គម្រោង The Peak និងគម្រោង The Gateway បានបន្ថែមផ្គង់ផ្គង់យូនីតខុនដូចំនួន ១ ៥៨៦ យូនីតទៅក្នុងទីផ្សារខុនដូលំដាប់ប្រណីត។ ជាលទ្ធផលការផ្គត់ផ្គង់សរុបបានកើនឡើង ៥,៦% ធៀបនឹងត្រីមាសទី ២ ឆ្នាំ ២០២១។
អ្នកជំនាញផ្នែកលំនៅដ្ឋានរបស់ក្រុមហ៊ុន CBRE លោក David Pen បានថ្លែងថា ការរំខានដល់ខ្សែសង្វាក់ផ្គត់ផ្គង់ក្នុងតំបន់បានបង្កឱ្យមានការពន្យារពេលសាងសង់គម្រោងខុនដូនឹងប្រឈមមុខនឹងការពន្យារពេល។
លោកបានថ្លែងបន្តថា ៖
«បើនិយាយពីផលប៉ះពាល់នាពេលបច្ចុប្បន្នលើទីផ្សារជួលខុនដូវិញ ការពន្យារពេលសាងសង់ទាំងនេះនឹងអាចផ្តល់ពេលវេលាច្រើនសម្រាប់ការងើបឡើងវិញនៃតម្រូវការជួល»
ជាមួយគ្នានេះដែរ យោងតាមរបាយការណ៍ត្រីមាសទី ៣ ឆ្នាំ ២០២១ របស់ក្រុមហ៊ុន CBRE Cambodia បានឱ្យដឹងថា តម្លៃខុនដូបានបន្តធ្លាក់ចុះចន្លោះពី ១,៣% ទៅ ៣% ក្នុងត្រីមាសទី ៣ នេះ ។
នៅក្នុងត្រីមាសទី ៣ នេះ តម្លៃខុនដូកម្រិតមធ្យមបន្តធ្លាក់ចុះយ៉ាងខ្លាំងដោយតម្លៃជាមធ្យម ២ ០៥០ ដុល្លារ ក្នុងមួយម៉ែត្រការ៉េ។ ការធ្លាក់ចុះតម្លៃខុនដូកម្រិតមធ្យមនេះ គឺដោយសារការប្រកួតប្រជែងកាន់តែខ្លាំងជាងមុននៅក្នុងផ្នែកនេះ។ ប៉ុន្តែតម្លៃគម្រោងលំដាប់ប្រណីតគឺនៅតែរក្សាបានតម្លៃខ្ពស់ ក្នុងកំឡុងពេលត្រីមាសទី ៣ នេះ ប៉ុន្តែនៅតែមានផលប៉ះពាល់ដោយសារលក្ខខណ្ឌនៃការលក់ជាទូទៅ។ ចំណែកឯទាក់ទងនឹងការជួលវិញ ទាំងអត្រាជួលខុនដូលំដាប់ប្រណីត និងកម្រិតមធ្យមបានធ្លាក់ចុះ ៧៨% ខណៈខុនដូមានតម្លៃសមរម្យធ្លាក់ចុះ ៥៦% ក្នុងត្រីមាសទី ៣ បើធៀបនឹងត្រីមាសទី ២ ឆ្នាំ ២០២១។ សកម្មភាពជួលខុនដូបានកើនឡើងវិញបន្តិចនៅចុងត្រីមាសដែលជំរុញដោយការបើកសាលារៀនឡើងវិញ ប៉ុន្តែវាមិនគ្រប់គ្រាន់ក្នុងការជួយការជួលឱ្យងើបឡើងវិញបានពេញលេញនោះទេ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
កម្មវិធី «Race Across the World» ជ្រើសរើសកម្ពុជា បង្ហាញសម្រស់ និងបេតិកភណ្ឌទៅកាន់ពិភពលោក
Account
Security
Favourite Content