សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជានឹងបញ្ជាទិញយន្ដហោះ Boeing 737 mx 8 ចំនួន ១០ គ្រឿង ពីសហរដ្ឋអាមេរិក ហើយមានជម្រើសអាចបង្កើនទិញ ១០ គ្រឿង បន្ថែមទៀត នាពេលអនាគត ដែលនឹងអាចដឹកមកដល់កម្ពុជានៅឆ្នាំ២០៣១ខាងមុខ។
នេះបើតាមការបញ្ជាក់របស់ឯកឧត្តមឧបនាយករដ្ឋមន្រ្តី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក្នុងសន្នីសីទសារព័ត៌មាន ស្តីពីលទ្ធផលនៃអត្រាពន្ធគយបដិការរវាងកម្ពុជា និងសហរដ្ឋអាមេរិក នាព្រឹកថ្ងៃទី ០១ ខែសីហា ឆ្នាំ២០២៥ នៅក្រុមប្រឹក្សាអភិវឌ្ឍន៍កម្ពុជា។
ឯកឧត្តមឧបនាយករដ្ឋមន្រ្ដី បានឱ្យដឹងថា៖
«នៅខែសីហានេះ អាចនឹងចុះកិច្ចព្រមព្រៀងមួយបញ្ជាក់ពីការទិញ ប៉ុន្តែចំពោះការទិញយន្តហោះនេះមិនអាចងាយមកទេ ព្រោះថានៅរោងចក្រ Boeing បានពេញអស់ ហើយនៅឆ្នាំ២០៣១ ទើបមានយន្តហោះថ្មីនេះ យើងបានចុះកិច្ចព្រមព្រៀងគ្នាមែន តែដល់ឆ្នាំ២០៣១ ទើបយន្តហោះថ្មីនេះ អាចចូលមកកម្ពុជាបាន»។
សូមជម្រាបជូនថា លោក ដូណាល់ ត្រាំ ប្រធានាធិបតីអាមេរិក បានសម្រេចបន្ថយអត្រាពន្ធគយសម្រាប់កម្ពុជា ពី ៣៦% មកនៅត្រឹម ១៩%។ អត្រាពន្ធបដិកាថ្មីនេះ ជាកម្រិតល្អមួយជួយឱ្យកម្ពុជា កាន់តែទាក់ទាញវិនិយោគិនមកបណ្តាក់ទុននៅកម្ពុជា និងជំរុញឱ្យការធ្វើពាណិជ្ជកម្មកាន់តែល្អជាងមុន។ អត្រាពន្ធគយថ្មីនេះ នឹងត្រូវអនុវត្តចាប់ពីថ្ងៃទី០១ ខែសីហា ឆ្នាំ២០២៥នេះតទៅ៕
Account
Security
Favourite Content