សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចរន្តសេដ្ឋកិច្ចកម្ពុជាពិតជានឹងងើបឡើងវិញ តាមរយៈសកម្មភាពអាជីវកម្ម ការធ្វើជំនួញជួញដូររបស់ប្រជាជនប្រចាំថ្ងៃ ដែលជាក្បាលម៉ាស៊ីនសេដ្ឋកិច្ចដ៏សំខាន់ចាប់ដំណើរការក្រោយការបញ្ចប់វិធានការបិទខ្ទប់បណ្តាខេត្តក្រុង ជាពិសេសរាជធានីភ្នំពេញមានភាពកាន់តែទូលាយ និងប្រកបដោយប្រសិទ្ធភាពខ្ពស់។ នេះបើតាមការលើកឡើងរបស់លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា។
លោកបណ្ឌិត ហុង វណ្ណៈ បានមានប្រសាសន៍ប្រាប់ AMS ថា ចរន្តសេដ្ឋកិច្ចកម្ពុជាបានទួលរងនូវផលប៉ះពាល់កាន់តែខ្លាំងចាប់តាំងពីមានការផ្ទុះឡើងនូវការរាតត្បាតក្នុងសហគមន៍ ជាពិសេសក្រោយព្រឹត្តិការណ៍20កុម្ភៈ ដែលធ្វើឱ្យមនុស្សភាគច្រើនមិនសូវចេញដើរក្រៅដោយសារការព្រួយបារម្ភពីសុវត្ថិភាព ស្ទើរគ្រប់អាជីវកម្មក្នុងស្រុកទាំងអស់ត្រូវបង្ខំចិត្តផ្អាកសកម្មភាព ជាពិសេសការអនុវត្តនូវវិធានការបិទខ្ទប់រាជធានីភ្នំពេញដែលជាមជ្ឈមណ្ឌលពាណិជ្ជកម្មប្រចាំប្រទេស ក៏ដូចជាភូមិសាស្ត្រនៃបណ្តាខេត្តនានាទូទាំងប្រទេស។
លោកបណ្ឌិតបន្តថា ៖
“យើងដឹងហើយថា ទីក្រុងភ្នំពេញជាមជ្ឈមណ្ឌលពាណិជ្ជកម្ម និងសេដ្ឋកិច្ចស្នូលរបស់ប្រទេសកម្ពុជា ហេតុនេះហើយគ្រប់ការធ្វើពាណិជ្ជកម្មធំតូច ការនាំទំនិញចេញចូលទីក្រុងភ្នំពេញ គឺពិតជារឿងមួយសំខាន់ក្នុងការជំរុញឲ្យចរន្តសេដ្ឋកិច្ចកម្ពុជាដើរ”
លោកបន្តឲ្យដឹងថា ស្ទើរតែគ្រប់មុខទំនិញហូបចុក បន្លែបង្កា ត្រីសាច់ផ្សេងៗ គឺភាគច្រើននាំយកមកពីប្រភពផ្គត់ផ្គង់ធំៗទាំងនៅក្នុងស្រុក និងនាំមកពីក្រៅប្រទេសត្រូវដឹកមកកាន់ទីក្រុងភ្នំពេញជាមុនសិន ហើយធ្វើការចែកចាយបន្តដឹកជញ្ជូនឆ្ពោះទៅតាមបណ្ដាខេត្តនានា។ ហេតុនេះ ការបិទទីក្រុង និងបណ្ដាខេត្តមួយរយៈពេលនេះ គឺមានការរាំងស្ទះដល់ចរន្ដនៃទំនិញជាខ្លាំង ហើយក៏បន្តរាំងស្ទះដល់ជីវភាពប្រជាជនផងដែរ។
លោកបានគូសបញ្ជាក់ថា ផែនការនៃការចាក់វ៉ាក់សាំងបានដើរតួនាទីយ៉ាងសំខាន់ក្នុងការជំរុញ និងទ្រទ្រង់កំណើនសេដ្ឋកិច្ចជាតិកម្ពុជាប្រកបដោយទំនុកចិត្ត ថ្វីបើប្រជាជននៅតែមានការខ្លាចរអាក្នុងការធ្វើទំនាក់ទំនងក៏ដូចជាការធ្វើដំណើរពីមួយកន្លែងទៅមួយកន្លែង។ ប៉ុន្តែទោះជាយ៉ាងនេះក្ដី លោកបានអះ អាងថាសេដ្ឋកិច្ចកម្ពុជាក៏នៅតែមិនទាន់អាចវិលត្រឡប់ទៅរកសភាពដើមដូចកាលពីឆ្នាំ2019វិញនោះទេ ពោលគឺកម្ពុជាអាចបានត្រឹមស្ថិតក្នុងកម្រិតមួយដែលសេដ្ឋកិច្ចមានលំនឹង។ តាមការព្យាករណ៍យ៉ាងហោចណាស់ក៏ឆ្នាំ2022 ឬអាចដល់ឆ្នាំ 2023ទើបសេដ្ឋកិច្ចកម្ពុជាអាចវិលទៅរកសភាពដើមវិញបាន។
