សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងព្រែកជីកហ្វូណនតេជោ ដែលកំពុងស្ថិតនៅក្នុងដំណាក់ឈានទៅរកការបើកការដ្ឋានសាងសង់ឆាប់ៗទោះបីជាមានការរារាំងពីប្រទេសមួយចំនួនក្ដី ហើយគម្រោងព្រែកជីកនេះ បើសិនជាដឹងពីព័ត៌មានលម្អិតទៀតនោះ សាធារណជនប្រាកដជាកោតសរសេរភាពអស្ចារ្យក្នុងនោះ ព្រែកជីកហ្វូណនតេជោគ្រោងនឹងសង់សន្ទះទឹកចំនួន៣ និងកំពង់ផែរណបចំនួន៣ ជាមួយមជ្ឈមណ្ឌលពាណិជ្ជកម្មនិងភស្ដុភារកម្មមួយចំនួនទៀតផងដែរ ។
បើតាមវីដេអូផ្សព្វផ្សាយពីគម្រោងព្រែកជីកហ្វូណនតេជោ បានបង្ហាញថា គម្រោងនេះមិនត្រឹមតែតភ្ជាប់ទៅកំពង់ផែ នៅខេត្តកែបប៉ុណ្ណោះទេ តែវានឹងតភ្ជាប់ទៅគម្រោងកំពង់ទឹកជ្រៅខេត្តកំពត និងបន្តទៅដល់កំពង់ទឹកជ្រៅអន្តរជាតិខេត្តព្រះសីហនុផងដែរ ។
សម្រាប់សន្ទះទឹកទាំង៣ដែលគ្រោងនឹងសង់នោះរួមមាននៅខេត្តកណ្ដាល ខេត្តតាកែវ និងខេត្តកែប ។ពីសន្ទះទឹកទី១ទៅសន្ទះទឹកទី២ក្នុងគម្រោងព្រែកជីកហ្វូណនតេជោ នឹងមានសង់កំពង់ផែយុទ្ធសាស្ត្រមួយនៅខេត្តតាកែវ ដោយតភ្ជាប់ផ្លូវទឹកជាមួយពហុមធ្យោបាយដឹកជញ្ជូន ក្នុងនោះក៏មានសង់មជ្ឈមណ្ឌលភស្តុភារកម្មចម្រុះ ភ្ជាប់ជាមួយនឹងស្ថានីយ៍រថភ្លើងផងដែរ ។
ចំណែកពីសន្ទះទឹកទី២គ្រោងនឹងសង់ឡើងនៅខេត្តតាកែវ ៖ ពីសន្ទះទឹកទី២ទៅទី៣ ក្នុងគម្រោងព្រែកជីកគ្រោងនឹងសាងសង់ កំពង់ផែរណបចំនួន២ និងមជ្ឈមណ្ឌលពាណិជ្ជកម្មមួយ ក្នុងនោះមានកំពង់ផែរណបស្រុកអង្គរជ័យ ខេត្តកំពត និងកំពង់ផែរណបស្រុកបន្ទាយមាសខេត្តកំពត ។ ដោយឡែកមជ្ឈមណ្ឌលពាណិជ្ជកម្មគ្រោងសាងសង់ឡើងនៅស្រុកកំពង់ត្រាចនៃខេត្តកំពតដែរ ។
ដោយឡែកសន្ទះទឹកទី៣នឹងត្រូវសង់ឡើងនៅខេត្តកែប ហើយពីសន្ទះទឹកនេះតទៅ វានាដឹកទំនិញ អាចភ្ជាប់ជាមួយនឹងកំពង់ផែទឹកជ្រៅខេត្តកំពត និងតទៅកំពង់ផែទឹកជ្រៅខេត្តព្រះសីហនុ ដែលវាជាផ្លូវទឹកដ៏អស្ចារ្យក្នុងប្រវត្តិសាស្ត្រប្រទេសកម្ពុជា ។
គម្រោងព្រែកជីកមួយនេះ ត្រូវបានទទួលស្គាល់និងគាំទ្រយ៉ាងភ្លូកទឹកភ្លូកដី ពីប្រជាជនកម្ពុជានិងពីសហគមន៍អន្តរជាតិ ប៉ុន្តែក៏មានក្រុមមួយក្ដាប់តូច ដែលព្យាយាមរារាំងលើការអនុវត្តគម្រោងព្រែកជីកមួយនេះ ពីព្រោះថាពួកគេនឹងបាត់ប្រយោជន៍នៅពេលគម្រោងនេះលេចជារូបរាង ។
ក្នុងនោះដែរ ប្រធានរដ្ឋរបស់ឡាវ ឯកឧត្តមថងលូន ស៊ីសូលីត បានប្រកាសគាំទ្រដល់គម្រោងព្រែកជីកហ្វូណនតេជោ ដោយលើកឡើងថាគម្រោងនេះ មិនធ្វើឱ្យប៉ះពាល់ដល់បរិស្ថាននោះទេ ។ នេះបើតាមសេចក្ដីប្រកាសព័ត៌មានមួយក្រោយជំនួបរវាងសម្ដេចអគ្គមហាសេនាបតីតេជោហ៊ុន សែន ប្រធានព្រឹទ្ធសភា និង ឯកឧត្តមមប្រធានរដ្ឋឡាវកាលពីពេលថ្មីៗនេះ ៕
Account
Security
Favourite Content