សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍ពីអគ្គនាយកដ្ឋានគយ និងរដ្ឋាករកម្ពុជាបានឱ្យដឹងថានៅក្នុងឆមាសទីមួយនៃឆ្នាំ២០២២នេះ ប្រទេសកម្ពុជាបាននាំចេញផលិតផលសរុបមានតម្លៃ ៦,៦ ពាន់លានដុល្លារក្នុងអំឡុងខែមករា ដល់ខែមិថុនា ឆ្នាំ២០២២នេះ កើនឡើង ៤០ភាគរយ ពី ៤,៧២ពាន់លានដុល្លារ ក្នុងរយៈពេលដូចគ្នាកាលពីឆ្នាំមុន។
នៅក្នុងរបាយការណ៍ដដែលបានបង្ហាញថា ការនាំចេញផលិតផលឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើររបស់កម្ពុជា មានការកើនឡើងប្រមាណ ៤០ភាគរយ ដែលឆ្លុះបញ្ចាំងពីសកម្មភាពនាំចូល និងនាំចេញទំនិញស្របពេលដែលកម្ពុជាបានបើកសកម្មភាពសង្គម សេដ្ឋកិច្ចឡើងវិញ ធ្វើឱ្យការលក់ដូរអាជីវកម្ម និងកម្មវិធីផ្សេងៗក៏រស់រវើក និងធ្វើឱ្យតម្រូវការប្រើប្រាស់ក៏មានការកើនឡើងដូចគ្នា។
អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានស្រង់សម្តីតាមរយៈ Xinhua ថា ៖
“កិច្ចព្រមព្រៀងពាណិជ្ជកម្មសេរីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលបានចូលជាធរមានក្នុងខែមករា ក៏បានរួមចំណែកដល់កំណើននេះផងដែរ ហើយខ្ញុំជឿថាកំណើននឹងបន្តពេញមួយឆ្នាំនេះ នៅពេលដែលជំងឺរាតត្បាតសកលកូវីដ-១៩ បានថយចុះ”
កិច្ចព្រមព្រៀងRCEP រួមមានប្រទេស នៅអាស៊ីប៉ាស៊ីហ្វិកចំនួន ១៥ រួមទាំងប្រទេសសមាជិកអាស៊ានចំនួន១០ ដូចជាប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម និងដៃគូពាណិជ្ជកម្មចំនួនប្រាំ គឺប្រទេសចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានប្រាប់ AMS ថា ៖ លទ្ធផលដែលទទួលបានជាផ្លែផ្កាលើការនាំចេញនេះ វាកើតចេញពីការខិតខំប្រឹងប្រែងរបស់រដ្ឋាភិបាល និងស្ថាប័នពាក់ព័ន្ធ ទើបធ្វើឱ្យឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើររបស់កម្ពុជាទទួលបានផលវិជ្ជមាន។ ជាមួយគ្នានេះគឺការអនុវត្តន៍ មានទិសដៅច្បាស់ ដូចជាការប្រើច្បាប់វិនិយោគថ្មី ការប្រើកម្ចីវិនិយោគមកប្រើប្រាស់ឱ្យចំគោលដៅ ការទាក់ទាញវិនិយោគទើបធ្វើឱ្យឧស្សហកម្មកាត់ដេរបានចេញលទ្ធផលជាផ្លែផ្កា និងមានកំណើនក្នុង១ឆមាសកន្លងទៅនេះ។
លោកបណ្ឌិត ហុង វណ្ណៈ បានគូសបញ្ជាក់ថា ទោះបីជាមិនទាន់ទទួលបាន GSP ពីសហរដ្ឋអាមេរិក ក៏សហរដ្ឋអាមេរិក និងបណ្តាប្រទេស សហគមន៍អឺរ៉ុប នៅតែបានផ្តល់ការអនុគ្រោះពន្ធសម្រាប់ទំនិញពីកម្ពុជា និងទទួលស្គាល់គុណភាពនៃផលិតផលរបស់កម្ពុជា ដែលមាននៅលើទីផ្សារអន្តរជាតិកន្លងមក។
បណ្ឌិត ហុង វណ្ណៈ បានមានប្រសាសន៍ថា ៖
“រួមផ្សំ និងកិច្ចព្រមព្រៀង RCEP និងកិច្ចព្រមព្រៀងជាមួយ បណ្តាប្រទេសជាមិត្ត ការវិនិយោគលើវិស័យកាត់ដេររបស់វិស័យឯកជន ជាមួយនឹងប្រទេសដៃគូ បានដើរតួនាទីយ៉ាងសំខាន់ក្នុងការជំរុញការនាំចេញរបស់កម្ពុជា ខណៈដែលប្រទេសផលិតសម្លៀកបំពាក់ផ្សេងទៀតនៅតែទទួលរងនូវផលប៉ះពាល់នៃកូវីដ-១៩នៅឡើយ”
