សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំនិញនាំចូល និងនាំចេញចំនួន ៧ ៨៩៣ ១៥៧ តោន បានឆ្លងកាត់ផែកំពង់ផែស្វយ័តក្រុងព្រះសីហនុ ដោយទទួលបានចំណូលសរុបចំនួនប្រមាណ ៩០,១២ លានដុល្លារអាម៉េរិកសម្រាប់ឆ្នាំ២០២៣។ នេះបើយោងតាមរបាយការណ៍របស់ក្រសួងសាធារណការ និងដឹកជញ្ជូន
ទាក់ទងនឹងសមិទ្ធផលការងារផ្នែកដឹកជញ្ជូនតាមផ្លូវទឹក ផ្លូវសមុទ្រ និងកំពង់ផែស្វយ័តក្រុងព្រះសីហនុ សម្រេចបាននូវសមិទ្ធផលការងារជាច្រើនរួមមាន ៖ បានបើកការដ្ឋានសាងសង់គម្រោងអភិវឌ្ឍន៍ផែកុងតឺន័រទឹកជ្រៅថ្មីក្នុងក្រុងព្រះសីហនុ និងបានកំពុងអនុវត្តគម្រោងកែសម្រួលផែកុងតឺន័រប្រវែង ២៥៣ម និងគម្រោងអភិវឌ្ឍន៍ផែកុងតឺន័រទឹកជ្រៅថ្មីជំហាន១ ប្រវែង ៣៥០ម ជម្រៅ ១៤.៥ម។
ពាក់ព័ន្ធនឹងកំពង់ផែស្វយ័តភ្នំពេញវិញ របាយការណ៍ដដែលនេះបានឱ្យដឹងថា ទំនិញនាំចូល និងនាំចេញមានចំនួន ៤ ១៤៦ ៧៨៦តោន និងរកចំណូលសរុបមានចំនួនប្រមាណ ៣៨ លានដុល្លារអាម៉េរិក។
ក្នុងឆ្នាំ២០២៣នេះ កំពង់ផែស្វយ័តភ្នំពេញបានសម្ពោធបើកប្រើប្រាស់ជាផ្លូវការនូវឃ្លាំងសន្និធិគយបណ្តោះអាសន្ននៅចំណតផែកុងតឺន័រ LM១៧, ចំណតផែរណបពហុបំណង TS១១, UM២ និង LM២៦ និងឃ្លាំងលើកដាក់ និងស្តុកទំនិញត្រជាក់។
ដោយឡែក អគ្គនាយកដ្ឋានដឹកជញ្ជូនតាមផ្លូវទឹក និងផ្លូវសមុទ្រសម្រេចបាននូវសមិទ្ធផលការងាររួមមាន៖ បានចុះបញ្ជីនាវាផ្លូវសមុទ្រចំនួន ១០គ្រឿង និងនាវាផ្លូវទឹកចំនួន ៣៣គ្រឿងព្រមទាំងបានទទួលការគាំទ្រពីសម័យប្រជុំពេញអង្គគណៈរដ្ឋមន្ត្រី ដោយសម្រេចប្រសិទ្ធនាមគម្រោងផ្លូវនាវាចរណ៍ថា “ព្រែកជីកហ្វូណនតេជោ” កាលពីថ្ងៃទី១៩ ខែឧសភា ឆ្នាំ២០២៣ និងកំពុងបន្តនីតិវិធីជាមួយក្រុមហ៊ុនវិនិយោគ និងភាគីពាក់ព័ន្ធ។
សូមបញ្ជាក់ថា ចំណូលសរុបនៃការផ្តល់សេវាដឹកជញ្ជូនផ្លូវទឹក ផ្លូវសមុទ្រ និងកំពង់ផែចំនួន ២ ១៩៦ លានរៀល៕
Account
Security
Favourite Content