សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ហាណូយ ៖ ការចូលរួមនៅក្នុងគំនិតផ្តួចផ្តើមថ្មីក្របខ័ណ្ឌសេដ្ឋកិច្ចឥណ្ឌូប៉ាស៊ីហ្វិក (IPEF) អាចបំពេញសេចក្តីប្រាថ្នារបស់វៀតណាមក្នុងការទាញយកផលប្រយោជន៍សេដ្ឋកិច្ច និងភាពរឹងមាំក្នុងការអភិវឌ្ឍន៍សេដ្ឋកិច្ចក្នុងតំបន់។
ប្រធានាធិបតីអាមេរិក លោក Joe Biden បានប្រកាសពីការបង្កើតក្របខណ្ឌសេដ្ឋកិច្ចឥណ្ឌូប៉ាស៊ីហ្វិក (IPEF) ក្នុងបំណងបង្កើនទំនាក់ទំនងសេដ្ឋកិច្ចទីក្រុងវ៉ាស៊ីនតោនជាមួយសម្ព័ន្ធមិត្ត និងដៃគូឥណ្ឌូប៉ាស៊ីហ្វិករបស់ខ្លួន។ ដោយឡែក ការចូលរួមរបស់វៀតណាមនៅក្នុងកតិកាសញ្ញាសេដ្ឋកិច្ច ដែលដឹកនាំ ដោយសហរដ្ឋអាមេរិក មិនមែនជារឿងគួរឱ្យភ្ញាក់ផ្អើលនោះទេ ដោយឈរលើគោលការណ៍ពហុភាគីនិយម វៀតណាមតែងស្វែងរកឱកាសដើម្បីបង្កប់ខ្លួននៅក្នុងស្ថាប័នសេដ្ឋកិច្ចសំខាន់ៗ ដូចជា កិច្ចព្រមព្រៀងគ្រប់ជ្រុងជ្រោយ និងរីកចម្រើនសម្រាប់ភាពជាដៃគូអន្តរប៉ាស៊ីហ្វិក (CPTPP) និងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP)។
ក្នុងការចូលរួមក្នុងក្របខ័ណ្ឌទាំងនេះ វៀតណាម បានស្វែងរកកិច្ចសហប្រតិបត្តិការគ្រប់ទិសទីក្នុងកម្រិតផ្សេងៗនៃសមាហរណកម្មសេដ្ឋកិច្ច។ ក្នុងនាមជាសមាជិក IPEF វៀតណាម អាចមាននាទីសំខាន់ក្នុងរបៀបវារៈនយោបាយ និងសេដ្ឋកិច្ចនៃក្របខ័ណ្ឌ ដោយហេតុថា គំនិតផ្តួចផ្តើមសេដ្ឋកិច្ចនេះ នឹងត្រូវលើកឡើងនូវកិច្ចសន្ទនាសំខាន់ៗរវាងដៃគូពាក់ព័ន្ធ។
ស្របពេលអស្ថិរភាពនៃខ្សែសង្វាក់ផ្គត់ផ្គង់សំខាន់ៗ និងការស្ទះខ្សែសង្វាក់ផ្គត់ផ្គង់ ដែលបានលងបន្លាចសេដ្ឋកិច្ចអាស៊ីអាគ្នេយ៍ បណ្ដាលមកពីវិបត្តិកូវីដ និងបញ្ហារុស្ស៊ី-អ៊ុយក្រែន ទីផ្សារនាំចូល និងនាំចេញចម្បងលើវិស័យកសិកម្ម រុក្ខាប្រមាញ់ និងនេសាទរបស់វៀតណាម ត្រូវទទួលរងនូវផលប៉ះពាល់ធ្ងន់ធ្ងរ។
ភាពងាយរងគ្រោះផ្នែកសេដ្ឋកិច្ចរបស់ប្រទេសវៀតណាម ដោយសារភាពរង្គោះរង្គើខាងភូមិសាស្ត្រនយោបាយ និងការរំខានពាណិជ្ជកម្ម ធ្វើឱ្យការធ្វើពិពិធកម្មសង្វាក់ផ្គត់ផ្គង់ជាមួយដៃគូ IPEF កាន់តែមានសារៈសំខាន់ក្នុងការជួយវៀតណាមបង្កើនភាពធន់នឹងសេដ្ឋកិច្ចពីការរំខាន បង្កដោយសកម្មភាពរបស់ទីក្រុងម៉ូស្គូ និងប៉េកាំង ដែលធ្វើឱ្យប៉ះពាល់ដល់សង្វាក់ផ្គត់ផ្គង់ពិភពលោក។
