Apple គ្រោងនឹងសាងសង់លំនៅឋានប្រមាណ ៧៨ ០០០ ល្វែងសម្រាប់និយោជិតរបស់ខ្លួននៅក្នុងប្រទេសឥណ្ឌា

បរទេស ៖ យោងតាមប្រភពព័ត៌មានពីរ៉យទ័របានរាយការណ៍ថា ក្រុមហ៊ុន Apple គ្រោងនឹងសាងសង់លំនៅឋានប្រមាណ ៧៨ ០០០ ល្វែងសម្រាប់និយោជិតរបស់ខ្លួននៅក្នុងប្រទេសឥណ្ឌា ហើយគម្រោងនេះនឹងត្រូវបានចូលរួមដោយក្រុមហ៊ុនហ្វាំងឡង់ Salcomp ក្រុមហ៊ុនតៃវ៉ាន់ដ៏ធំ Foxconn និងក្រុមហ៊ុនយក្សឥណ្ឌា Tata ដែលនឹងទទួលបានមូលនិធិមួយចំនួនពីរដ្ឋាភិបាលផងដែរ។

កាលពីឆ្នាំមុន ក្រុមហ៊ុន Foxconn ដែលជាអ្នកផ្គត់ផ្គង់ដ៏ធំបំផុតមួយរបស់ Apple បានសន្យាថានឹងវិនិយោគ ១,៥ ពាន់ លានដុល្លារក្នុងគម្រោងសាងសង់លំនៅដ្ឋានជិត ៣៥ ០០ ល្វែងសម្រាប់និយោជិតនៅរោងចក្ររបស់ខ្លួនមួយនៅរដ្ឋ Tamil Nadu ប្រទេសឥណ្ឌា។ បន្ថែមពីនេះ ក្រុមហ៊ុន Tata Electronics នឹងសាងសង់ផ្ទះចំនួន ១១ ០០០ ល្វែង ដោយរំពឹងថា ការអភិវឌ្ឍន៍លំនៅដ្ឋាននឹងបង្កើននិយោជិតបន្ថែម និងបង្កើនផលិតកម្ម។

ជាក់ស្តែង ការផ្តល់លំនៅឋានទ្រង់ទ្រាយធំសម្រាប់បុគ្គលិកក្រុមហ៊ុនមានរួចហើយនៅក្នុងប្រទេសចិន ដែលជា ‘iPhone City’ របស់ក្រុមហ៊ុន Apple នៅទីក្រុង Zhengzhou ដែលអាចផ្ទុកនិយោជិតរហូតដល់ ៣០០ ០០០ នាក់។ គេជឿថា ការប្រមូលផ្តុំបុគ្គលិករស់នៅរួមគ្នាអាចកាត់បន្ថយពេលវេលាធ្វើដំណើរ និងបង្កើនផលិតភាពការងារ។

បច្ចុប្បន្ននេះ ទូរស័ព្ទ iPhone ភាគច្រើនត្រូវបានផលិតនៅក្នុងប្រទេសចិន ប៉ុន្តែម៉ូដែលចាស់ៗមួយចំនួននៅតែផលិតនៅក្នុងប្រទេសឥណ្ឌា និងវៀតណាម។ ក្រុមហ៊ុន Apple គ្រោងនឹងផលិតទូរស័ព្ទទំនើបរបស់ខ្លួនបន្ថែមទៀតនៅក្នុងប្រទេសឥណ្ឌា ដែលមានប្រជាជនច្រើនបំផុតនៅលើពិភពលោក និងជាទីផ្សារដ៏សំខាន់កាន់តែខ្លាំងឡើងសម្រាប់ក្រុមហ៊ុនមួយនេះ។

កាលពីខែធ្នូឆ្នាំមុន កាសែតល្បីឈ្មោះមួយរបស់អាម៉េរិក បានរាយការណ៍ថា Apple កំពុងរៀបចំមូលដ្ឋានគ្រឹះធ្វើចម្រុះកម្មក្នុងខ្សែសង្វាក់ផ្គត់ផ្គង់របស់ខ្លួន ដើម្បីផលិតទូរស័ព្ទប្រហែល ៥០ លានគ្រឿងនៅក្នុងប្រទេសឥណ្ឌាជារៀងរាល់ឆ្នាំ។ ប្រសិនបើផែនការរបស់ក្រុមហ៊ុនត្រូវបានអនុវត្តដោយជោគជ័យនៅក្នុងប្រទេសឥណ្ឌា ប្រទេសនេះអាចផលិតបានមួយភាគបួននៃ iPhone ទាំងអស់នៅចុងទសវត្សរ៍នេះ។ ទន្ទឹមនឹងនេះ ក្រុមហ៊ុន Tata Group របស់ឥណ្ឌាក៏គ្រោងនឹងសាងសង់រោងចក្រដំឡើង iPhone ថ្មីដែលមានបណ្តាញដំឡើងប្រហែល ២០ នៅរដ្ឋ Tamil Nadu ភាគខាងត្បូងនៃប្រទេសឥណ្ឌាផងដែរ។ Tata Group រំពឺងថា ខ្លួននឹងផ្តល់ការងារដល់និយោជិតប្រហែល ៥០ ០០០ នាក់ក្នុងរយៈពេលពីរឆ្នាំខាងមុខ ខណៈដែលខ្លួនបានដំណើរការរោងចក្រដំឡើងរួចហើយនៅក្នុងរដ្ឋ Karnataka។

បច្ចុប្បន្ននេះ តម្រូវការទូរស័ព្ទទំនើបរបស់ Apple នៅក្នុងប្រទេសឥណ្ឌាកំពុងកើនឡើងស្របពេលដែលផលិតកម្មកំពុងត្រូវបានពង្រីក។ កាលពីខែមុន ប្រព័ន្ធផ្សព្វផ្សាយឥណ្ឌាជាច្រើនបានរាយការណ៍ថា ប្រាក់ចំណូលប្រចាំឆ្នាំរបស់ Apple ជាមធ្យមមានចំនួន ៨,៤ ពាន់លានដុល្លារ ខណៈដែលការលក់របស់ក្រុមហ៊ុនបានកើនឡើងប្រហែល ៤០ ភាគរយក្នុងអំឡុងពេលពីរឆ្នាំមុន។ កាលពីឆ្នាំមុនផងដែរ ក្រុមហ៊ុននេះបានបើកហាងលក់រាយផ្តាច់មុខចំនួន ២ ជាលើកដំបូងរបស់ខ្លួននៅក្នុងប្រទេសឥណ្ឌា ដោយនាយកប្រតិបត្តិ Tim Cook បានបើកហាងដោយផ្ទាល់នៅក្នុងទីក្រុង Mumbai និងទីក្រុង New Delhi ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