សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជនជាតិចិន និងកូនខ្មែរកាត់សែស្រឡាយចិន-វៀតណាមមានភាពមមាញឹករៀបចំផ្ទះសម្បែងសម្រាប់ពិធីបុណ្យចូលឆ្នាំរបស់ខ្លួន ដោយឡែកដើមផ្កាគ្រប់ប្រភេទ ដើមក្រូច និងដើមផ្កាអង្គារសីលជាគ្រឿងតាំងលម្អមិនអាចខ្វះបាននោះ បានក្លាយជាទីផ្សារលក់រាយសំខាន់សម្រាប់ពិធីបុណ្យប្រពៃណីនេះ។
ទីផ្សារលក់រាយដើមផ្កាគ្រប់ប្រភេទមានដូចជាដើមផ្កាអង្គារសីល ដើមក្រូច ផ្កាស្បៃរឿង និងផ្កាគ្រប់ប្រភេទផ្សេងៗទៀតដែលមានការដាក់លក់ជាច្រើនកន្លែងនៅរាជធានីភ្នំពេញត្រូវបានអ្នកលក់មួយចំនួនបញ្ជាក់ប្រាប់ AMS តាមរយៈបទសម្ភាសន៍ថា ការលក់ប្រភេទផ្កាដែលមានពណ៌លឿងគឺមានការធ្លាក់ចុះខ្លាំង ហើយអ្នកលក់មួយចំនួនទៀតត្អូញត្អែរថាការលក់របស់គាត់លក់ពុំដាច់តែម្ដង។
អ្នកកស្រី ចរិយា ជាម្ចាស់អាជីវកម្ម ស៊ូ ចរិយា លក់ផ្កាគ្រប់ប្រភេទនៅជិតវត្តទឹកថ្លាបានបញ្ជាក់ថា ក្នុងរដូវនេះ ហាងរសប់អ្នកស្រីអាចលក់ដាច់ជាហូរហែដែរ ទាំងអង្គារសីល និងផ្កាស្បៃរឿង រួមទាំងដើមក្រូចផងដែរ ដែលផ្កាទាំងនោះដាំក្នុងផើង។
អ្នកស្រី ចរិយា បានមានប្រសាសន៍ថា ៖
“ផ្កាគ្រប់ប្រភេទដែលខ្ញុំបានទិញយកមកដាក់លក់ មានអតិថិជនចូលទិញដាច់អស់ប្រមាណជា ៧០ ទៅ ៨០ ភាគរយគឺមិនមានបញ្ហាអ្វីទេ។ ប៉ុន្តែសម្រាប់ប្រភេទផ្កាដែលមានពណ៌លឿងគឺមានការធ្លាក់ចុះបន្តិច ដោយសារមានពាក្យចចាមអារាមថា ក្នុងពិធីសែនបុណ្យចូលឆ្នាំចិនឆ្នាំនេះមានការឆុង និងពណ៌ក្រហម លឿង ខណៈដែលពណ៌ទាំងនេះ តែងតែនិយម និងសំខាន់ជាងគេកាលពីឆ្នាំមុនៗ”
ដោយឡែក លោកស្រី ដួង ច័ន្ទ ជាអ្នកលក់ផ្កាអង្គារសីលជាមែកក៏បានប្រាប់ AMSថា លោកស្រីលក់មិនដាច់ទេ ខណៈដែលការបញ្ជាទិញយកមកលក់ មានចំនួន ១០០បាច់ លក់បានតែមួយបាច់ប៉ុណ្ណោះ។
លោកស្រីបានមានប្រសាសន៍ថា ៖
“បើប្រៀបនឹងឆ្នាំទៅ មុនចូលឆ្នាំមួយថ្ងៃខ្ញុំអាចលក់អស់ ហើយត្រឡប់ទៅរៀបចំផ្ទះវិញបាត់ទៅហើយ។ ខ្ញុំមិនដឹងថាលក់មិនដាច់មកពីអ្វីទេ តែប្រហែលមកពីគ្រូហោរស្រីម្នាក់ដែលថាពណ៌លឿងជាពណ៌ឆុងនោះហើយ”
ចំពោះអ្នកលក់ផ្កាគ្រប់ប្រភេទនៅតំបន់ផ្លូវជាតិ 6 A វិញ អ្នកស្រី ស៊ាង គឹមឡោ ក៏បានប្រាប់ AMS ដែរថា ឆ្នាំនេះលក់មិនសូវដាច់ដូចឆ្នាំមុនទេ ទោះបីជាឆ្នាំកន្លងទៅមានកូវីដ ក៏ដោយតែអ្នកទិញនៅតែមកទិញធម្មតា ប៉ុន្តែតែឆ្នាំនេះអ្នកទិញថយចុះខ្លាំង សូម្បីតែម៉ូយប្រចាំដែលធ្លាប់ទិញ១០ ដើម ក៏បន្ថយមកត្រឹមតែ២-៣ដើមប៉ុណ្ណោះ។