គំនិតផ្ដួចផ្ដើម IPEF អាចជួយពង្រឹងផលប្រយោជន៍ភូមិសាស្ត្រ និងភូមិសាស្ត្រនយោបាយរបស់វៀតណាម ជាពិសេសចំពេលការប្រកួតប្រជែងសេដ្ឋកិច្ចរវាងសហរដ្ឋអាមេរិក និងចិន និងបណ្តាប្រទេស ដែលកំពុងស្វែងរកការផ្លាស់ប្តូរសេដ្ឋកិច្ច ឬយុទ្ធសាស្ត្រ ”ចិនបូកមួយ”។ នៅក្នុងជំហានដដែលនេះ វៀតណាម សង្ឃឹមទទួលបានការគាំទ្រផ្នែកហិរញ្ញវត្ថុ និងបច្ចេកទេសពីសហរដ្ឋអាមេរិក ជាពិសេសក្នុងវិស័យបច្ចេកវិទ្យា ថាមពល និងការការពារបរិស្ថាន។
ក្នុងដំណើរទស្សនកិច្ចនាពេលថ្មីៗនេះរបស់នាយករដ្ឋមន្ត្រីវៀតណាម លោក Pham Minh Chinh ទៅកាន់ក្រុមហ៊ុនបច្ចេកវិទ្យាយក្ស Intel, Apple និង Google នៅ Silicon Valley បានបើកឱកាសសម្រាប់ការចូលរួមរបស់វៀតណាមជាមួយខ្សែសង្វាក់ផ្គត់ផ្គង់បច្ចេកវិទ្យា និងប្រព័ន្ធអេកូឌីជីថលរបស់សហរដ្ឋអាមេរិក ដោយសារបំណងប្រាថ្នារបស់ក្រុមហ៊ុនបច្ចេកវិទ្យាខ្ពស់ទាំងនេះ គឺដើម្បីធ្វើពិពិធកម្មខ្សែសង្វាក់ផ្គត់ផ្គង់របស់ពួកគេ។
ដំណឹងល្អនោះគឺថា ក្រុមហ៊ុនបច្ចេកវិទ្យាយក្ស Apple កំពុងពិចារណាលើការជំរុញផលិតកម្មរបស់ខ្លួននៅក្នុងប្រទេសវៀតណាម ដែលបច្ចុប្បន្នកំពុងមានរោងចក្រចំនួន ៣១ ផលិត និងដំឡើងគ្រឿងបន្លាស់ និងឧបករណ៍អេឡិចត្រូនិកសម្រាប់ផលិតផល Apple។
ទោះយ៉ាងណា លោក Huynh Tam Sang សាស្ត្រាចារ្យផ្នែកទំនាក់ទំនងអន្តរជាតិនៅសកលវិទ្យាល័យវិទ្យាសាស្ត្រសង្គម និងមនុស្សសាស្ត្រទីក្រុងហូជីមិញ បានផ្ដល់ជាអនុសាសន៍មួយចំនួននៅក្នុងបទវិភាគរបស់សារព័ត៌មាន The Diplomat ថា ទីក្រុងវ៉ាស៊ីនតោន និងហាណូយ គួរតែដោះស្រាយបញ្ហាខ្វះខាតរបស់ខ្លួន ដូចជាផលិតភាពការងារទាប ការច្នៃប្រឌិតតិចតួច និងបទប្បញ្ញត្តិស្រមោលនៅក្នុងបច្ចេកវិទ្យាហិរញ្ញវត្ថុ និងកង្វះនៃការនាំចេញទំនិញទំនើបទៅកាន់ប្រទេសអភិវឌ្ឍន៍ ដើម្បីជាការលើកកម្ពស់ កិច្ចព្រមព្រៀងប្រតិបត្តិរបស់ទីក្រុងជាមួយដៃគូដទៃ។
ជាងនេះទៅទៀត ភាគីទាំងអស់គួរគិតពិភាក្សាទាំងកង្វល់ និងផលប្រយោជន៍រវាងវៀតណាម និងដៃគូតាមរយៈការសន្ទនាប្រកបដោយសមធម៌ និងការពិគ្រោះយោបល់ញឹកញាប់ ដើម្បីសម្របសម្រួលការរៀបចំ IPEF ឆ្ពោះទៅរកដំណើរការរួមបញ្ចូល បើកចំហ និងអាចបត់បែនបាន ដូចដែលភាគី វៀតណាម បានគូសបញ្ជាក់នៅក្នុងកិច្ចប្រជុំកតិកាសញ្ញាសម្រាប់ការចាប់ផ្តើមសេដ្ឋកិច្ច៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
កាណាដា និងអេមីរ៉ាតអារ៉ាប់រួមបានពិភាក្សាជំរុញផែនការវិនិយោគទំហំ ៥០ ពាន់លានដុល្លារ ដើម្បីពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគីលើវិស័យសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content