សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្របទៅនឹងស្ថានភាពនៃអាកាសធាតុនាពេលបច្ចុប្បន្នដែលមិនសូវមានភ្លៀងធ្លាក់ទៀងទាត់ ឬគ្រប់គ្រាន់ដែលអាចបណ្តាលឱ្យមានផលប៉ះពាល់ដល់ការបង្កបង្កើនផលដាំដុះ ដំណាំចម្រុះក្នុងវិស័យកសិកម្ម បានជំរុញឱ្យប្រជាកសិករចាប់ផ្តើមមានការវិវត្តន៍ខ្លួនបន្តិចម្ដងៗ ចេញពីការពឹងផ្អែកទាំងស្រុងលើទឹកភ្លៀង ហើយងាកទៅរកបច្ចេកទេសថ្មីៗមកជួយជំនួសវិញ។
ជាដំណោះស្រាយកសិករភាគច្រើនបាន និងកំពុងប្រើប្រាស់ម៉ាស៊ីនបូមទឹកយកទៅស្រោចស្រពដំណាំដើរដោយថាមពលចំហេះ ខណៈដែលវិធីសាស្ត្រមួយនេះក្រៅពីធ្វើឱ្យតម្លៃថ្លៃដើមកើនឡើងខ្ពស់ ថែមទាំងអាប៉ះពាល់ដល់បរិស្ថានទៀតផង។ ជាមួយគ្នានេះ គេក៏ឃើញមានកសិករមួយចំនួនផ្សេងទៀត បានចាប់ផ្ដើមងាកចេញពីការប្រើប្រាស់ម៉ាស៊ីនបូមទឹក ទៅប្រើប្រាស់ថាមពលសូឡាសម្រាប់បូមទឹកដាក់ស្រែចំការជំនួសវិញម្ដង ដែលវិធីនេះ អាចទទួលបានចំណេញច្រើន ហើយមិនបង្កផលប៉ះពាល់ដល់បរិស្ថាន។
បើតាមអ្នកជំនាញកសិកម្ម លោកឧកញ៉ា សួង ណយ ដែលបានអនុវត្តផ្ទាល់នៅលើផ្ទៃដីដាំដុះរបស់លោកបានឱ្យដឹងថា ការដាក់បន្ទះសូឡាដើម្បីទាញយកថាមពលមកប្រើប្រាស់នេះ ថ្វីត្បិតតែត្រូវចំណាយប្រាក់បន្តិចមែន ប៉ុន្តែវាចំណាយតែម្ដងគឺអាចប្រើបានរហូតទៅដល់២០ឆ្នាំ ខុសពីម៉ាស៊ីនប្រើប្រេងសាំងដែលត្រូវការផ្លាស់ប្ដូរ និងជួសជុលញឹកញាប់ ហើយត្រូវចំណាយថ្លៃប្រេងជាប្រចាំ។
លោកឧកញ៉ាបន្តថា ៖
“សូឡាអាចជួយបានទាំងបរិស្ថាន ថែទាំទាំងសុខភាព ជួយដល់ដីស្រែចំការរបស់បងប្អូនប្រជាកសិករផងដែរ ព្រោះថាការប្រើម៉ាស៊ីនជៀសមិនផុតពីការហៀប្រេងទៅលើដី ឬអាចហូរទៅតាមទឹកជាដើម។ ម៉្យាងទៀត ថាមពលដែលបានមកពីប្រព័ន្ធសូឡានេះអាចមានលទ្ធភាពដំណើរការបូមទឹកដោយខ្លួនឯងនៅពេលមានថាមពលពន្លឺព្រះអាទិត្យ (ពេលថ្ងៃ) និងឈប់បូមវិញនៅពេលអស់ថាមពលពន្លឺព្រះអាទិត្យ (ពេលយប់)។ ដូច្នេះ កសិករមានពេលវេលាច្រើននៅក្នុងការថែទាំដំណាំរបស់ខ្លួន”
ជាមួយនឹងបទពិសោធន៍ប្រើប្រាស់នៅលើផ្ទៃដីរបស់លោកឧកញ៉ាផ្ទាល់ប្រមាណជិត២០ឆ្នាំបានបញ្ជាក់បន្ថែមថា ៖
“កសិករដែលចង់ប្រើប្រព័ន្ធបូមទឹកដើរដោយថាមពលសូឡាគប្បីត្រូវដឹងថា ប្រភពទឹករបស់ខ្លួននៅឯណា គាត់ត្រូវដឹងថានីវ៉ូទឹកមានកម្ពស់ប៉ុន្មានដើម្បីបូម ហើយបើសិនជាមិនមានទេ កសិករត្រូវជីកអណ្ដូង។ ម្យ៉ាងទៀត គាត់ត្រូវដឹងថាគាត់ត្រូវការទឹកប៉ុន្មានគីបក្នុងមួយថ្ងៃ ដើម្បីងាយស្រួលប្រាប់អ្នកជីកថាគួរជីកក្នុងជម្រៅប៉ុណ្ណា ហើយអ្វីដែលសំខាន់បំផុត គាត់ត្រូវមានលុយទិញសម្ភារៈយកទៅតម្លើង ត្រូវចេះតទុយោ និងចេះតម្លើង”