លោកស្រី ស៊ាង គឹមឡោ បានប្រាប់ថា ម៉ូយដែលធ្លាប់ទិញ គឺនៅតែទិញជាប្រចាំ ប៉ុន្តែត្រូវតែតម្រូវទៅតាមចិត្តអតិថិជនគឺត្រូវប្ដូរពណ៌ផើងទៅជាបៃតង ខៀវដោយមិនប្រើផើងពណ៌ក្រហមទេ។ សម្រាប់អតិថិជនរបស់គាត់ គឺនៅតែមានជំនឿរឿងពណ៌នេះជាធម្មតា គឺនៅតែតាមទំនៀមទម្លាប់នៅតែមកទិញដោយពុំគិតពាក្យចចាមអារ៉ាមអ្វីឡើយ។
លោកស្រី ស៊ាង គឹមឡោបាន ថ្លែងថា៖
“យើងគិតទៅដល់អតិថិជនខ្លះ(ប្រមាណជា២%ក្នុងចំណោមម៉ូយ)ដោយតម្រូវចិត្តពួកគាត់រឿងបានប្ដូរពណ៌ផើងទៅជាខៀវ និងបៃតង តែយើងនៅតែលក់ដាច់គ្រាន់បើ គ្រាន់តែថយចុះការបញ្ជាទិញខ្លះ”
លោក ស៊្រាង អ្នកលក់ផ្កានៅផ្លូវ 6A នេះដែរក៏បានបញ្ជាក់ពីការលក់មិនដាច់របស់គាត់ ដោយបានប្រើដើមទុនជាង១ម៉ឺនដុល្លារ តែលោកទើបបានប្រាក់ជាងប៉ុន្មានរយប៉ុណ្ណោះ។
លោកបានមានប្រសាសន៍ថា ៖
“វាមិនដោយសារតែពាក្យចចាមអារ៉ាមរបស់គ្រូហោរនោះទេ តែអាចមកពីការរកចំណូលមិនបាន ដូច្នេះការធ្វើបុណ្យក៏ត្រូវកាតបន្ថយការចំណាយ។ កាលឆ្នាំមុនមានកូវីដ ក៏នៅតែមានអ្នកទិញធម្មតា ប៉ុន្តែឆ្នាំនេះស្ងាត់មែនទែន ព្រោះឆ្នាំមុនខ្ញុំមមាញឹកក្នុងការលក់ តែឆ្នាំនេះពេលអង្គុយលក់ ដូចអង្គុយផឹកតែ៕”
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រុស្ស៊ី និងបេឡារុស គ្រោងសាងសង់ផ្លូវរថភ្លើងល្បឿនលឿនឆ្លងប្រទេសចម្ថាយ ៧០០គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 30/10/2026
បរទេស ៖ យោងតាមការចេញផ្សាយរបស់កាសែត Novinata នៅសប្តាហ៍នេះបានឱ្យដឹងថា ប្រទេសរុស្ស៊ី និងបេឡារុស បានប្រកាសផែនការរួមគ្នាក្នុងការសាងសង់ខ្សែផ្លូវរថភ្លើងល្បឿនលឿន មានចម្ងាយឆ្ងាយមួយដែលនឹងតភ្ជាប់រវាងរាជធានីក្រុងមូស្គូ(Moscow)និងទីក្រុងមីង(Minsk)។ ប្រទេសរុស្ស៊ី និងប្រទេសបេឡារុស បានឈានដល់កិច្ចព្រមព្រៀងជាប្រវត្តិសាស្ត្រមួយក្នុងការបង្កើតផ្លូវដឹកជញ្ជូនទំនើប ដោយបានចុះហត្ថលេខាលើអនុស្សរណៈនៃការយោគយល់គ្នា (MoU) ស្ដីពីការសាងសង់ខ្សែផ្លូវរថភ្លើងល្បឿនលឿនតភ្ជាប់រវាងរាជធានីនៃប្រទេសទាំងពីរ។ ពិធីចុះហត្ថលេខាលើឯកសារកិច្ចព្រមព្រៀងដ៏សំខាន់នេះ ត្រូវបានធ្វើឡើងដោយផ្ទាល់រវាងរដ្ឋមន្ត្រីក្រសួងដឹកជញ្ជូននៃប្រទេសទាំងពីរនាពេលថ្មីៗនេះ។ ខ្សែផ្លូវរថភ្លើងល្បឿនលឿនថ្មីនេះមានប្រវែងសរុបប្រមាណ ៧០០ គីឡូម៉ែត្រ
