សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សភាពាណិជ្ជកម្មអឺរ៉ុបប្រចាំនៅកម្ពុជា និងសមាគមរោងច្រកកាត់ដេរ នឹងផ្តល់បរិយាកាសការងារកាន់តែប្រសើរឡើងសម្រាប់កម្មករកាត់ដេរ តាមរយៈកិច្ចចុះហត្ថលេខាលើអនុស្សរណៈនៃការយោគយល់គ្នា (MoU) ដែលនឹងនៅតែជាធរមានសម្រាប់រយៈពេលមិនកំណត់ និងបានកំណត់ច្បាស់លាស់នៃសកម្មភាពរួមគ្នាសម្រាប់សមាគមទាំងពីរនាឆ្នាំខាងមុខ។
ការចុះកិច្ចព្រមព្រៀង MoU ខាងលើនេះមានគោលបំណងជំរុញកិច្ចសហប្រតិបត្តិការឱ្យកាន់តែជិតស្និទ្ធរវាងសមាគមទាំងពីរ និងសមាជិករបស់ពួកគេ និងដើម្បីគាំទ្រដល់ក្រុមហ៊ុនកាត់ដេរ និងម៉ាកសម្លៀកបំពាក់អឺរ៉ុបនៅកម្ពុជា បន្ថែមពីលើការលើកកម្ពស់ឱកាសរបស់កម្ពុជានៅលើឆាកអឺរ៉ុប និងអាស៊ាន។ ផ្នែកផ្សេងទៀតនៃកិច្ចសហប្រតិបត្តិការរួមមាន ការដោះស្រាយបញ្ហាទាក់ទងនឹងផលិតកម្មប្រកបដោយនិរន្តរភាព និងការយល់ដឹងអំពីបរិស្ថាននៅក្នុងច្រវ៉ាក់ផលិតកម្ម ការស្វែងរកឱកាសនៃឧស្សាហកម្ម ៤.០ និងដើម្បីធ្វើឱ្យប្រសើរឡើងនូវម៉ាកយីហោអឺរ៉ុបដែលមានប្រភពពីកម្ពុជា។
លោក Tassilo Brinzer ប្រធានសភាពាណិជ្ជកម្មអឺរ៉ុបនៅកម្ពុជាបានគូសបញ្ជាក់ថា សភាពាណិជ្ជកម្មអឺរ៉ុប តំណាងឱ្យការលាយបញ្ចូលគ្នាដ៏ល្អនៃម៉ាកសំលៀកបំពាក់អឺរ៉ុបធំៗ ដើរតួនាទីយ៉ាងសំខាន់ក្នុងឧស្សាហកម្មកាត់ដេរ និងផលិតកម្មរបស់កម្ពុជា ក៏ដូចជាសហគ្រាសធុនតូច និងមធ្យម រោងចក្រ និងអាជីវកម្មក្នុងតំបន់ដែលមានភាពច្នៃប្រឌិត ដូចជាក្រុមហ៊ុនសវនកម្ម និងភស្តុភារ ដែលផ្តោតលើឧស្សាហកម្មកាត់ដេរ និងការនាំចេញរបស់ខ្លួន។
លោក Tassilo Brinzer បានថ្លែងថា ៖
“ការរួមសហការគ្នាយ៉ាងរឹងមាំលើមូលដ្ឋានសមាជិកភាពរបស់យើង ដែលធ្វើឱ្យយើងក្លាយជាមជ្ឈមណ្ឌលមួយ ដែលមានសមត្ថភាពជំរុញផលប្រយោជន៍នៃឧស្សាហកម្ម និងអ្នកពាក់ព័ន្ធរបស់ខ្លួនទៅមុខ។ ការទទួលយកគំនិតផ្តួចផ្តើមថ្មីៗដូចជា ខ្សែច្រវាក់ផ្គត់ផ្គង់ នឹងមានសារសំខាន់ក្នុងការបង្កើនឱកាសនាំចេញ។ យើងមានសេចក្តីសោមនស្សរីករាយដែលសមាគមរោងចក្រកាត់ដេរ គឺជាដៃគូរបស់យើងក្នុងដំណើរដ៏សំខាន់នេះ។ យើងទន្ទឹងរង់ចាំកិច្ចសហប្រតិបត្តិការប្រកបដោយផ្លែផ្កា និងដើម្បីបន្ថែមទស្សនវិស័យរបស់អឺរ៉ុបទៅកាន់ឧស្សាហកម្មកាត់ដេរ ស្បែកជើង និងសម្លៀកបំពាក់នៅកម្ពុជាកាន់តែទូលំទូលាយ”
