សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថិតនៅក្នុងចំណែកមួយនៃយុទ្ធសាស្ត្រទាក់ទាញភ្ញៀវទេសចរបរទេសឲ្យបានកាន់តែច្រើនឡើងនោះ អាជ្ញាធរនៃប្រទេសចិន កាលពីថ្ងៃអង្គារសប្តាហ៍នេះបានប្រកាសថា នឹងដាក់ចេញនូវយុទ្ធនាការលើកលែងទិដ្ឋាការរយៈពេលវែងរហូតដល់ទៅ ១០ថ្ងៃសម្រាប់ភ្ញៀវទេសចរអន្តរជាតិទាំងឡាយណាដែលស្ថិតនៅក្នុងបញ្ជីទាំងជាង៥០របស់ខ្លួនដោយក្នុងនោះមានរួមទាំងសហរដ្ឋអាមេរិកផងដែរ។ នេះមានន័យថា ភ្ញៀវបរទេសអាចធ្វើដំណើរបានទៅគ្រប់ទីកន្លែងនៅទូទាំងប្រទេសចិនក្នុងរយៈពេល២៤០ម៉ោង ឬត្រូវជា១០ថ្ងៃដោយពុំចាំបាច់បង់ថ្លៃសេវាទិដ្ឋាកាឡើយ។ សេចក្តីប្រកាសនេះត្រូវបានធ្វើឡើងដោយទីភ្នាក់ងារអន្តោប្រវេសជាតិរបស់ប្រទេសចិន (China’s National Immigration Agency) នៅលើបណ្តាញសង្គម WeChat ហើយនឹងដាក់ចូលជាធរមានភា្លមៗនៅថ្ងៃដដែល។
អង្គភាពនេះបានបញ្ជាក់ដែរថា ភ្ញៀវបរទេសដែលមានកាន់លិខិតឆ្លងដែនចំនួន៥៤ប្រទេស អាចទទួលបានកម្មវិធីនេះ ដែលក្នុងនោះរួមមានទាំងបណ្តាប្រទេសនៅតំបន់អឺរ៉ុប, ប្រទេសនៅអាមេរិកឡាទីននៅតំបន់អាស៊ី ព្រមទាំងសហរដ្ឋអាមេរិក និងកាណាដាផងដែរ។
កាលពីមុន កម្មវិធីផ្តល់ទិដ្ឋាការឥតគិតថ្លៃដោយប្រទេសចិនគឺមានត្រឹមតែរយៈពេល ៧២ម៉ោង ទៅ ១៤៤ម៉ោងប៉ុណ្ណោះ អាស្រ័យទៅលើគោលដៅ និងតំបន់ដែលពួកគេចង់ធ្វើដំណើរទៅទស្សនា ហើយចាំបាច់ពួកគេត្រូវតែហោះទៅកាន់ប្រទេសទី៣ មុនពេលធ្វើដំណើរទៅស្រុកកំណើតរបស់ពួកគេ។
ដោយឡែក កម្មវីធីផ្តល់ទិដ្ឋាការថ្មីនេះនឹងអនុញ្ញាតឲ្យភ្ញៀវបរទេសទាំងនោះអាចធ្វើដំណើរដោយសេរីបានទៅដល់ ១០ថ្ងៃ និងទៅកាន់គោលដៅសំខាន់ទាំង៦០កន្លែងនៅជុំវិញខេត្តទាំង២៤របស់ចិន រួមទាំងរដ្ឋធានីក្រុងប៉េកាំង និងទីក្រុងធំបំផុតរបស់ចិន គឺទីក្រុងសៀងហៃ។
គួរឲ្យដឹងដែរថា ប្រទេសចិនដែលជាមហាអំណាចសេដ្ឋកិច្ចធំបំផុតទី២របស់ពិភពលោក បាន និងកំពុងព្យាយាមក្នុងការទាក់ទាញនាំយកភ្ញៀវអន្តរជាតិត្រឡប់មកទស្សនាប្រទេសឡើងវិញបន្ទាប់ពីបានទទួលរងការធ្លាក់ចុះយ៉ាងខ្លាំងនៃសកម្មភាពទេសចរក្នុងរយៈពេលប្រមាណជា៣ឆ្នាំចុងក្រោយនេះដោយសារតែបញ្ហាវិបត្តិរាតត្បាតកូវីដ។
បច្ចុប្បន្ន ចិន មានបញ្ជីប្រទេសចំនួន៣៨ផ្សេងទៀតដែលទទួលបានសិទ្ធិកាន់តែពិសេសក្នុងការធ្វើដំណើរចូលដោយមិនចាំបាច់បង់ថ្លៃសេវាទិដ្ឋាកាក្នុងរយៈពេលដល់ទៅ៣០ថ្ងៃផងដែរ ទោះក្នុងគោលបំណងទេសចរក្តី ធ្វើអាជីវកម្មក្តី កិច្ចជួបជុំគ្រួសារក្តី ដោយប្រទេសទាំងនោះរួមដូចជា បារាំង អាល្លឺម៉ង់ អូស្ត្រាលី ញូវហ្សាឡេន និងជប៉ុនផងដែរ៕
Account
Security
Favourite Content