លោកបញ្ជាក់ទៀតថា ក្នុងករណីបងប្អូនប្រជាកសិករមានដីដាំដុះត្រឹមកន្លះហិកតា ទៅ១ហិកតា ការចំណាយលើការតម្លើងប្រព័ន្ធសូឡា អាចអស់ប្រាក់ចន្លោះពី ៣០០ ទៅ ៤០០ ដុល្លារ ដែលចំនួននេះមិនច្រើនទេ បើគិតទូទាត់ជាមួយការទិញម៉ាស៊ីន និងទិញប្រេងសាំង ឬប្រេងម៉ាស៊ូតសម្រាប់ចាក់ជាប់ជាប្រចាំ ហើយបើសិនដីស្រែមានទំហំ១០ហិកតា អាចប្រើថាមពល ២.២ គីឡូវ៉ាត់ និងអាចចំណាយថវិការក្នុងការតម្លើងប្រមាណជិត ២ ០០០ដុល្លារ។ បើតាមឯកសារស្ដីពី «ផែនទីបង្ហាញផ្លូវបច្ចេកវិទ្យាកសិកម្ម» របស់ក្រសួងឧស្សាហកម្ម បានលើកទឹកចិត្តដល់កសិករ នៅក្នុងការបង្កើនសក្តានុពលនៃភាពរីកចម្រើនរបស់បច្ចេកវិទ្យាដូចជា គំនិតផ្ដួចផ្ដើមកសិកម្មឆ្លាតវៃ ដែលជាទស្សនៈទានមួយក្នុងបដិវត្តន៍ឧស្សាហកម្ម ៤.០ ជាដើម។ ម្យ៉ាងទៀត កម្ពុជាមានមហិច្ឆតាក្លាយខ្លួនជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០ ដូច្នេះ កម្ពុជាត្រូវចាប់យកឱ្យបានឆាប់បំផុតនូវសក្តានុពលបច្ចេកវិទ្យា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាល្លឺម៉ង់គ្រោងទិញមីស៊ីលដ្រូនរបស់អ៊ុយក្រែន អាចវាយប្រហារបានជាង ១,០០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
អាល្លឺម៉ង់ត្រូវបានរាយការណ៍ថា កំពុងរៀបចំទិញមីស៊ីលរយៈចម្ងាយឆ្ងាយពីប្រទេសអ៊ុយក្រែន ក្នុងគោលបំណងពង្រីកសមត្ថភាពវាយប្រហាររយៈចម្ងាយឆ្ងាយរបស់ខ្លួន ខណៈទីក្រុងបែរឡាំងកំពុងបង្កើនការចំណាយលើវិស័យការពារជាតិ
ក្រសួងរៀបចំដែនដី កំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាព
Top News, ព្រឹត្តិការណ៍, អចលនទ្រព្យ
• 27/10/2026
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាពក្នុងក្របខណ្ឌក្រសួង និងធ្វើឱ្យមរតកនេះចាក់គ្រឹះក្នុងសង្គមកម្ពុជា ដោយបម្រើឧត្តមប្រយោជន៍ជាតិ និងប្រជាជន ស្របទៅតាមការវិវត្តនៃរចនាសម្ព័ន្ធសេដ្ឋកិច្ច និងសង្គម។ សូមគូសបញ្ជាក់ថា សមរភូមិទាំង៧ របស់ក្រសួងរៀបចំដែនដី នគរូបនីយកម្ម និងសំណង់ រួមមាន៖ ១. ការរៀបចំផ្ទះសំបែងឱ្យរៀបរយ៖
ហៃណាន ជំរុញការបង្កាត់ពូជស្រូវឆ្លាតវៃ ដោយប្រើបច្ចេកវិទ្យាហ្សែន និងស្វ័យប្រវត្តិកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
បច្ចេកវិទ្យាតម្រៀបហ្សែនកម្រិតខ្ពស់ ការវិភាគម៉ូលេគុលក្នុងជាលិកា និងប្រព័ន្ធស្វ័យប្រវត្តិកម្មក្នុងមន្ទីរពិសោធន៍ កំពុងដើរតួនាទីសំខាន់ក្នុងការជំរុញការស្រាវជ្រាវស្រូវ និងការបង្កាត់ពូជឆ្លាតវៃនៅទីក្រុងវិទ្យាសាស្ត្រ និងបច្ចេកវិទ្យា សានយ៉ា ខេត្តហៃណាន ដោយមានការគាំទ្រពីឧបករណ៍បច្ចេកវិទ្យារបស់ក្រុមហ៊ុន MGI Tech
អាម៉េរិកបារម្ភ ចិនបង្កើត «កងនាវាស្រមោល» បង្កប់តាមនាវាស៊ីវិលខ្នាតធំ សម្រាប់ផែនការលុកលុយកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
របាយការណ៍សម្ងាត់របស់ទីភ្នាក់ងារស៊ើបការណ៍សម្ងាត់ការពារជាតិអាម៉េរិក និងរូបភាពផ្កាយរណបដែលត្រូវបានបង្ហាញនាពេលថ្មីៗនេះ បានបង្កើនការព្រួយបារម្ភអំពីការពង្រីកកងនាវាស៊ីវិលរបស់ចិន និងលទ្ធភាពដែលនាវាទាំងនេះអាចត្រូវបានប្រើប្រាស់សម្រាប់ប្រតិបត្តិការយោធា ក្នុងករណីមានជម្លោះជុំវិញកោះតៃវ៉ាន់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content