សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ជាលើកដំបូងបំផុតរបស់ពិភពលោក ខណៈ Bitcoin ជាលុយគ្រីបតូ បានធ្វើឲ្យមានការភ្ញាក់ផ្អើលសាជាថ្មីក្រោយបានហក់តម្លៃឡើងខ្ពស់កប់ពពក បន្ទាប់ពីបានស្ងាត់ស្ងៀម និងបាត់បង់តម្លៃយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។
គេចាប់ផ្តើមសង្កេតឃើញថា Bitcoin មានសកម្មភាពឡើងវិញតាំងតែពីដើមឆ្នាំ២០២៣មកម្ល៉េះ ពោល គឺនៅក្នុងពេលដែលទីផ្សារលក់រាយ និងវិនិយោគលើលុយគ្រីបតូដែលគេហៅថា ETF ឬ Exchange-trade funds ត្រូវបាននិយ័តករមូលបត្រអាមេរិកអនុម័តច្បាប់ឲ្យដំណើរការដើម្បីធ្វើយ៉ាងណាអាចធ្វើការគ្រប់គ្រងទៅលើទីផ្សារជួញដូរលុយគ្រីបតូ Bitcoin ហើយមកទល់បច្ចុប្បន្ន ETF ទាំងនោះ មានចំនួនសរុប ១១លើកមកហើយគិតត្រឹមខែមករាឆ្នាំ២០២៤។
គិតត្រឹមថ្ងៃចន្ទដើមសប្តាហ៍នេះ តម្លៃរបស់ Bitcoin បានឡើងទៅដល់ជាង ៧២០០០ដុល្លារ ក្លាយជាគ្រីបតូដែលមានតម្លៃខ្ពស់ជាងគេបំផុតក្នុងចំណោមគ្រីបតូដទៃផ្សេងទៀតហើយជឿជាក់ថាដូចជាមិនមានសញ្ញាថមថយចុះមកវិញនោះទេ ខណៈដែលក្រុមអ្នកវិនិយោគនៅតែបន្តចាក់លុយចូលក្នុងទីផ្សារ ETF បន្ថែមទៀតនៅឡើយដោយសារជំនឿចិត្តលើរូបិយវត្ថុមួយនេះ។
ក្រៅតែពីការកើនឡើងនៃតំរូវការក្នុងការទិញ Bitcoin កើនឡើង និងការវិនិយោគយ៉ាងមមាញឹកពីសំណាក់អ្នកវិនិយោគហើយនោះ គេអាចមើលឃើញថា ការចេញផ្សាយព័ត៌មានជាវិជ្ជមាននៃទីផ្សារគ្រីបតូបូករួមទាំងកិច្ចខិតខំរបស់រដ្ឋាភិបាលនៃបណ្តាប្រទេសមួយចំនួនក្នុងការរៀបចំតាក់តែងច្បាប់គ្រប់គ្រងផងនោះ វាបានធ្វើឲ្យទីផ្សារនេះកាន់តែមានភាពទុកចិត្តបន្ថែមទៀត ខណៈដែលចំនួន Bitcoin មានចំនួនកំណត់ត្រឹមតែ ២១លានកាក់ប៉ុណ្ណោះដែលត្រូវបានបង្កើតឡើង។
ទីផ្សារហ៊ុនអង់គ្លេស LSEG បានពិនិត្យមើលឃើញតាមទិន្នន័យថា គិតត្រឹមថ្ងៃទី៨ ខែមីនា ក្នុងរយៈពេលសប្តាហ៍ជាប់គ្នាថ្វីត្បិតតែការវិនិយោគចូលក្នុងទីផ្សារ ETF មានកំណើន
យឺតយ៉ាវបន្តិចក្តី ប៉ុន្តែទោះបីជាយ៉ាងណា បូកសរុបចូលគ្នានៅក្នុងទីផ្សារធំៗទាំង១០នៅអាមេរិកការវិនិយោគជាទឹកប្រាក់មានរហូតទៅដល់២ពាន់លានដុល្លារ។
តើកត្តាកើនឡើងវិញនៃតម្លៃលុយគ្រីបតូ Bitcoin នឹងអាចជាសញ្ញាល្អ ឬមិនល្អសម្រាប់សេដ្ឋកិច្ចសកលក្នុងពេលនេះ ខណៈដែលតម្លៃលុយគ្រីបតូផ្សេងទៀតក៏កំពុងកើនឡើង
តាម Bitcoin ដូចគ្នាបែបនេះ?
មកទល់ពេលនេះ មិនទាន់មានអំណះអំណាងពីក្រុមអ្នកជំនាញណាទេថា ទំនាក់ទំនងរវាងលុយគ្រីបតូ និងសេដ្ឋកិច្ចសកលដែលពឹងផ្អែកសំខាន់តែទៅលើអត្រាកំណើនពាណិជ្ជកម្ម
និងអត្រាអតិផរណានោះមានការជាប់ពាក់ព័ន្ធគ្នាក្នុងកម្រិតណា ហើយបើទោះបីជាតម្លៃគ្រីបតូកំពុងកើនឡើងខ្ពស់យ៉ាងណាក្តី ប៉ុន្តែវាមិនមានការពឹងផ្អែកទៅលើសកម្មភាពសេដ្ឋកិច្ចណាមួយនៅឡើយ ពីព្រោះថាស្ថិតតែទៅលើទំនុកចិត្តរបស់អ្នកវិនិយោគប៉ុណ្ណោះ ឬគ្រាន់តែជាការរំពឹងទុកហួសហេតុពេកក៏ថាបាន។ ប៉ុន្តែ បើគិតដោយប្រយោលវិញការកើនឡើងនៃលុយគ្រីបតូវាពិតជាបានបង្ហាញនូវភាពទុកចិត្តរបស់ក្រុមអ្នកមានទ្រព្យ ឬក្រុមអ្នកវិនិយោគផ្សេងទៀតផងដែរ ហើយវាក៏ជាសញ្ញា
ដែលបង្ហាញថា បច្ចេកវិទ្យា និងការអភិវឌ្ឍផ្នែកបច្ចេកវិទ្យាគឺពិតជាកំពុងស្ទះឡើងខ្លាំង ជាពិសេសពាក់ព័ន្ធទៅនឹងបច្ចេកវិទ្យា Blockchain ដែលយ៉ាងណាក្តី វានឹងអាចផ្តល់
អត្ថប្រយោជន៍រយៈពេលវែងសម្រាប់សេដ្ឋកិច្ចរបស់សកលលោក។
ត្រង់ន័យនេះមានន័យថា Bitcoin អាចក្លាយទៅជាចំណែកមួយនៃការវាស់វែងសេដ្ឋកិច្ច ប៉ុន្តែមិនអាចក្លាយទៅជាសូចនាករសំខាន់សម្រាប់វាស់វែងសេដ្ឋកិច្ចសកលនោះឡើយ។
Account
Security
Favourite Content