ឯកឧត្តម សាយ សំអាល់ ៖ លំនៅឋាន គឺជាមូលដ្ឋានគ្រឹះសម្រាប់កសាងជីវិតបុគ្គល បង្កើតវប្បធម៌គ្រួសារ និងកសាងសង្គមជាតិឱ្យរឹងមាំ
Top News, ព្រឹត្តិការណ៍, អចលនទ្រព្យ
• 30/10/2026
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាន និងកំពុងផ្តោតការយកចិត្តទុកដាក់លើកិច្ចការលំនៅឋាន និងការងារសម្បទានដើម្បីសង្គម និងសេដ្ឋកិច្ច ដែលលំនៅឋាននៅទីនេះមិនគ្រាន់តែជាលំនៅឋានទេ តែជាការកសាងជីវិតនៅក្នុងផ្ទះនោះសម្រាប់ប្រជាជនគ្រប់រូប ហើយសំដៅធ្វើយ៉ាងណាឱ្យប្រជាជនមានផ្ទះរស់នៅសមរម្យ មានម្ហូបលើតុ កូនបានទៅរៀន មានការងារធ្វើ មានប្រាក់សន្សំ និងឱកាសលំហែ។ ជាក់ស្ដែង នាព្រឹកថ្ងៃទី៣០ ខែតុលា
ក្រសួងរៀបចំដែនដី បានជួបសម្រុះសម្រួលដោះស្រាយករណីវិវាទដីធ្លីចំនួន ២ ករណី ស្ថិតក្នុងភូមិសាស្ត្រខេត្តកំពត
Top News, ព្រឹត្តិការណ៍, អចលនទ្រព្យ
• 30/10/2026
កំពត ៖ ក្រោមអធិបតីភាពដ៏ខ្ពង់ខ្ពស់របស់ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងនាមគណៈកម្មការសុរិយោដីថ្នាក់ជាតិ និងអាជ្ញាធរជាតិដោះស្រាយទំនាស់ដីធ្លី នៅថ្ងៃទី២៩ ខែតុលា ឆ្នាំ២០២៦ បានជួបប្រជុំ និងសម្រុះសម្រួលដោះស្រាយករណីវិវាទដីធ្លីចំនួន ២ ករណី ស្តិតក្នុងភូមិសាស្ត្រខេត្តកំពត ដោយក្នុងនោះធ្វើការបិទបញ្ចប់ករណីប្រជាពលរដ្ឋចំនួន
កម្ពុជាជំរុញការអប់រំឌីជីថល ខណៈរោងចក្រថេប្លេតតម្លៃ ១០០ លានដុល្លារត្រៀមដំណើរការ
ព្រឹត្តិការណ៍, អាជីវកម្មថ្មី និងនវានុវត្ត
• 29/10/2026
រាជរដ្ឋាភិបាលកម្ពុជា តាមរយៈក្រសួងអប់រំ យុវជន និងកីឡា គ្រោងពង្រីកការសិក្សាឌីជីថលដល់សាលាបឋមសិក្សាប្រមាណ ៧,០០០ សាលាទូទាំងប្រទេស ស្របពេលក្រុមហ៊ុន KH Haitech កំពុងពន្លឿនការសាងសង់រោងចក្រដំឡើងថេប្លេត (tablet) នៅរាជធានីភ្នំពេញ ក្រោមទុនវិនិយោគសរុប ១០០ លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
តម្រូវការជ្រូកខ្វៃថ្ងៃសែនចូលឆ្នាំថ្មីប្រពៃណីជនជាតិចិន-វៀតណាម ក្នុងរាជធានីភ្នំពេញ មានប្រមាណ ៤០០០ក្បាល
តំបន់កម្សាន្តជិតរាជធានីភ្នំពេញចំនួន០៥កន្លែង ដែលអ្នកភ្នំពេញគួរទៅលេងនៅថ្ងៃបុណ្យចូលឆ្នាំចិន
Account
Security
Favourite Content