សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី The Nation បានរាយការណ៍ថា ទឹកជំនន់ដ៏ធ្ងន់ធ្ងរដែលបានវាយប្រហារភាគខាងជើង និងភាគឦសានប្រទេសថៃ កំពុងបង្កការខូចខាតយ៉ាងធ្ងន់ធ្ងរដល់សេដ្ឋកិច្ចរបស់ប្រទេសនេះ ដោយសភាពាណិជ្ជកម្មថៃបានប៉ាន់ប្រមាណថា ការខូចខាតអាចមានទំហំរហូតដល់ប្រមាណ ២៤២ ពាន់លានបាត (៧,៤០ ពាន់លានដុល្លារ)។
អ្នកជំនាញបានព្រមានថា ប្រសិនបើបម្រែបម្រួលអាកាសធាតុកាន់តែខ្លាំងខ្លាឡើង ផលប៉ះពាល់សេដ្ឋកិច្ចរយៈពេលវែងអាចកាន់តែធ្ងន់ធ្ងរថែមទៀត។ លើសពីនេះ ទឹកជំនន់ដែលកាន់តែធ្ងន់ធ្ងរឡើងដោយសារបាតុភូតអាកាសធាតុ El Niño និង La Niña បានរំខានដល់វិស័យកសិកម្ម ជលផល បសុសត្វ និងវិស័យពាណិជ្ជកម្មនៅទូទាំងតំបន់ដែលរងផលប៉ះពាល់។ ទន្ទឹមនឹងនេះ សភាពាណិជ្ជកម្មថៃបានកំណត់អត្តសញ្ញាណខេត្តឈៀងរ៉ៃ ផាយ៉ាវ សុខោទ័យ ណងខៃ និងណាខនផាណម ជាខេត្តដែលរងគ្រោះខ្លាំងបំផុតពីទឹកជំនន់។ ខាងក្រោមនេះជាតម្លៃការខូចខាតនៅតំបន់ទាំងនោះ៖
១. ឈៀងរ៉ៃ – ៦,៤១ ពាន់លានបាត (ប្រហែល ១៩៦,១៨ លានដុល្លារ)
២. ផាយ៉ាវ – ២,៦៨ ពាន់លានបាត (ប្រហែល ៨២,២៧ លានដុល្លារ)
៣. សុខោទ័យ – ២,២៦ ពាន់លានបាត (ប្រហែល ៦៩,៣០ លានដុល្លារ)
៤. ណងខៃ – ២,០៣ ពាន់លានបាត (ប្រហែល ៦២,១១ លានដុល្លារ)
៥.ណាខនផាណម – ១,៥៧ ពាន់លានបាត (ប្រហែល ៤៨,២២ លានដុល្លារ)
លោក Sanan Angubolkul ប្រធានសភាពាណិជ្ជកម្មថៃ បានសម្តែងការព្រួយបារម្ភយ៉ាងខ្លាំងអំពីលទ្ធភាពដែលអាចរងការខូចខាតបន្ថែមទៀត ជាពិសេសដោយសារហានិភ័យនៃទឹកជំនន់កំពុងកើនឡើងបន្ថែមនៅក្នុងតំបន់ជាច្រើន។ លោកបានអំពាវនាវឱ្យរដ្ឋាភិបាលបង្កើតផែនការគ្រប់ជ្រុងជ្រោយមួយដើម្បីកាត់បន្ថយផលប៉ះពាល់នៃការកើនឡើងជំនន់នាពេលអនាគត ជាពិសេសនៅតំបន់កណ្តាល និងទីក្រុងបាងកក ។
