សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី The Guardian បានរាយការណ៍ថា ប្រធានាធិបតីសហរដ្ឋអាម៉េរិក Donald Trump បានគំរាមយកពន្ធ ២០០ ភាគរយលើស្រាក្រហម និងស្រាសំប៉ាញដែលនាំចូលពីបណ្តាប្រទេសសហភាពអឺរ៉ុប។ នេះគឺជាការគំរាមកំហែងចុងក្រោយបំផុតនៅក្នុងសង្គ្រាមពាណិជ្ជកម្មពិភពលោករវាងប្រធានាធិបតីអាម៉េរិក និងដៃគូពាណិជ្ជកម្មធំបំផុតរបស់មហាអំណាចមួយនេះ។
កាលពីថ្ងៃព្រហស្បតិ៍ Trump បានបង្ហោះនៅលើវេទិកាសង្គម Truth Social ថា ពន្ធលើផលិតផលគ្រឿងស្រវឹងទាំងអស់ពីប្លុកអឺរ៉ុប គឺជាការសងសឹកចំពោះការដែលប្លុកនេះប្រកាសថានឹងយកពន្ធ ៥០ ភាគរយលើស្រាវីស្គីប្រភេទ Bourbon របស់អាម៉េរិក។ ការដាក់ពន្ធរបស់សហភាពអឺរ៉ុបលើស្រាវីស្គី Bourbon នឹងត្រូវចូលជាធរមាននៅថ្ងៃទី ១ ខែមេសា ដែលជាការឆ្លើយតបទៅនឹងពន្ធ ២៥ ភាគរយរបស់ Trump លើការនាំចូលដែកថែប និងអាលុយមីញ៉ូមទាំងអស់ពីបរទេសចូលក្នុងអាម៉េរិក ហើយបានចូលជាធរមានកាលពីថ្ងៃពុធទី ១២ ខែមីនា កន្លងទៅនេះ។
Trump បានសរសេរលើការបង្ហោះនោះថា ៖
«ប្រសិនបើពន្ធមិនត្រូវបានដកចេញភ្លាមៗនោះទេ សហរដ្ឋអាម៉េរិកនឹងដាក់ពន្ធ ២០០ ភាគរយភ្លាមៗវិញដូចគ្នាលើស្រាក្រហម ស្រាសំប៉ាញ និងផលិតផលគ្រឿងស្រវឹងទាំងអស់ដែលនាំចេញមកពីប្រទេសបារាំង និងបណ្តាប្រទេសសហភាពអឺរ៉ុបផ្សេងទៀត។ លើសពីនេះ វានឹងល្អសម្រាប់អាជីវកម្មស្រាក្រហម និងស្រាសំប៉ាញនៅក្នុងសហរដ្ឋអាម៉េរិក»។
Trump អះអាងថា ដៃគូពាណិជ្ជកម្មរបស់សហរដ្ឋអាម៉េរិកបានទាញយកផលប្រយោជន៍ពីប្រទេសរបស់ខ្លួន ហើយពន្ធគយនឹងជួយលោកក្នុងការបង្កើនការងារមកវិញ ប៉ុន្តែទ្រឹស្ដីនេះត្រូវបានច្រានចោលដោយអ្នកសេដ្ឋកិច្ចទូទៅជាច្រើន។ សេដ្ឋវិទូជារឿយព្រមានថា ពន្ធគយរបស់ Trump លើសហភាពអឺរ៉ុប កាណាដា ម៉ិកស៊ិក និងចិន អាចនឹងធ្វើឱ្យសេដ្ឋកិច្ចអាម៉េរិកធ្លាក់ក្នុងវិបត្តិ។ ថ្មីៗនេះ ទីផ្សារភាគហ៊ុនធំៗរបស់អាម៉េរិកត្រូវបានលក់ចេញច្រើនយ៉ាងធ្ងន់ធ្ងរ ដោយសារវិនិយោគិនព្រួយបារម្ភជុំវិញការធ្លាក់ចុះសេដ្ឋកិច្ចនៃមហាអំណាចមួយនេះ។
លោក Laurent Saint-Martin រដ្ឋមន្ត្រីពាណិជ្ជកម្មការបរទេសបារាំងបានបង្ហោះនៅលើ X ថា បារាំងមិនចុះចាញ់នឹងការគំរាមកំហែងទេ និងបានប្តេជ្ញាចិត្តសងសឹកទៅវីញ ដើម្បីការពារវិស័យរបស់ខ្លួន។ គួរឲ្យបញ្ជាក់ដែរថា អ្នកផលិតស្រាឯករាជ្យនៅក្នុងប្រទេសសបារាំងមានចំណែក ៦០ ភាគរយនៃផលិតកម្មស្រាសរុបរបស់ប្រទេស។ ទន្ទឹមនឹងនេះ ពួកគេកំពុងតាមដានមើលយ៉ាងដិតដល់ថា តើជម្លោះនឹងមានសភាពដូចម្តេចតទៀត នឹងបន្តមានការប្រុងប្រយ័ត្នខ្លាំងណាស់ក្នុងស្ថានភាពឥឡូវនេះ។ ក្រុមហ៊ុនផលិតស្រារបស់បារាំងព្រួយបារម្ភថា ពួកគេអាចនឹងត្រូវបានអូសចូលទៅក្នុងសម្ពាធពន្ធដ៏ទូលំទូលាយ និងភ័យខ្លាចនូវវិធានការដាក់ពន្ធសងសឹកគ្នាទៅវិញទៅមក បន្ទាប់ពីសហភាពអឺរ៉ុបបានប្រកាសពន្ធសងសឹកលើផលិតផលអាម៉េរិកមួយចំនួនរួមទាំង ស្រាវីស្គីផងដែរ។ ក្រុមហ៊ុនផលិតស្រាមួយនៅបារាំងលើកឡើងថា វិស័យស្រាទាំងមូលបានឆ្លងកាត់វិបត្តិប្រភេទផ្សេងៗគ្នាជាបន្តបន្ទាប់ រួមមាន កូវីដ-១៩ អតិផរណា សង្រ្គាមនៅអ៊ុយក្រែន និងបញ្ហាអាកាសធាតុ ជាពិសេសអ្នកផលិតស្រាខ្នាតតូចៗងាយរងគ្រោះ។
កាលពីថ្ងៃព្រហស្បតិ៍ ភាគហ៊ុនអឺរ៉ុបបានធ្លាក់ចុះជុំវិញការព្រួយបារម្ភអំពីផលប៉ះពាល់នៃសង្គ្រាមពាណិជ្ជកម្ម។ សន្ទស្សន៍ភាគហ៊ុន Cac 40 របស់បារាំងធ្លាក់ចុះ ០,៣ ភាគរយ ខណៈពេលដែលសន្ទស្សន៍ភាគហ៊ុន Dax របស់អាល្លឺម៉ង់បានធ្លាក់ចុះ ០,៦ ភាគរយ។ លើសពីនេះ ក្រុមហ៊ុនភេសជ្ជៈធំៗឈានមុខគេនៅអឺរ៉ុបកំពុងស្ថិតក្រោមសម្ពាធរួមមាន ភាគហ៊ុន Pernod Ricard បានធ្លាក់ចុះជិត ៤ ភាគរយ និង ភាគហ៊ុន Rémy Cointreau ធ្លាក់ចុះ ៣,៥ ភាគរយ៕
Account
Security
Favourite Content