គួរបញ្ជាក់ថា ប្រមុខរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជាប្រមុខដឹកនាំប្រទេសបានយកចិត្តទុកដាក់យ៉ាងខ្លាំងក្នុងការប្រយុទ្ធប្រឆាំងជាមួយការរាតត្បាតនៃជំងឺកូវីដ-19 ទាំងការដាក់ចេញនូវវិធាការការពារ និងទប់ស្កាត់ ការនាំយកវ៉ាក់សាំងមកចាក់ជូនជនរួមជាតិកម្ពុជាដោយឥតគិតថ្លៃ ជាពិសេសការទុបទល់នឹងស្ថានភាពដ៏លំបាកនៃសេដ្ឋកិច្ចក្នុងប្រទេសដែលទទួលរងនូវផលប៉ះពាល់ ដើម្បីធ្វើយ៉ាងណាអាចស្រោចស្រង់ស្ថានការណ៍ឡើងវិញ កំឡុងពេលដែលចំនួននៃអ្នកឆ្លងជំងឺកូវីដ-19ចេះតែបន្តកើនឡើងជាបន្តបន្ទាប់។
សូមចូលរួមប្រយុទ្ធប្រឆាំង និងទប់ស្កាត់ការរាតត្បាតនៃជំងឺកូវីដ-19ទាំងអស់គ្នា និងការប្រកាន់ខ្ជាប់នូវវិធានការ 3កុំ 3ការពារឱ្យបានគ្រប់គ្នា៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាហ្វ្រិកខាងត្បូង ចង់រឹតចំណងសេដ្ឋកិច្ច និងពាណិជ្ជកម្មឱ្យកាន់តែរឹងមាំជាមួយឥណ្ឌា
ព្រឹត្តិការណ៍, អាជីវកម្មថ្មី និងនវានុវត្ត
• 15/09/2026
បរទេស ៖ អាហ្វ្រិកខាងត្បូង កំពុងជំរុញការផ្លាស់ប្តូរពាណិជ្ជកម្ម និងការវិនិយោគដោយផ្ទាល់ជាមួយឥណ្ឌាលើវិស័យសំខាន់ៗជាច្រើន ដូចជា រ៉ែយុទ្ធសាស្ត្រ ឧស្សាហកម្មបៃតង ហេដ្ឋារចនាសម្ព័ន្ធ កសិកម្ម និងសេដ្ឋកិច្ចឌីជីថល ខណៈដែលបច្ចុប្បន្ននេះ ឥណ្ឌា គឺជាដៃគូពាណិជ្ជកម្មធំជាងគេទី៤ របស់អាហ្វ្រិកខាងត្បូង ដោយក្នុងនោះមានក្រុមហ៊ុនឥណ្ឌាជាង ១៥០ បានបណ្តាក់ទុនសរុបលើសពី ១០ ពាន់លានដុល្លារ
រដ្ឋាភិបាលសម្រុកចែកបណ្ណកម្មសិទ្ធិដីធ្លីដែលបានវាស់វែង និងចុះបញ្ជីរួចជូនប្រជាពលរដ្ឋទូទាំងប្រទេស ដើម្បីប្រើប្រាស់តាមការចាំបាច់
Top News, ព្រឹត្តិការណ៍, អចលនទ្រព្យ
• 15/09/2026
ភ្នំពេញ ៖ បន្ទាប់ពីបានវាស់វែង និងចុះបញ្ជីរួច រាជរដ្ឋាភិបាលដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការបានសម្រុកចែកវិញ្ញាបនបត្រ ឬបណ្ណសម្គាល់ម្ចាស់កម្មសិទ្ធិដីធ្លីជូនប្រជាពលរដ្ឋតាមបណ្ដាខេត្តដែលបានបញ្ចប់ការវាស់វែង និងចុះបញ្ជីរួចរាល់ជាស្ថាពរ ជាក់ស្ដែង កាលពីសប្ដាហ៍កន្លងទៅនេះ រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ រួមជាមួយនឹងមន្ត្រីជាន់ខ្ពស់កម្ពុជាជាច្រើនរូបទៀត បានចុះប្រគល់បណ្ណជូនពលរដ្ឋក្នុងខេត្តគោលដៅជាច្រើន។ យោងតាម ក្រសួងរៀបចំដែនដី នគរូបនីយកម្ម
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
Account
Security
Favourite Content