សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅក្នុងរយៈពេល5ខែដើមឆ្នាំ2021កន្លងទៅនេះ កម្ពុជាបានធ្វើការនាំចេញអង្ករបានចំនួន 233,031តោន ថយចុះចំនួន 123,066 តោន ឬស្មើនឹង -34.56ភាគរយ បើធៀបនឹងបរិមាណនាំចេញក្នុងរយៈពេលដូចគ្នាកាលពីឆ្នាំ2020កន្លងទៅ ដែលមានចំនួន 356,097 តោន។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។
នៅក្នុងរបាយការណ៍ដដែលបានបញ្ជាក់ថា ការនាំចេញអង្ករកម្ពុជាក្នុងខែឧសភា ឆ្នាំ2021 មានចំនួន 40,536 តោន ថយចុះចំនួន 15,309 តោនស្មើនឹង -27.41ភាគរយ បើធៀបនឹងខែឧសភា កាលពីឆ្នាំ2020 ដែលមានចំនួន 55,845 តោន ខណៈដែលការនាំអង្ករចេញសរុបមានការថយចុះចំនួន 34.56ភាគរយ។
សហព័ន្ធស្រូវអង្ករកម្ពុជាបានបញ្ជាក់ថា ការធ្លាក់ចុះនៃចំនួននាំអង្ករចេញខាងលើនេះគឺបណ្តាលមកពីកត្តាកង្វះកុងតឺន័រដឹកជញ្ជូនអង្ករទៅកាន់ទីផ្សារអន្តរជាតិ ខណៈការបញ្ជាទិញនៅតែមានតម្រូវការខ្ពស់ ពិសេសប្រទេសចិនបន្តការបញ្ជាទិញអង្ករពីកម្ពុជាដដែល ។
ប្រធានសហព័ន្ធស្រូវអង្ករកម្ពុជាលោកឧកញ៉ា សុង សារ៉ន បានឱ្យដឹងថា ក្នុងរយៈពេល 5 ខែឆ្នាំ 2021នេះ ការនាំចេញអង្ករមានការធ្លាក់ចុះជាង 30 ភាគរយ ដោយសារជួបវិបត្តិនៃការដឹកជញ្ជូនដោយកង្វះកុងតឺន័រដឹកជញ្ជូនអង្ករបានកើតឡើងជាបន្តបន្ទាប់ និងតម្លៃដឹកជញ្ជូនតាមផ្លូវសមុទ្រនៅបន្តកើនឡើងខ្ពស់រហូតដល់គុណនឹង 5ដង នៃតម្លៃដឹកជញ្ជូនឆ្នាំ2019 ក្រោយពីផ្ទុះឡើងនូវកូវីដ-19 ។
“បញ្ហាកង្វះកុងតឺន័រ ហើយបញ្ហានេះ បានប៉ះពាល់ដល់ទីផ្សារអង្ករនៅកម្ពុជា ក្នុងការផ្គត់ផ្គង់អង្ករមិនបានគ្រប់គ្រាន់ទៅកាន់ទីផ្សារអន្តរជាតិ ខណៈការបញ្ជាទិញពីដៃគូទិញអង្ករពីកម្ពុជា ដូចជាសហរដ្ឋអាមេរិក ប្រទេសអូស្ត្រាលី និងប្រទេសចិន”
លោកឧកញ៉ាបានមានប្រសាសន៍ថា
“យើងបានឃើញហើយនៅក្នុងឆ្នាំ2020 យើងធ្វើការនាំចេញអង្ករបានជិត 70 ម៉ឺនតោនហើយមានកំណើនកើនឡើងជាង10 ភាគរយ។ ឆ្នាំ 2021 នេះសន្ទុះនៃតម្រូវការមានការហក់ឡើងដែរ ជាពិសេសប្រទេសចិនតែជាអកុសលយើងមានវិបត្តិផ្លូវដឹកជញ្ជូនតាមផ្លូវសមុទ្រ និងទី1ត្រូវជួបវិបត្តិពុំមានកុងតឺន័រ ទី2 ពុំមានកប៉ាល់ដែលអាចទទួលនូវទំនិញអង្ករបាន ទី3តម្លៃកប៉ាល់កើនឡើងគុណនឹង4 និង 5ដងឯណោះ”
លោឧកញ៉ាបានបញ្ជាក់ថា
