សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាំងពីអាណត្តិមុន រាជរដ្ឋាភិបាលបានកំណត់យកតំបន់ឆ្នេរជាគោលដៅអភិវឌ្ឍន៍របស់ប្រទេសកម្ពុជា ដោយបានអភិវឌ្ឍន៍ហេដ្ឋារចនាសម្ព័ន្ធតភ្ជាប់ពីភ្នំពេញ និងពីបណ្ដាខេត្តនានាទៅកាន់បណ្ដាខេត្តក្នុងតំបន់ឆ្នេរ និងបានចំណាយថវិកាយ៉ាងសន្ធឹកសន្ធាប់ ដើម្បីអភិវឌ្ឍន៍ផ្លូវ ក៏ដូចជាហេដ្ឋារចនាសម្ព័ន្ធនានាផងដែរ។ ដោយឡែក សម្រាប់តែក្រសួងរៀបចំដែនដី នគរូបនីយកម្ម និងសំណង់ ក៏បាន និងកំពុងប្រែក្លាយខេត្តនៅតាមតំបន់ឆ្នេរឱ្យក្លាយជាទៅរបៀងសេដ្ឋកិច្ចដ៏សំខាន់សម្រាប់ទ្រទ្រង់សេដ្ឋកិច្ចជាតិ ។
បើតាមប្រសាសន៍ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ដោយអនុវត្តនូវកម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤ និងគោលនយោបាយនៃការរៀបចំខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណងជារបៀងសេដ្ឋកិច្ចពិសេសពហុបំណង និងប្រទាក់ក្រឡា ឯកឧត្តមបានពិនិត្យឃើញថាមានលំហូរវិនិយោគថ្មីៗដែលធ្វើឱ្យសេដ្ឋកិច្ចក្នុងខេត្ត មានស្ថានភាពល្អប្រសើរ និងភាពរស់រវើកឡើងវិញ ។
ឯកឧត្តមបន្តថា ការរៀបចំគម្រោងអភិវឌ្ឍន៍ និងកែលម្អសោភ័ណ្ឌភាពតាមតំបន់ឆ្នេរសមុទ្រ និងព្រែក បានប្រែក្លាយខេត្តព្រះសីហនុ ជាតំបន់ឆ្នេរសមុទ្រកម្សាន្តអារម្មណ៍ រីឯខេត្តកែប និងខេត្តកំពត ជាទីឋានសម្រាកលំហែរបស់ប្រជាជនប្រចាំថ្ងៃ។
ឯកឧត្តមបញញជាក់ថា ៖
«ក្រសួងបានសិក្សាលើគម្រោងហេដ្ឋារចនាសម្ព័ន្ធ ផ្លូវជិះកង់តាមបណ្ដោយឆ្នេរសមុទ្រកម្ពុជា និងបានសម្រួលប្លង់ស្ថាបត្យកម្ម គម្រោងប្លង់វិស្វកម្មរបស់ឆ្នេរតេជោសន្តិភាពកែប នៅឆ្នេរសមុទ្រកែប ដែលទទួលបានគោលការណ៍អនុញ្ញាតដ៏ខ្ពង់ខ្ពស់ពីរាជរដ្ឋាភិបាល និងគ្រោងបើកការសាងសង់នាពេលខាងមុខ ។ ការរៀបចំហេដ្ឋារចនាសម្ព័ន្ធទ្រទ្រង់សេដ្ឋកិច្ចជាតិ រួមមានអាកាសយានដ្ឋានអន្តរជាតិ ច្រករបៀងអន្តរជាតិ ផ្លូវល្បឿនលឿន ព្រែកជីកហ្វូណនតេជោ កំពង់ផែស្វយ័តអន្តរជាតិ និងការរៀបចំតំបន់សេដ្ឋកិច្ចពិសេសជាបន្តបន្ទាប់ នឹងក្លាយជាការបំពេញបន្ថែមឱ្យគ្នាទៅវិញទៅមក ដើម្បីជំរុញការសម្រេចនូវគោលដៅនៃការរៀបចំរបៀងសេដ្ឋកិច្ចតំបន់ឆ្នេរ»។
គួរបញ្ជាក់ថា បច្ចុប្បន្ននេះ ខេត្តក្នុងតំបន់សមុទ្រចំនួន ៤ រួមមានខេត្តកំពត ខេត្តកែប ខេត្តព្រះសីហនុ និងខេត្តកោះកុង ត្រូវបាន និងកំពុងអភិវឌ្ឍន៍ លើកកម្ពស់ផ្លូវជាតិតភ្ជាប់ន្ថែមពីរាជធានី និងខេត្តផ្សេងៗ ក្នុងនោះខេត្តកំពត និងកែប ឃើញថាមានការអភិវឌ្ឍន៍ផ្លូវជាតិលេខ៣ លេខ ៣១ លេខ៣៣ និងផ្លូវលេខ១៣៥ ។ ខេត្តព្រះសីហនុ មានផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ ចំណែកខេត្តកោះកុង ក៏មានផ្លូវជាតិលេខ៤ ផ្លូវល្បឿនលឿនភ្នំពេញ ក្រុងព្រះសីហនុ ផ្លូវជាតិលេខ៤៨ និងផ្លូវជាតិលេខ១០ដែលជាផ្លូវជាតិថ្មីតភ្ជាប់ពីខេត្តបាត់ដំបង និងពោធិ៍សាត់ ។ ដូច្នេះនាពេលអនាគតខេត្តតំបន់សមុទ្រទាំង៤ នឹងទទួលបានកំណើនវិនិយោគ កំណើនទេសចរ និងការអភិវឌ្ឍក្នុងខេត្តបានមួយកម្រិតថែមទៀត ៕
Account
Security
Favourite Content