លោក Sanan Angubolkul បាននិយាយថា ទឹកជំនន់គឺជាគ្រោះមហន្តរាយធម្មជាតិតែងតែកើតឡើងនៅក្នុងប្រទេសថៃ ប៉ុន្តែបញ្ហានេះបានកើនឡើងកាន់តែធ្ងន់ធ្ងរ និងញឺកញាប់ ដោយសារតែការប្រែប្រួលអាកាសធាតុ។ វិស័យកសិកម្ម ដែលជាកត្តាជំរុញដ៏សំខាន់នៃសេដ្ឋកិច្ចរបស់ប្រទេស មានភាពងាយរងគ្រោះដោយសារការរំខានទាំងនេះជាទីបំផុត។
លោក Ath Pisavanich អ្នកជំនាញសេដ្ឋកិច្ចអន្តរជាតិបានសង្កត់ធ្ងន់ថា ការប្រែប្រួលអាកាសធាតុ និងផលវិបាកដ៏អាក្រក់របស់វាបង្កឡើងដោយមនុស្ស។ មិនត្រឹមតែប៉ុណ្ណោះ ទឹកជំនន់ធ្ងន់ធ្ងរកំពុងកើតឡើងនៅទូទាំងពិភពលោកចាប់តាំងពីអឺរ៉ុបដល់ទ្វីបអាហ្រ្វិក ដែលជាលទ្ធផលមកពីការឡើងកំដៅផែនដី។ លោកបានកត់សម្គាល់ថា ការប្រែប្រួលអាកាសធាតុកំពុងកើនឡើងលឿនខ្លាំង គួបផ្សំជាមួយនឹងផលប៉ះពាល់កាន់តែធ្ងន់ធ្ងរ។ ជាលទ្ធផល គោលដៅកិច្ចព្រមព្រៀងទីក្រុងប៉ារីសនៃការកំណត់សីតុណ្ហភាពពិភពលោកត្រឹម ១.៥ អង្សាសេ គឺកាន់តែពិបាកខ្លាំងឡើងក្នុងការសម្រចគោលដៅមួយនេះ។
លោក Wisit Limluecha អនុប្រធានសភាពាណិជ្ជកម្មលើកឡើងថា ប្រសិនបើស្ថានការណ៍មិនប្រសើរឡើងទេ នោះផលប៉ះពាល់សេដ្ឋកិច្ចដោយទឹកជំនន់អាចបន្តកើនឡើង។ គាត់បានប៉ាន់ប្រមាណថា ការខូចខាតអាចមានរហូតដល់ ៥០ ពាន់លានបាត (ប្រហែល ១,៥ ពាន់លានដុល្លារ)។ ក្រុមហ៊ុន Krungsri Research បានកំណត់តំបន់មួយចំនួនដែលមានហានិភ័យខ្ពស់នៃទឹកជំនន់រួមមាន ភាគខាងជើង និងតំបន់ក។ ក្រុមហ៊ុនប៉ាន់ប្រមាណថា ទឹកជំនន់អាចបណ្តាលឱ្យខូចខាតអចលនទ្រព្យចំនួន ៣,១ ពាន់លានបាត (ប្រហែល ៩៤,៨៤ លានដុល្លារ) និងការខាតបង់កសិកម្មចំនួន ៤៣,៤ ពាន់លានបាត (ប្រហែល ១,៣២ ពាន់លានដុល្លារ)។
ការប្តេជ្ញាចិត្តរបស់ប្រទេសថៃក្នុងការសម្រេចបាននូវការបំភាយឧស្ម័នផ្ទះកញ្ចក់សុទ្ធត្រឹមសូន្យនៅឆ្នាំ ២០៦៥ គឺជាជំហានដ៏សំខាន់មួយក្នុងការដោះស្រាយវិបត្តិអាកាសធាតុ។ យ៉ាងណាមិញ ដើម្បីពន្លឿនកិច្ចខិតខំប្រឹងប្រែងរបស់ខ្លួន ប្រទេសនេះប្រឈមមុខនឹងសម្ពាធកាន់តែខ្លាំងឡើង ដើម្បីរក្សាល្បឿនជាមួយនឹងប្រទេសផ្សេងទៀតដូចជា វៀតណាមមានមហិច្ឆិតាកំណត់គោលដៅត្រឹមឆ្នាំ ២០៣០៕
Account
Security
Favourite Content