លោក គង់ សាង ប្រធានសមាគមកាត់ដេរសំលៀកបំពាក់នៅកម្ពុជាបានឱ្យដឹងថា កម្ពុជា និងសហភាពអឺរ៉ុប គឺជាដៃគូពាណិជ្ជកម្មដ៏សំខាន់។ ភាពជោគជ័យ និងកំណើននៃការនាំចេញរបស់យើងអាចត្រូវបានកំណត់គុណលក្ខណៈមួយផ្នែកធំចំពោះការចូលប្រើប្រាស់ទីផ្សារអនុគ្រោះពន្ធពីសហភាពអឺរ៉ុបដែលផ្តល់ឱ្យក្រោមគ្រោងការណ៍អ្វីគ្រប់យ៉ាងលើកលែងតែអាវុធ (EBA) ។
លោក គង់ សាង បានមានប្រសាសន៍ថា ៖
“វាមានសារៈសំខាន់ណាស់ក្នុងការបន្តបង្កើនផលប្រយោជន៍សេដ្ឋកិច្ចតាមរយៈសក្តានុពលកំណើនបន្ថែមទៀត។ MoU គឺជាភាពជាដៃគូដែលមិនអាចកាត់ថ្លៃបានក្នុងការពង្រឹងការប្រកួតប្រជែងរបស់ឧស្សាហកម្មតាមរយៈការកសាងសមត្ថភាពក្នុងវិស័យជាច្រើន និងការតស៊ូមតិរួមគ្នាដើម្បីមានឥទ្ធិពលលើគោលនយោបាយពាក់ព័ន្ធ”
សមាគមរោងច្រកកាត់ដេរ និងសភាពាណិជ្ជកម្មអឺរ៉ុប បានប្តេជ្ញាចិត្តគាំទ្រដល់ការបន្តកំណើនសេដ្ឋកិច្ចនៃឧស្សាហកម្មប្រកបដោយការទទួលខុសត្រូវ ដែលក្នុងនោះមានមួយភាគធំបន្តទៅកាន់ទ្វីបអឺរ៉ុបជាមួយនឹងតម្លៃនាំចេញចំនួន ១១.៣៨ ពាន់លានដុល្លារអាមេរិកក្នុងឆ្នាំ២០២១ ដែលបញ្ជាក់ថាវិស័យកាត់ដេរ និងផលិតស្បែកជើងរបស់កម្ពុជានៅតែជាចំណុចកំពូលនៃសេដ្ឋកិច្ចកម្ពុជា ។
សូមបញ្ជាក់ថាការចុះហត្ថលេខាលើអនុស្សរណៈយោគយល់គ្នាកាលពីពេលថ្មីៗនេះ ផ្តួចផ្តើមដោយសភាពាណិជ្ជកម្មអឺរ៉ុប នៃគណៈកម្មាធិការផ្នែក «កាត់ដេរ និងផលិតកម្ម»របស់ខ្លួន ស្របពេលរាជរដ្ឋាភិបាលបានចេញផ្សាយយុទ្ធសាស្ត្រអភិវឌ្ឍន៍រយៈពេល៥ថ្មី សម្រាប់ឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
«ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា» ផ្តល់ភាពងាយស្រួលដល់ការចូលប្រើប្រាស់ និងស្វែងរកព័ត៌មាន ដើម្បីទាញយកអត្ថប្រយោជន៍សម្រាប់អាជីវកម្ម
កម្ពុជា-ហ្វីលីពីន ចុះហត្ថលេខាលើកិច្ចព្រមព្រៀងចំនួន៣ ដើម្បីរឹតបន្តឹងទំនាក់ទំនង និងជំរុញកំណើនសេដ្ឋកិច្ចរួមគ្នា
Account
Security
Favourite Content