អ្នកជំនាញទេសចរណ៍ ៖ កម្ពុជាគួរចាប់យកភ្ញៀវចិនដើម្បីស្ដារវិស័យទេសចរណ៍ឡើងវិញ

ភ្នំពេញ ៖ កម្ពុជាកាលពីឆ្នាំ២០១៩ ពោលគឺមុនពេលនៃការផ្ទុះរាលដាលនៃជំងឺកូវីដ១៩ កម្ពុជាបានទទួលភ្ញៀវអន្តរ​ជាតិចម្រុះជាតិសាសន៍សរុបចំនួន ៦,៦ លាននាក់ ប៉ុន្តែសម្រាប់ឆ្នាំ២០២២ ពោលគឺក្រោយពេលនៃជំងឺរាតត្បាតនេះ កម្ពុជាទទួលបានភ្ញៀវទេសចរអន្តរជាតិត្រឹមតែ ២,២លាននាក់ប៉ុណ្ណោះ។

អ្នកជំនាញវិស័យទេសចរណ៍បានអះអាងថា ភ្ញៀវទេសចរចិន គឺជាទីផ្សារដ៏ធំមួយ មិនមែនសម្រាប់តែកម្ពុជានោះទេ តែគឺសម្រាប់ពិភពលោកតែម្ដង ដូច្នេះហើយ ការធ្លាក់ចុះនូវភ្ញៀវទេសចរគឺមានចំណែកមកពីភ្ញៀវទេសចរជនជាតិចិននេះឯង។  

ជាមួយគ្នានេះ ទន្ទឹមនឹងការបើកឡើងវិញនៃប្រទេសចិនកាលពីពេលថ្មីៗនេះ អ្នកជំនាញផ្នែកទេសចរណ៍បានមើលឃើញថា ជាឱកាសល្អដែលកម្ពុជាគួរចាប់យកដើម្បីស្ដារវិស័យទេសចរណ៍ឡើងវិញ ថ្វីត្បិតថាកន្លងមក កម្ពុជាក៏ពឹងផ្អែកលើភ្ញៀវទេសចរចិនផងដែរ។

លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានឱ្យដឹងថា បើទោះបីជាកម្ពុជាបានបើកប្រទេសទទួលភ្ញៀវទេសចរជាធម្មតាហើយក្ដី ប៉ុន្តែការទទួលភ្ញៀវកន្លងមកនេះនៅមានកម្រិតនៅឡើយ ដូច្នេះខណៈពេលដែលចិនបើកប្រទេសឡើងវិញ កម្ពុជាគួរតែចាប់ យកឱកាសនេះ។

លោកជំទាវបានមានប្រសាសន៍ថា ៖

“ពេលនេះគឺជាពេលដែលយើងត្រូវក្ដោបឱកាសដ៏កម្រ​​ឱ្យបាន ដើម្បីស្រោចស្រង់សេដ្ឋកិច្ចយើងឡើងវិញ។ ចិន ជាភ្ញៀវដែលដើរជាក្រុមធំៗ ហើយពួកគេចាយច្រើន ដូច្នេះ បើសិនយើងអាចទទួលបានភ្ញៀវចិនកាន់តែច្រើន វិស័យទេសចរណ៍យើងនឹងកាន់តែប្រសើរដូចគ្នា”

ក្នុងន័យនេះ ដើម្បីអាចទទួលបានឱ្យទាន់ពេលវេលានៃឱកាសដ៏កម្រនេះ លោកជំទាវបានលើកទឹកចិត្តឱ្យសេវាករទេសចរទាំងឡាយត្រឡប់ចូលមកបម្រើសេវាកម្មទេសចរណ៍វិញ ព្រោះមិនយូរទេជនជាតិចិននឹងចូលមកកម្ពុជា។

លោកជំទាវបានផ្ដោតជាពិសេសលើសេវាករដែលធ្លាប់ធ្វើការជាមួយភ្ញៀវចិន ដែលពួកគេនឹងក្លាយជាធនធានដ៏ចាំបាច់សម្រាប់ទទួលស្វាគមន៍ជនជាតិចិន។ ម្យ៉ាងទៀត ខាងអាកាសចរណ៍កម្ពុជាក៏ជារឿងគួរយកចិត្តទុកដាក់ផងដែរ។

អ្នកជំនាញរូបនេះបញ្ជាក់ថា ៖

“កន្លងមក នៅអំឡុងពេលចូលឆ្នាំចិន កម្ពុជាយើងទទួលបានភ្ញៀវចិនចូលមកច្រើនណាស់ ដោយគិតតែខេត្តសៀមរាបគឺផ្គត់ផ្គង់មិនគ្រប់តម្រូវការផងទេ។ យើងមិនរំពឹងដល់ថ្នាក់នោះពេកទេ តែយ៉ាងហោចណាស់ក៏យើងអាចទទួលបានភ្ញៀវអន្តរជាតិច្រើនឡើងវិញ ហើយអាចនឹងទាញសេវាករឱ្យត្រឡប់មកបម្រើការវិស័យទេសចរណ៍វិញផងដែរ។ ដូច្នេះហើយ សម្រាប់ពេលនេះសូមឱ្យសេវាករមានការត្រៀមខ្លួនជាស្រេចសម្រាប់ការសម្រុកចូលនៃភ្ញៀវទេសចរជនជាតិចិននៅពេលខាងមុខនេះ”

គួររំលឹកថា កាលពីថ្ងៃទី២ ខែមករា ឆ្នាំ២០២៣កន្លងទៅនេះ សម្ដេចតេជោ ហ៊ុន សែន ក៏បានបញ្ជាក់ពីគោលចំហរបស់កម្ពុជាផងដែរ ក្នុងការបើកប្រទេសយ៉ាងទូលាយសម្រាប់ស្វាគមន៍ភ្ញៀវទេសចរចិន ខណៈដែលប្រទេសផ្សេងៗកំពុងដាក់វិធានការរិតត្បិតចំពោះជនជាតិចិន ដោយសារតែការផ្ទុះឡើងជាថ្មីនៃមេរោគកូវីដនៅប្រទេសចិន។ ផ្ទុយពីប្រទេសទាំងនោះ សម្ដេចតេជោ បានមើលឃើញពីឱកាសនៃការស្ដារវិស័យទេសចរណ៍ឡើងវិញ​តាមរយៈការបើកទទួលយកភ្ញៀវចិន ម្យ៉ាងទៀតស្ទើរតែ១០០% នៃប្រជាជនកម្ពុជាបានទទួលវាក់សាំងកូវីដ១៩គ្រប់គ្រាន់៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