អឺរ៉ុប គឺជាទីផ្សារនាំចេញធំទី ២ សម្រាប់ឧស្សាហកម្មផលិតកម្មរបស់កម្ពុជា ហើយការទទួលបានការអនុគ្រោះតាមរយៈប្រព័ន្ធអនុគ្រោះពន្ធ អ្វីគ្រប់យ៉ាងលើកលែងតែអាវុធ (EBA) នឹងបន្តគាំទ្រដល់ពាណិជ្ជកម្មខាងក្រៅ និងការបង្កើតការងារនៅកម្ពុជា។
ដោយឡែកកម្មវិធីកិច្ចសហប្រតិបត្តិការរបស់ សហគមន៍អឺរ៉ុប គឺបានផ្តល់ជំនួយជាទឹកប្រាក់ប្រមាណ ៤០០ លានអឺរ៉ូ និងផ្តល់ប្រាក់កម្ចីចំនួន ៤៥០ លានអឺរ៉ូ (២០១៤-២០២០) ដែលធ្វើការជាមួយរដ្ឋាភិបាលក្នុងការគាំទ្រគោលនយោបាយអភិវឌ្ឍន៍ក្នុងវិស័យជាច្រើន និងជាមួយសង្គមស៊ីវិល និងអង្គការមិនមែនរដ្ឋាភិបាលនៅកម្ពុជា។ សូមបញ្ជាក់ថា ឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ គឺជាអ្នករកចំណូលបានពីបរទេសច្រើនជាងគេសម្រាប់កម្ពុជា។ វិស័យនេះមានរោងចក្រ និងសាខាប្រហែល ១ ១០០ ដែលមានកម្មករប្រមាណ ៧៥០ ០០០នាក់ ដែលភាគច្រើនជាស្ត្រី៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អិលអូអិលស៊ី បង្ហាញវត្តមានក្នុងវេទិកា និងពិព័រណ៍កសិកម្មកម្ពុជា ឆ្នាំ២០២៦ ដើម្បីបន្តពង្រឹងការគាំទ្រដល់កសិករ អ្នកផ្គត់ផ្គង់ធាតុចូលកសិកម្ម និងសហគ្រាសដែលពាក់ព័ន្ធក្នុងវិស័យកសិកម្ម
ព្រឹត្តិការណ៍, អត្ថបទពាណិជ្ជកម្ម
• 24/10/2026
រាជធានីភ្នំពេញ ថ្ងៃទី២៣-២៥ ខែតុលា ឆ្នាំ២០២៦៖ អិលអូអិលស៊ី បានចូលរួមក្នុង «វេទិកា និងពិព័រណ៍កសិកម្មកម្ពុជា ឆ្នាំ២០២៦» (CAFE26) ដើម្បីបង្ហាញពីការប្តេជ្ញាចិត្តក្នុងការគាំទ្រដល់ការអភិវឌ្ឍវិស័យកសិកម្មនៅកម្ពុជា តាមរយៈការផ្តល់ដំណោះស្រាយហិរញ្ញវត្ថុសមស្រប ដើម្បីឆ្លើយតបទៅនឹងតម្រូវការរបស់កសិករ អ្នកផ្គត់ផ្គង់ធាតុចូលកសិកម្ម និងសហគ្រាសដែលប្រកបអាជីវកម្មក្នុងវិស័យនេះ។ នៅក្នុងព្រឹត្តិការណ៍នេះ អិលអូអិលស៊ី បានចូលរួមផ្សព្វផ្សាយពីសេវាកម្មហិរញ្ញវត្ថុរបស់ខ្លួន ដើម្បីផ្តល់ព័ត៌មាន និងណែនាំពីដំណោះស្រាយហិរញ្ញវត្ថុដែលស្របតាមតម្រូវការជាក់ស្តែងរបស់កសិករ
រាជរដ្ឋាភិបាល ចេញអនុក្រឹត្យស្ដីពីការរៀបចំ និងការប្រព្រឹត្តទៅរបស់ក្រសួងរៀបចំដែនដី នគរូបនីយកម្ម និងសំណង់
Top News, ព្រឹត្តិការណ៍, អចលនទ្រព្យ
• 24/10/2026
រាជរដ្ឋាភិបាល ចេញអនុក្រឹត្យស្ដីពីការរៀបចំ និងការប្រព្រឹត្តទៅរបស់ក្រសួងរៀបចំដែនដី នគរូបនីយកម្ម និងសំណង់ ដើម្បីកំណត់តួនាទី ភារកិច្ច និងរចនាសម្ព័ន្ធដឹកនាំឱ្យកាន់តែមានប្រសិទ្ធភាព ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៣ ខែតុលា ឆ្នាំ២០២៦ បានចេញអនុក្រឹត្យលេខ ២២៥ ស្តីពីការរៀបចំនិងការប្រព្រឹត្តទៅរបស់ក្រសួងរៀបចំដែនដី
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content