សូមបញ្ជាក់ថាសម្រាប់ប្រភេទអង្ករនាំចេញវិញ នៅ5ខែមកនេះ អង្ករក្រអូបគ្រប់ប្រភេទមានចំនួន 160,453 តោន ស្មើនឹង 68.86ភាគរយ អង្ករសគ្រប់ប្រភេទមានចំនួន 67,843 តោន ស្មើនឹង 29.11ភាគរយ និងអង្ករចំហុយមានចំនួន 4,735 តោន ស្មើនឹង2.03ភាគរយ។
អង្ករបាននាំចេញទៅកាន់ទិសដៅសហភាពអឺរ៉ុបចំនួន20 ប្រទេស មានបរិមាណសរុបចំនួន 55.188 តោន ស្មើនឹង 23.66ភាគរយ ទិសដៅប្រទេសចិនមានបរិមាណសរុបចំនួន 120,834តោន ស្មើនឹង 51.86ភាគរយ ទិសដៅអាស៊ានចំនួន5ប្រទេស មានបរិមាណសរុបចំនួន 21,848 តោន ស្មើនឹង 9.38ភាគរយ និងទិសដៅដទៃទៀតចំនួន19ប្រទេស មានបរិមាណសរុប 35,161 តោន ស្មើនឹង 15.1ភាគរយ។
ដោយឡែកសម្រាប់ការនាំចេញស្រូវវិញ ក្នុងរយៈពេល5ខែឆ្នាំ2021 កម្ពុជានាំចេញស្រូវចំនួន 1,614,211 តោន ទៅកាន់ប្រទេសវៀតណាម និងប្រទេសអារ៉ាប់រួម ( មានវិញ្ញាបនបត្រភូតគាមអនា ម័យចំនួន 855,202.52តោន) ដែលមានការកើនឡើងចំនួន 748,129តោន (82ភាគរយ) បើធៀបនឹងរយៈពេលដូចគ្នានៅឆ្នាំ2020 ដែលមានចំនួន 885,186តោន៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
តម្រូវការ និងតម្លៃដីធ្លីនៅក្រុងច្បារមន នឹងមានកំណើនខ្ពស់ ក្រោយរដ្ឋាភិបាលបង្ហើបគម្រោងប្រែក្លាយក្រុងមួយនេះជាមជ្ឈមណ្ឌលពាណិជ្ជកម្មទំនើប
Top News, ព្រឹត្តិការណ៍, អចលនទ្រព្យ
• 15/06/2026
តម្រូវការ និងតម្លៃដីធ្លីក្នុងខេត្តកំពង់ស្ពឺ ជាពិសេសនៅក្រុងច្បារមន រំពឹងថានឹងមានកំណើនខ្ពស់ ក្រោយរដ្ឋាភិបាលបង្ហើបគម្រោងកែលម្អក្រុងច្បារមន
រុស្ស៊ី ពង្រីកហេដ្ឋារចនាសម្ព័ន្ធយោធាយ៉ាងគំហុកនៅព្រំដែនភាគខាងជើងណាតូ និងអាចពង្រាយទ័ពរាប់ម៉ឺននាក់
ព្រឹត្តិការណ៍, អាជីវកម្មថ្មី និងនវានុវត្ត
• 15/06/2026
រុស្ស៊ី កំពុងពង្រីកហេដ្ឋារចនាសម្ព័ន្ធយោធារបស់ខ្លួនយ៉ាងខ្លាំងក្លានៅជិតព្រំដែនអឺរ៉ុបភាគខាងជើង ដើម្បីត្រៀមលក្ខណៈដាក់ពង្រាយកងទ័ពបន្ថែមរហូតដល់រាប់ម៉ឺននាក់
ក្រុមហ៊ុន ជីប ម៉ុង បរិច្ចាគថវិកា ១លានដុល្លារ ជូនមូលនិធិគន្ធបុប្ផាក្នុងយុទ្ធនាការ «១ម៉ឺនរៀល ១ម៉ឺននាក់»
ព្រឹត្តិការណ៍, អត្ថបទពាណិជ្ជកម្ម
• 15/06/2026
ក្រុមហ៊ុន ជីប ម៉ុង បានប្រគល់ថវិកាបរិច្ចាគសរុបចំនួន ១,០០០,០០០ ដុល្លារអាម៉េរិក ជូនដល់មូលនិធិគន្ធបុប្ផាកម្ពុជា ដើម្បីគាំទ្រដល់យុទ្ធនាការ «១ម៉ឺនរៀល ១ម៉ឺននាក់»
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content